LUKAS 12:42 - Rengah Jian

⁴² Ha' Tuhan mipa éh, Jian keh seruh, jin belah kekat kelunan sohoo' séé' éh tigéh ngan jam seruh maneu' kekat kereja' néh. Kelunan inah éh kevéléé' pengeja'au néh ke' néh petubo lamin néh ngan ke' néh mena' penguman ngan irah éh pata kelunan sohoo' tong jaka' réh kuman.

LUKAS 12:42 Iomraidhean Croise

MATIUS 13:52

Ha' néh kepéh, siget kelunan éh nebaraa' tong sohoo' lem Surat Musa ngan éh mihau ha' tebaraa' tong Allah éh pengeja'au, inah iah barei' jah pengeja'au tong lamin. Pengeja'au inah pu'un éh alaa' livah éh maréng jin luvung néh ngan pu'un éh alaa' livah éh lepah lebéé' kepéh, ha' néh.

MATIUS 20:8

Tovoo' dau merem kelunan éh pu'un pulah inah tebai pengeja'au éh mihin réh kereja' nah, ka' ha' néh ngan néh, Jian ke' tebai irah éh kereja' ri' mena' gaji réh. Mena' éh tenah ngan irah éh tuai kereja' metok awah ri', avéé' ngan irah éh tenebai ké' tenah nah, ha' néh.

LUKAS 12:43

Murung kenin kelunan sohoo' nah hun pengeja'au néh moléé' ngan jam iah petem maneu' kekat kereja' éh sohoo' néh nah.

LUKAS 7:13

Hun Yésus na'at redo inah, Iah pika éh mu'un-mu'un boh Éh pané ngan néh, Ka' ha' Néh, Jian, mai ke' mangaa', ha' Néh.

LUKAS 7:19

Inah Yohanes tebai duah usah jin belah irah éh kivu éh ke' néh nyohoo' réh tai neteng Tuhan hun néh mu'un Iah éh pejajii' Allah juk tuai rai, ngan hun néh tekep réh mena kelunan éh jah kepéh.

PENGANEU' LAWAH 20:28

Jian keh mihau kenin keh mu'un-mu'un, kenat péh mihau kekat domba Tuhan éh nena' Sahéé' Ni'ai ngan keh. Jian keh mihau sidang Allah mu'un-mu'un, éh anah nah neu' dahaa' Anak Néh.

1 TIMOTIUS 3:15

lavaa' ké' lieu', dokoo' ko' omok jam tong barék éh tekep ngan uleu' éh pepadéé' dalem Allah, inah éh sidang Allah éh murip, sidang Néh éh lihei' ngan suka' tong tebaraa' éh teneng tong Allah.

1 TIMOTIUS 5:17

La'ah tong kelunan éh mihau sidang, éh maneu' kereja' mu'un bé' éh sala' lu' mena' pengena' mutaa' jin éh kemalai ngan réh. Makin péh ngan irah éh kereja' muruh mu'un nebaraa' ngan petena' kelunan.

2 TIMOTIUS 4:2

jian ke' bara' ha' tebaraa' Tuhan, mai ke' bé' bara' éh, kenat péh tovoo' sioo' jian, kenat péh tovoo' sioo' sa'at péh, dokoo' ko' mihin réh jam tong penyala' réh. Jian ke' petena' réh ngan ngereken kenin réh, jian ke' nebaraa' réh ngan dawai kenin ngan kebit kenin.

TITUS 1:7

Uban kelunan éh pelayan, pu'un éh maneu' kereja' Allah ngan bé' tekep éh pu'un sa'at. Mai éh kelunan éh bau kenin ngan éh lumang merek. Mai éh kelunan éh mavuk ngan éh lumang pané sa'at, mai éh kelunan éh kelih, éh mekum tong rigit.

IBRANI 13:17

Jian keh ngerera' tong irah éh majak keh ngan kivu sohoo' réh. Uban irah éh mihau kekat urip keh, uban irah juk bara' kekat kereja' réh ngan Allah, hun keh kivu sohoo' réh, irah omok kereja ngan jian kenin, Bang hun keh bé' kivu sohoo' réh irah péh kereja ngan bahat kenin ngan bé' omok mihau keh mu'un.

IBRANI 13:7

Jian keh seruh tong irah éh pengeja'au keh lepah, éh bara' ha' Tuhan ngan keh. Seruh keh tong urip réh ngan tong pematai réh, jian keh nyavuu' pengelan réh.

IBRANI 3:5

Musa tigéh barei' kelunan sohoo' dalem Umaa' Allah. Iah bara' tong kekat éh juk benara' Allah jaka' temurei' kepéh.

1 PÉTERUS 4:10

Jian siget usah tigéh maneu' kereja' Tuhan uban pinaa' arong pengena' Allah dalem kenin kelunan dokoo' lu' nolong kelunan éh jah. Jian keh tigéh dalem kekat pengena' Néh inah.