LUKAS 13:11 - Rengah Jian

¹¹ Tong lamin sebayang inah pu'un jah redo éh nasek balei', naneu' balei' inah pu'un éh sakit jah poloo' ayah ta'un kelebéé' néh tenéh, nerekung sohot néh, bé' éh omok nekedéng pejek.

LUKAS 13:11 Iomraidhean Croise

MATIUS 4:23

La'ah Yésus lakau tutuh tana' Galilia ke' néh nebaraa' réh dalem kekat lamin sebayang Yahudi. Pu'un éh bara' Rengah Jian tong Allah éh pengeja'au, ngan pu'un éh peka'o réh jin kekat arong kesakit ngan pengelemoo' usah réh.

MARKUS 9:21

Ka' ha' Yésus neteng tamen anak inah, Kineu' kelebéé' néh kenat tenéh? Ha' Néh. Ha' tamen néh, Jin néh si'ik.

LUKAS 13:12

Hun Yésus na'at éh boh éh bara' ka' ngan néh, O redo, ma'o ke' jin kekat kesakit ko' inah, ha' Néh.

LUKAS 13:16

Bang redo inah éh pohoo' Abraham mu'un, pu'un éh lem kejeret Sitan jah poloo' ayah ta'un kelebéé' néh tenéh. Kineu', bé' tekep ku' ngelepu éh sioo' dau Posot nah kei, ha' Yésus ngan réh.

LUKAS 21:28

Hun kekat penusah inah pu'un, jian keh nekedéng ngan nerepan uban savéé' Tuhan danii' mu'un, ha' Yésus.

LUKAS 8:2

pemung ngan irah redo éh lepah nega' Néh balei' jin lem réh rai, ngan irah redo éh jah éh lepah peka'o Néh jin kesakit réh. Jin belah irah redo inah pu'un Meriam, keruwah ngaran néh Magdalena, éh nega' Néh tujuu' balei' jin lem néh lepah nah.

LUKAS 8:27

Hun réh avéé' sinah Yésus taket jin alut, peselalang Éh ngan jah kelunan jin tana' inah. Kelunan inah kelunan éh nasek balei'. Lebéé' tenéh kelunan inah mokoo' ugai awah, kenat péh bé' éh omok mokoo' tong lamin néh mu'un, iah mokoo' lem luvang bateu' keluhung awah, éh jalan kelunan modoo' patai kelunan.

LUKAS 8:43

Pemung ngan kelunan pinaa' nah pu'un jah redo éh sakit éh kasi dahaa' pega', avéé' jah poloo' duah ta'un éh kenat tenéh, bé' éh omok ma'o. Inah kepéh kekat livah néh péh béé lah, neu' néh tavin kelunan éh nawan ke' réh juk peka'o éh, bang bé' pu'un jah usah péh éh omok peka'o éh.

PENGANEU' LAWAH 3:2

Tong umaa' Allah inah pu'un jah tapé ngaran néh, Tapé éh Jian. La'ah déhéé' tapé inah pu'un jah lakei' éh paket jin lohoo' néh. Siget dau pu'un irah éh jah mihin éh tuai ke' réh pei' éh sinah, ke' néh menyat tolong jin kelunan éh masek tong umaa' Allah nah.

PENGANEU' LAWAH 4:22

La'ah lakei' éh ma'o neu' penyukat Tuhan nah, urip néh mutaa' jin pat poloo' ta'un.