LUKAS 14:21 - Rengah Jian

²¹ La'o inah moléé' kelunan sohoo' ri' tai tavin pengeja'au néh ke' néh bara' kekat irah éh tenebai rai bé' keloo' tuai kuman ja'au inah lah. Merek mu'un-mu'un pengeja'au nah lah. Boh éh nyohoo' kelunan sohoo' iri' tai tebai kelunan éh jah kepéh. Ka' ha' néh, Semah-semah lamin kelunan kari, sinah ke' tai ngan tebai réh tuai kuman, kenat péh tong kelunan éh matai keluhat, ngan kelunan éh peseu' maten, ngan kelunan éh paket péh. Rigah ke' da', ha' néh ngan kelunan sohoo' nah.

LUKAS 14:21 Iomraidhean Croise

MATIUS 11:28

Tuai tavin Akeu' kekat ka'ah éh mutau bii' bahat, Akeu' omok bet éh bahat nebii' keh nah.

MATIUS 11:5

Jian keh bara' ngan néh, kelunan éh peseu' omok réh na'at kepéh, irah éh paket omok réh lakau kepéh, irah éh kapéé' pu'un réh ma'o ngan lanyah kulit réh kepéh, irah éh rengen omok réh menéng kepéh, irah éh lepah matai omok réh murip kepéh, ngan Rengah Jian jin Allah benara' néh ngan kelunan kari.

MATIUS 15:12

Boh irah bakéh Yésus tuai tavin éh kepéh, ka' ha' réh, Sa'at kenin irah Parisi menéng ha' ko' iri' de', ha' réh.

MATIUS 18:31

Mujah kenin irah kelunan sohoo' éh jah jam kenin néh bé' pu'un pika kenat. Irah tioo tai tavin pengeja'au réh bara' éh ngan néh.

MATIUS 20:7

Ha' réh mipa éh, Bé' pu'un ineu' neu' mé', bé' pu'un kelunan nyohoo' mé' jak, ha' réh. Ha' lakei' inah kepéh, Jian keh tai kereja' tong pulah ké', ha' néh.

LUKAS 14:13

Bang hun ko' tebai kelunan tuai pelelong kuman, jian ke' tebai kelunan éh kari ngan kelunan éh matai keluhat, ngan kelunan paket ngan kelunan peseu',

LUKAS 14:20

Ka' ha' kelunan éh tengéé' kepéh, Bé' akeu' pu'un tai kuman ja'au inah uban ké' maréng kawin, akeu' keloo' mokoo' ngan redo ké' awah, ha' néh.

LUKAS 14:22

Bé' makat lebéé' la'o inah, moléé' kepéh kelunan sohoo' ri' tavin pengeja'au néh. Ka' ha' néh ngan pengeja'au nah, O lakei' ja'au, pu'un akeu' tai pekua' sohoo' ko' rit, ngan pu'un réh tuai, bang ja'au keto giwang éh bé' pu'un kelunan tong néh, ha' néh.

LUKAS 14:24

Bé' sapét jah usah péh kelunan éh bu'un tenebai ké' inah éh omok pemung kuman ngan ké', ha' lakei' ja'au nah, ha' Yésus ngan réh.

LUKAS 24:47

Inah kepéh, dalem ngaran Néh rengah éh bara' tong jalan tekep kelunan piso jin penyala' réh dokoo' mega' penyala' réh, tekep éh benara' réh ngan kekat arong kelunan, éh bu'un néh tong Yérusalem.

LUKAS 9:10

Moléé' lah irah lawah Yésus éh sohoo' Néh lakau nah, bara' kekat rengah ngan éh penganeu' réh tong pengelakau réh ngan Yésus. Boh Yésus mihin kekat irah inah tai tana' déhéé' leboo' Betsaida.

YOHANES 9:39

Ka' ha' Yésus kepéh, Akeu' pu'un tuai tong tana' iteu' dokoo' Ké' petuneng kelunan, inah néh, dokoo' kelunan éh peseu' omok pu'un ta'an kepéh, kelunan éh pu'un ta'an paléu peseu' kepéh, ha' Néh.

IBRANI 13:17

Jian keh ngerera' tong irah éh majak keh ngan kivu sohoo' réh. Uban irah éh mihau kekat urip keh, uban irah juk bara' kekat kereja' réh ngan Allah, hun keh kivu sohoo' réh, irah omok kereja ngan jian kenin, Bang hun keh bé' kivu sohoo' réh irah péh kereja ngan bahat kenin ngan bé' omok mihau keh mu'un.

IBRANI 2:3

Bé' pu'un jalan lu' omok kelap hun lu' ngelapah awah tong penika Tuhan éh juk purip lu', adang lu' teneng ukum Néh. Uban Tuhan tengéé' éh bu'un-bu'un bara' tong jalan Néh juk purip lu', ngan irah éh pu'un menéng éh pu'un bara' éh ngan uleu' kepéh ngan pekelenaa' éh ngan lu' adang Tuhan juk purip kelunan.

YAKUB 2:5

Nesen keh, padéé'-padéé' éh kemurung ké'! Allah lepah ngevéléé' kelunan éh kari tong tana' iteu' dokoo' réh omok kaya' dalem pengelan. Irah juk tai lem Pengihau Allah barei' éh lepah pejajii' Néh ngan irah éh pika Iah.

ÉH POLÉNG 19:15

Jin ujun Néh musit jah po'é éh nyahit, ngan palaa' po'é inah Iah juk nyopéé' kekat arong kelunan. Iah juk mihau réh palaa' sekot daven. Iah juk meték buaa' agun tong jalan réh meték éh. Inah éh kemerek ngan kepana kenin Allah éh ja'au penyukat.

ÉH POLÉNG 22:17

La'ah Sahéé' Ni'ai ngan redo éh juk kawin bara', Tuai ke', ha' néh. La'ah siget usah éh menéng éh jian éh bara', Tuai ke'. Séé'-séé' éh mapeu' batok tuai ke', alaa' baa' éh omok purip ke', pu'un Tuhan mena' éh awah ngan séé'-séé' éh keloo' alaa' éh.