LUKAS 12:37 - Rengah Jian

³⁷ Murung mu'un kenin kelunan sohoo' inah uban réh lepah petenup mena savéé' pengeja'au réh nah. Inah akeu' bara' ngan keh, adang néh pu'un ngejeret é'éng néh ke' néh nyohoo' réh menyun ngan petubo irah kepéh.

LUKAS 12:37 Iomraidhean Croise

MATIUS 24:42

Mavaa' keh jian-jian uban bé' keh jam hun mah Tuhan keh pu'un tuai kepéh.

LUKAS 12:36

barei' kelunan sohoo' éh mena pengeja'au néh moléé' jin néh tai kuman tong kawin. Tovoo' néh avéé' ngan ngatong usit tapé, pu'un réh tioo mukap éh ngan néh uban réh lepah petenup mena savéé' néh.

LUKAS 12:43

Murung kenin kelunan sohoo' nah hun pengeja'au néh moléé' ngan jam iah petem maneu' kekat kereja' éh sohoo' néh nah.

LUKAS 17:8

Adang keh bé' nyohoo' éh kuman tenah. Pu'un keh nyohoo' éh petenup ka'an ngan keh tenah ngan petubo keh, la'o inah boh éh omok kuman ngan mesep.

LUKAS 21:36

Seruh keh jian-jian ngan ngelayau sebayang, dokoo' keh omok gahang ngan omok ngeretep, dokoo' keh omok nekedéng tong jumen Anak Kelunan hun Néh tuai kepéh, ha' Yésus ngan réh.

LUKAS 22:27

Séé' éh kelunan ja'au, kineu', iah éh menyun kuman. Kineu', kelunan sohoo' éh petubo éh. Kelunan éh menyun kuman nah, adang iah éh ja'au. Bang Akeu' iteu' pu'un Ku' belah ka'ah pekua' barei' kelunan sohoo' awah.

YOHANES 12:26

Séé'-séé' éh juk maneu' kereja' Ké', jian éh kivu Akeu' mu'un, dokoo' semah-semah Akeu' pu'un, sinah ke' kelunan éh kivu sohoo' Ké' inah. Séé'-séé' éh maneu' kereja' Ké' kenat, Tamen Ké' ngajung éh, ha' Yésus ngan réh.

1 KORINTUS 2:9

Inah éh sin tong ha' lem surat Allah éh bara' ka', Éh bé' ta'an ngan éh bé' nenéng kelunan, ngan éh seneruh réh bé' omok pu'un, inah éh petenup Allah ngan kelunan éh pika Iah, ha' néh.

PILIPI 1:21

Uban urip ké', inah éh Kristus. Uban néh kenat hun ké' matai, inah éh pelapah jian.

PILIPI 1:23

Uban duah kenin ké', jah kenin ké' juk piso jin usah ké' iteu' tai pemung ngan Kristus, uban inah éh pelapah jian.

2 PÉTERUS 1:11

Hun keh maneu' kenat, boh keh pu'un penyukat omok tai lem Pengihau éh pelinguh jin Tuhan éh purip lu' Kristus.

2 PÉTERUS 3:14

Uban néh kenat, O kekat padéé' éh kemurung ké', kelebéé' keh mena Dau inah avéé', jian keh mekat dokoo' keh pu'un ni'ai ngan bé' pu'un sala' ineu'-ineu' tong jumen Allah.

ÉH POLÉNG 14:13

La'ah nenéng ké' jah ha' jin seruga éh bara', Jian ke' nyurat ha' ké' iteu', Jin la'o iteu' murung kenin kelunan éh matai lem réh maneu' kereja' Tuhan, ha' néh. Ka' ha' Sahéé' Ni'ai mipa éh, Mu'un, adang réh murung, uban réh ma'o jin kereja' réh bahat, kekat penganeu' réh pu'un oléé' ngan réh kepéh, ha' néh.

ÉH POLÉNG 16:15

Menéng keh! Akeu' juk tuai barei' kelunan nekau! Murung kenin kelunan éh mavaa' ngan mihau pakai néh, ke' néh bé' lakau ugai ngan menyaa' ta'an kelunan pinaa'!

ÉH POLÉNG 3:21

Ngan irah éh nyopéé' kekat arong kesa'at, Akeu' kejeraa' réh menyun déhéé' Ké' tong nyun jalan Ké' Raja', barei' Akeu' lepah menang ngan menyun déhéé' Tamen Ké' tong jalan Néh Raja', ha' Néh.

ÉH POLÉNG 7:17

Uban Anak Domba éh pu'un belah nyun inah, Iah omok tepun réh ngan mihau réh ngan majak réh tai usit baa' éh baa' éh purip réh, ngan Allah pu'un mitit kekat baa' maten réh, ha' néh.