LUKAS 12:31 - Rengah Jian

³¹ Uban Tuhan éh Pengeja'au keh ngan mihau keh, jian keh ngelayau pitah pengeloo' néh tenah, boh éh omok mena' sukup penguman ngan pakai keh péh, ha' Yésus.

LUKAS 12:31 Iomraidhean Croise

MATIUS 6:33

Bang éh bu'un néh jian keh seruh tong kekat jalan éh omok ngepayoo' kenin Tuhan, pitah pengeloo' Néh tenah, boh Iah mena' kekat inah ngan keh.

LUKAS 10:42

bang pu'un jah éh pelapah jian jin kekat inah, uban Meriam nah pu'un éh ngevéléé' éh jian, éh jian inah bé' éh omok nalaa' réh jin iah kepéh, ha' Yésus ngan néh.

LUKAS 12:30

boh éh pitah éh kenat kelunan éh bé' ngelan tong Allah éh, uban Tamen keh jam adang éh tekep keh alaa' kekat éh kenat.

YOHANES 6:27

Mai keh kereja' pitah ka'an éh omok bangah awah, bang jian keh kereja' pitah ka'an éh omok pelinguh. Omok Anak Kelunan mena' ka'an inah ngan keh, uban Allah éh Tamen Ké', pu'un Éh mena' penyukat Néh ngan Ké', ke' Ké' omok mena' ka'an inah ngan keh, ha' Néh.

SURAT PAULUS NGAN SIDANG RUM 8:31

Hun lu' seruh tong kekat inah, ineu' éh juk benara' lu' kepéh? Ieng ke'. Hun Allah pu'un pemung ngan uleu', bé' pu'un séé'-séé' éh omok nyopéé' uleu' kepéh.

1 TIMOTIUS 4:8

Hun lu' tupat pekalai alaa' kegahang usah lu', pu'un gunah néh si'ik awah, bang hun lu' pekalai alaa' kegahang dalem kenin lu', boh éh gunah mu'un, uban pu'un gunah néh lem urip lu' hun iteu', kenat péh lem urip lu' kepéh.

IBRANI 13:5

Adang Tuhan ngukum irah éh sa'at barék ngan petuyang. Dalem kekat urip keh, mai keh kelih juk kaya', bang jian keh sukup kenin tong éh pu'un ngan keh. Uban ka' ha' Tuhan, Bé' Akeu' kejeraa' ka'au' tengéé', bé' Akeu' bet ke', ha' Néh.