LUKAS 14:13 - Rengah Jian

¹³ Bang hun ko' tebai kelunan tuai pelelong kuman, jian ke' tebai kelunan éh kari ngan kelunan éh matai keluhat, ngan kelunan paket ngan kelunan peseu',

LUKAS 14:13 Iomraidhean Croise

MATIUS 15:30

Pinaa' kelunan tuai tavin éh, pu'un réh mihin kelunan éh paket, ngan éh peseu', ngan éh matai keluhat, ngan éh mameng, ngan pu'un irah éh jah kepéh pinaa' arong-arong kesakit réh. Pu'un réh pokoo' réh déhéé' gem Yésus ngan Iah peka'o réh.

MATIUS 22:10

Tai irah sohoo' néh tebai kekat kelunan éh sinah, irah éh jian péh, irah éh sa'at péh, penoo' lamin jalan réh kuman nah neu' réh.

LUKAS 11:41

Jian keh mena' kekat éh pu'un lem sawan ngan pigan keh ngan kelunan kari, boh kekat inah pu'un mebéng, ha' Néh ngan réh.

LUKAS 14:12

Boh Yésus bara' kepéh ngan kelunan éh tebai' éh tai kuman iri', ka' ha' Néh, Hun ko' tebai kelunan tuai pelelong kuman, mai ke' tebai irah éh bakéh ko' ngan padéé' ko' ngan panak ko' awah, kenat péh mai ke' tebai irah éh kaya' awah. Hun ko' tebai kelunan éh kaya' awah, adang irah pu'un tebai ke' kuman ngan irah kepéh, hun néh kenat inah ka'au' pu'un alaa' éh jin irah kepéh.

LUKAS 14:14

boh ke' jian, uban bé' irah omok maneu' ineu'-ineu' éh ke' réh mena' ngan ko' kepéh. Tovoo' Tuhan metéé' kelunan jian jin patai réh, boh Tuhan pu'un mena' oléé' néh ngan ko' kepéh, ha' Néh.

LUKAS 14:21

La'o inah moléé' kelunan sohoo' ri' tai tavin pengeja'au néh ke' néh bara' kekat irah éh tenebai rai bé' keloo' tuai kuman ja'au inah lah. Merek mu'un-mu'un pengeja'au nah lah. Boh éh nyohoo' kelunan sohoo' iri' tai tebai kelunan éh jah kepéh. Ka' ha' néh, Semah-semah lamin kelunan kari, sinah ke' tai ngan tebai réh tuai kuman, kenat péh tong kelunan éh matai keluhat, ngan kelunan éh peseu' maten, ngan kelunan éh paket péh. Rigah ke' da', ha' néh ngan kelunan sohoo' nah.

PENGANEU' LAWAH 9:39

Pelapah Péterus tai kivu roh. Hun néh avéé' tong lamin réh, pu'un réh mihin éh tai lamin éh saa' bau nah. Kekat redo baleu' nyikeu' éh ngan mangaa'. Kekat kerayung ngan pakai éh neu' Dorkas nah rai pu'un réh bara' éh ngan néh.

1 TIMOTIUS 3:2

La'ah kelunan éh mihau sidang nah, tekep éh bé' pu'un ineu'-ineu' kesa'at naneu' néh éh ke' réh omok pesala' éh tong néh. Iah tekep jah awah redo. Jian éh kelunan éh jam mihau kenin néh, jam seruh ngan bé' paba pané. Jian éh kelunan éh keloo' alaa' irah éh jah tong lamin néh ngan mihau réh ngan jian kenin, tekep éh kelunan éh jam nebaraa' irah éh jah.

1 TIMOTIUS 5:10

Inah kepéh hun néh redo éh pu'un ngaran éh jian uban néh pinaa' jalan nolong kelunan éh jah, éh pu'un mihau anak néh mu'un ngan éh ngelayau alaa' irah sakai tong lamin néh ngan mihau réh ngan jian kenin, éh pu'un masi ngan pika kelunan lem penusah réh, ngan éh mekat maneu' kuraa'-kuraa' arong kereja' éh jian péh, redo baleu' éh kenat jian keh nolong éh.

TITUS 1:8

Tekep éh kelunan éh keloo' alaa' irah sakai tong lamin néh ngan petubo éh ngan jian kenin. Jian éh kelunan éh keloo' tong kekat éh jian, éh jam mavaa' kenin néh, éh teneng dalem kekat penganeu' néh, ngan éh ni'ai kenin ngan éh jam seruh.

PILEMON 1:7

O padéé', neu' penika ko' akeu' pu'un murung kenin ngan pu'un ngegahang kenin, uban pu'un ke' ngejian kenin kuraa'-kuraa' kelunan éh anah Tuhan.

IBRANI 13:2

Jian keh alaa' kelunan éh nyakai tong lamin keh ngan jian kenin. Pu'un kelunan éh alaa' réh kenat inah réh alaa' meliket, bang bé' réh jam éh meliket.