LUKAS 12:41 - Rengah Jian

⁴¹ Ha' Péterus, O Tuhan, kineu' ha' tapan ko' iteu', ha' ko' ngan améé' éh bakéh ko' awah. Kineu', ngan kekat kelunan béé kei, ha' néh.

LUKAS 12:41 Iomraidhean Croise

MARKUS 13:37

Tong éh benara' Ké' ngan keh iteu', inah ke' éh benara' Ké' ngan kekat kelunan kepéh, inah éh, mavaa' keh, ha' Yésus ngan réh.

MARKUS 14:37

La'o Néh sebayang kenat, moléé' Éh tavin réh teleu' bakéh Néh kepéh. Inah Iah na'at réh pegen awah, boh Éh pané ngan Péterus, ka' ha' Néh, Simon, kineu' ke', pegen ke' ne'. Kineu', bé' ke' omok ngeretep sapét jah jam kei, ha' Néh.

LUKAS 12:47

La'ah kelunan sohoo' éh lepah jam tong kekat sohoo' pengeja'au néh, bang bé' iah kivu pekua' éh sohoo' pengeja'au néh, iah pu'un teneng ukum, ukum néh inah éh pinaa' koléé' réh mipok éh.

LUKAS 12:48

Bang kelunan sohoo' éh bé' jam kekat sohoo' pengeja'au néh, pu'un éh maneu' éh tekep ke' néh nipok réh, pu'un éh teneng ukum inah éh nipok réh, bang bé' éh nipok réh gahang pekua' kelunan sohoo' éh jam kekat sohoo' pengeja'au néh inah. Kelunan éh pu'un kereja' éh nena' Tuhan, Tuhan juk na'at réh pu'un maneu' éh pekua' iah mena' éh nah, kelunan éh kenelan irah, adang irah ngelan iah maneu' kekat éh teneng mu'un, ha' Yésus.

1 PÉTERUS 4:7

La'ah sioo' pengega' tana' lepah danii', jian keh mihau kenin keh ngan seruh jian-jian, dokoo' keh omok sebayang.

1 PÉTERUS 5:8

Mavaa' mu'un-mu'un mai keh telalau kenin, uban Sitan éh ayau keh, iah lakau semah-semah pekua' barei' tepun éh tiwap pitah ka'ah ke' néh kon éh kenat péh Sitan.