LUKAS 12:19 - Rengah Jian

¹⁹ La'o inah omok ku' bara' ngan usah ké' ka', Murung kenin ké', akeu' pu'un livah pinaa' sukup avéé' kuraa'-kuraa' ta'un. Bé' lah ku' tusah kereja' ngan mutau kepéh, mokoo' awah ku', kuman, mesep ngan ngida ngan jian kenin awah, ha' néh.

LUKAS 12:19 Iomraidhean Croise

LUKAS 12:18

La'ah ha' néh, Jam ku' dat, tekep ku' nguba' kekat luvung ké' éh lepah teu', boh ku' maneu' éh pelapah ja'au kepéh da'. Sinah lah ku' omok modoo' kekat parai ngan livah ké' teu' lah.

LUKAS 16:19

La'ah ka' ha' Yésus kepéh, Pu'un jah kelunan kaya' ngan pinaa' arong pakai néh éh jian mu'un-mu'un, kelunan inah murip jian mu'un ngan kuman nyahan siget-siget dau.

LUKAS 21:34

Ka' ha' Yésus kepéh, Seruh keh jian-jian, mai keh telalau kuman nyahan mesep pah avéé' keh mavuk, ngan mai keh taleu neu' penusah éh pu'un tong tana', dai Tuhan beleka' avéé' lem keh bé' nerepan éh.

1 KORINTUS 15:32

La'ah ineu' gunah ké' ngelawan ka'an éh luvaa' tong Épesus siteu' hun néh tong tana' iteu' awah éh pu'un oléé' néh. Ineu' gunah néh hun kelunan matai ngan bé' betéé' kepéh? Pu'un éh barei' ha' kelunan éh bara' ka', Jian tam kuman ngan mesep ngida mu'un hun iteu', uban sagam da', matai lah lu', ha' réh.

PILIPI 3:19

Kelunan éh kenat adang réh pu'un tai tong luten meraka, uban pengeja'au réh inah éh kekat pengagat éh sa'at lem usah réh. Bau kenin réh tong kekat éh tekep réh menyaa', ngan irah seruh tong kekat éh pu'un jin tana' iteu' awah.

1 TIMOTIUS 5:6

Bang redo baleu' éh murip seminga' awah, na' péh éh murip keto seleket néh lepah matai tenéh.

1 TIMOTIUS 6:17

Jian ke' bara' ngan kekat kelunan kaya' mai réh bau kenin, ngan mai réh ngelan tong pengekaya' réh uban bé' réh jam hun mah éh juk béé kepéh. Bang jian réh ngelan tong Allah éh mena' kekat ineu'-ineu' ngan lu' ngan mutaa' kepéh dokoo' néh ngejian kenin lu'.

2 TIMOTIUS 3:4

Bé' réh tigéh bé' réh kebit kenin seruh ngan bau kenin réh. Pelapah keloo' réh murip seminga' awah, bé' réh murung Allah.

YAKUB 5:5

Urip keh tong tana' iteu' penoo' neu' pengekaya' ngan ngida ka'ah barei' ka'an éh lemek éh juk penatai kelunan.

1 PÉTERUS 4:3

Hun sahau rai, lepah lebéé' tenéh keh maneu' ineu' éh keloo' naneu' kelunan éh bé' jam Allah. Ka'ah murip maneu' barék éh sa'at. Ka'ah murip mavuk, kuman nyahan mesep baa' maneu' mavuk, ngan seva' butun éh ngejelemih nah.

ÉH POLÉNG 18:7

Petusah éh ngan ngebesau éh pekua' ke ja'au pengaren ngan pengejian néh lepah nah. Uban pu'un éh bara' ka' rai, Akeu' éh raja Kuin, bé' akeu' redo baleu', bé' pu'un ineu'-ineu' omok ngebesau akeu', ha' néh.