LUKAS 14:26 - Rengah Jian

²⁶ Kelunan séé'-séé' éh juk tuai bakéh ké', hun néh bé' leko tong tamen tinen néh, ngan leko tong redo néh, ngan tong anak néh, ngan tong padéé' néh lakei' ngan padéé' néh redo péh, kenat péh tong urip néh, adang néh bé' omok bakéh Ké'.

LUKAS 14:26 Iomraidhean Croise

MATIUS 10:37

Ha' néh kepéh, séé'-séé' éh murung tamen tinen néh pelapah ja'au jin néh murung Akeu', bé' iah payoo' tong Akeu'. Ngan séé' éh murung anak néh lakei' ngan murung anak néh redo pelapah ja'au jin néh murung Akeu', bé' iah payoo' tong Akeu'.

LUKAS 14:20

Ka' ha' kelunan éh tengéé' kepéh, Bé' akeu' pu'un tai kuman ja'au inah uban ké' maréng kawin, akeu' keloo' mokoo' ngan redo ké' awah, ha' néh.

LUKAS 14:25

Pu'un kelunan pinaa' kivu Yésus, Yésus pupah ke' Néh bara' ngan réh, ka' ha' Néh,

YOHANES 12:25

Séé'-séé' éh mihau urip néh tengéé', tawang urip néh inah. Bang séé'-séé' éh bé' seruh mihau urip néh tengéé' tong tana' iteu', inah éh pu'un urip pelinguh.

PENGANEU' LAWAH 20:24

Bang bé' akeu' paréé' urip ké', sokoh ke' ku' omok pesukup kekat kereja' éh na' Tuhan Yésus ngan ké', inah éh, bara' Rengah Jian tong penika Allah.

SURAT PAULUS NGAN SIDANG RUM 9:13

La'ah barei' ha' lem surat Allah, Pu'un Ku' ngevéléé' Yakub ngan nebet Ké' Esau, ha' Néh.

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

ÉH POLÉNG 12:11

Kekat padéé' lu' lepah nyopéé' éh neu' dahaa' Anak Domba ngan neu' ha' tebaraa' Tuhan éh benara' réh avéé' réh mena' urip réh matai ngan jian kenin.