LUKAS 12:33 - Rengah Jian

³³ Jian keh melih kekat livah keh, ngan kekat rigit éh nalaa' keh tong néh, jian keh mena' éh ngan kelunan kari. Jian keh alaa' bék éh bé' jam mupuk, inah éh pengekaya' tong seruga, pengekaya' inah bé' éh omok béé, uban kelunan nekau bé' éh omok tai sinah ngan nekau éh, kenat péh lipah, bé' éh omok kuman éh.

LUKAS 12:33 Iomraidhean Croise

MATIUS 19:21

Ha' Yésus ngan néh, Hun ko' juk alaa' kenin éh jian mu'un, jian ke' tai melih kekat livah ko' ngan mena' kekat rigit ko' ngan kelunan kari, boh ke' pu'un pengekaya' tong seruga. La'o ko' maneu' kekat inah, jian ke' tuai kivu Akeu', ha' néh.

LUKAS 11:41

Jian keh mena' kekat éh pu'un lem sawan ngan pigan keh ngan kelunan kari, boh kekat inah pu'un mebéng, ha' Néh ngan réh.

LUKAS 12:21

Ha' Yésus kepéh, Kenat péh tong kelunan kaya' éh alaa' livah pinaa' bang bé' éh kaya' tong jumen Allah, ha' Néh.

LUKAS 16:9

Ka' ha' Yésus ngan réh kepéh, Jian keteleu' pakai pengekaya' jin tana' iteu' dokoo' kelunan inah omok ngebakéh keh kepéh. Hun pengekaya' jin tana' lepah béé, boh irah omok alaa' keh ngan jian kenin tong lamin éh pu'un pelinguh.

LUKAS 18:22

Hun Yésus menéng ha' néh pané kenat, boh éh bara' ngan néh kepéh, Jah awah la'ah éh tekep ke' maneu', jian ke' melih kekat livah éh anah ko' ngan mena' kekat rigit éh nalaa' ko' tong néh ngan kelunan kari, boh ke' pu'un pengekaya' tong seruga, la'o inah jian ke' tuai kivu Akeu', ha' Yésus ngan néh.

YOHANES 12:6

Pu'un éh pané kenat bé' éh uban néh pika kelunan kari, bang uban iah éh kelunan éh nekau. Iah éh ngamit bék jalan réh modoo' rigit réh ngan pu'un éh nekau rigit jin inah.

PENGANEU' LAWAH 2:45

Irah éh pu'un tana' ngan livah péh, pu'un réh melih éh, ngan kekat éh nalaa' réh tong néh, pu'un réh petulat éh ngan kekat kelunan kivu pengekurang réh.

2 KORINTUS 8:2

Pinaa' arong penusah réh, penusah inah tupat kenin réh tong pengelan réh tong Tuhan, bang kemurung réh pelapah ja'au jin kekat arong penusah réh inah. La'ah livah ineu' éh pu'un ngan réh, irah mena' éh ngan Tuhan. Na' péh réh pu'un kari, pelapah ja'au kepéh pengena' réh ngan Tuhan jin pengekari réh.