LUKAS 14:22 - Rengah Jian

²² Bé' makat lebéé' la'o inah, moléé' kepéh kelunan sohoo' ri' tavin pengeja'au néh. Ka' ha' néh ngan pengeja'au nah, O lakei' ja'au, pu'un akeu' tai pekua' sohoo' ko' rit, ngan pu'un réh tuai, bang ja'au keto giwang éh bé' pu'un kelunan tong néh, ha' néh.

LUKAS 14:22 Iomraidhean Croise

LUKAS 14:21

La'o inah moléé' kelunan sohoo' ri' tai tavin pengeja'au néh ke' néh bara' kekat irah éh tenebai rai bé' keloo' tuai kuman ja'au inah lah. Merek mu'un-mu'un pengeja'au nah lah. Boh éh nyohoo' kelunan sohoo' iri' tai tebai kelunan éh jah kepéh. Ka' ha' néh, Semah-semah lamin kelunan kari, sinah ke' tai ngan tebai réh tuai kuman, kenat péh tong kelunan éh matai keluhat, ngan kelunan éh peseu' maten, ngan kelunan éh paket péh. Rigah ke' da', ha' néh ngan kelunan sohoo' nah.

LUKAS 14:23

Boh pengeja'au nah bara' ngan kelunan sohoo' nah kepéh, ka' ha' néh, Jian ke' tai, tai kepéh semah-semah éh bé' sakui tenebai ko' ri, inah ko' tebai kepéh, dokoo' lamin ké' penoo' neu' réh.

YOHANES 14:2

Dalem umaa' Tamen Ké' pu'un pinaa' lamin, ngan Akeu' juk tai petenup jalan ngan keh. Hun néh bé' pu'un pinaa' lamin kenat, bé' Ku' pu'un bara' kenat ngan keh.

ÉPESUS 3:8

La'ah na' péh akeu' pelapah si'ik jin kekat irah éh jah éh anah Allah, dalem penika Néh Iah kejeraa' akeu' bara' ngan kelunan éh tengéé' pohoo' tong pengejian Kristus éh pelapah jian jin éh omok benara' lu'.

KOLOSÉ 2:9

Uban kekat pengaren ngan pengeni'ai Allah pu'un éh lem Kristus, inah éh, lem urip Néh paléu kelunan,

1 YOHANES 2:2

Uban Kristus awah éh jalan mega' kekat penyala' lu', bé' éh kekat penyala' uleu' iteu' awah, bang jalan mega' penyala' kekat kelunan pah tipo tana'.