LUKAS 13:19 - Rengah Jian

¹⁹ Barei' ineu' éh, ineu' Ké' tapan tong néh da'? Ka' éh, barei' tulin buaa' kayeu' sesawi, tulin buaa' inah si'ik mu'un éh. Pu'un jah kelunan alaa' tulin buaa' inah ke' néh mulah éh tong térék néh, bé' lebéé' nyekaa' tulin inah ngan nginan, pinaa' juhit maneu' sala néh tong paka' néh, ha' Néh.

LUKAS 13:19 Iomraidhean Croise

MATIUS 17:20

Ha' Yésus ngan réh, Uban keh kurang pengelan tong Allah. Akeu' bara' mu'un ngan keh, hun keh ngelan, na' péh pengelan keh si'ik awah barei' tulin buaa' kayeu' sesawi nah, omok keh bara' ngan tokong iteu', Piso ke' jin siteu', adang néh pu'un piso. Hun keh ngelan omok keh maneu' ineu'-ineu'.

MARKUS 4:30

La'ah ha' Yésus, Inah ha' tapan éh pepata tong jalan Allah Pengeja'au.

LUKAS 17:6

Boh Yésus pané ngan réh kepéh, ka' ha' Néh, Barei' tulin buaa' kayeu' sesawi éh si'ik mu'un bang pelén néh éh pu'un dalem néh inah éh mihin éh omok murip. Kenat péh na' péh éh si'ik awah, hun pengelan keh pu'un mu'un, adang keh omok nyohoo' inan ara inah pavut jin pu'un néh inah ngan mulah éh kepéh tong baa' banget, adang inan ara inah omok kivu sohoo' keh kenat, ha' Néh.

PENGANEU' LAWAH 2:41

La'ah pinaa' kelunan jin belah réh ngelan ha' tebaraa' éh benara' néh inah, ngan pu'un éh ngebatis réh. Tong dau inah péh pepit kepéh ngioo' teleu' ibu' kekat kelunan masek maréng pemung ngan irah éh lepah ngelan nah kepéh.

PENGANEU' LAWAH 21:20

Hun réh menéng éh, boh réh mejing Allah. Ka' ha' réh ngan Paulus, O padéé', kejam ko' pu'un kuraa'-kuraa' ibu kelunan Yahudi éh ngelan tong Tuhan Yésus, ngan éh mekat kivu sohoo' lem Surat Musa.

PENGANEU' LAWAH 4:4

Bang pinaa' kelunan éh pu'un menéng ha' tebaraa' roh inah pu'un réh ngelan, ngioo' kekat irah lakei' lemah ibu usah.

SURAT PAULUS NGAN SIDANG RUM 15:19

ngan neu' kuraa' telana' ja'au éh ngebéé kenin réh, ngan neu' penyukat Sahéé' Ni'ai kepéh. La'ah jin Yérusalem avéé' tong tana' Ilirikum pu'un akeu' tai bara' Rengah Jian tong Kristus ngan réh.

ÉH POLÉNG 11:15

Boh meliket éh ketujuu' nah nyelevuu serupit néh, pu'un kuraa'-kuraa' ha' ja'au tong seruga, éh bara' ka', Kekat penyukat pu'un éh ngan Allah Tuhan mé' ngan pu'un éh ngan Kristus éh kevéléé' Néh ke' Néh omok Raja', Iah omok Raja' pah tipo tana', pu'un éh Raja' ngan mihau réh pah avéé' pelinguh, ha' réh.