LUKAS 13:14 - Rengah Jian

¹⁴ La'ah pengeja'au tong lamin sebayang Yahudi nah merek ngan Yésus uban néh peka'o redo inah tong dau Posot nah. Boh lakei' ja'au nah pané ngan kelunan pinaa' nah, ka' ha' néh, Nem dau awah éh tekep lu' kereja', dalem kekat dau inah omok keh tuai dokoo' keh pitah jalan keh ma'o jin kesakit keh, bang mai keh tuai tong Dau Posot nah, ha' néh ngan réh.

LUKAS 13:14 Iomraidhean Croise

MATIUS 12:2

Hun irah éh kivu adet Parisi na'at réh maneu' kenat, pu'un réh pané ngan Yésus, ka' ha' réh, Bé' tekep réh maneu' kenat tong Dau Posot, uban réh maneu' kenat inah irah pu'un ngelapah tong ukum tebaraa' améé', ha' réh.

MARKUS 5:22

Pemung ngan réh sinah pu'un jah kelunan ngaran néh Yérus, éh pengeja'au tong lamin sebayang Yahudi. Hun néh na'at Yésus, iah ngejekuu' lep néh déhéé' gem Yésus.

LUKAS 6:11

Bang kekat kelunan tong lamin sebayang inah merek mu'un-mu'un réh, pepané réh pitah jalan ke' réh omok maneu' Yésus.

LUKAS 6:7

Irah éh nebaraa' tong sohoo' lem Surat Musa ngan irah éh kivu adet Parisi péh pitah jalan ke' réh omok pesala' Yésus. Kenat péh irah ngedalem ngan na'at Éh ke' réh omok jam hun Néh pu'un peka'o kelunan tong Dau Posot nah.

LUKAS 8:41

La'ah pu'un jah lakei' sinah ngaran néh Yérus, lakei' inah pengeja'au tong lamin sebayang Yahudi. Tai éh ngejekuu' lep néh déhéé' gem Yésus ke' néh menyat Yésus tai lamin néh. Iah menyat Yésus tai kenat uban anak néh.

PENGANEU' LAWAH 13:15

La'o réh purung Surat Musa ngan surat irah éh nabi Tuhan, irah pengeja'au tong lamin sebayang nah nyohoo' kelunan tavin roh ke' réh bara' ka', O padéé', hun néh pu'un ha' tebaraa' éh omok ngereken kenin mé' jian koh bara' éh, ha' réh.

PENGANEU' LAWAH 18:17

La'ah irah pinaa' nah ngamit Sostenes, pengeja'au tong lamin sebayang Yahudi, ke' réh mipok éh déhéé' lamin besara'. Bang bé' sapét si'ik péh Galio pegunah réh maneu' éh kenat.

PENGANEU' LAWAH 18:8

La'ah Krispus éh pengeja'au tong lamin sebayang Yahudi nah, ngan kekat irah tong lamin néh, pu'un réh ngelan tong Tuhan Yésus, kenat péh pinaa' kelunan jin leboo' Korintus éh menéng ha' Paulus, pu'un réh ngelan ngan batis kepéh.

SURAT PAULUS NGAN SIDANG RUM 10:2

Uban akeu' jam irah juk kivu Allah bang bé' réh jam tong pengeloo' Néh.