LUKAS 12:18 - Rengah Jian

¹⁸ La'ah ha' néh, Jam ku' dat, tekep ku' nguba' kekat luvung ké' éh lepah teu', boh ku' maneu' éh pelapah ja'au kepéh da'. Sinah lah ku' omok modoo' kekat parai ngan livah ké' teu' lah.

LUKAS 12:18 Iomraidhean Croise

MATIUS 6:26

Jian keh seruh tong kekat juhit tong tana', bé' juhit nah maneu' pulah, ngan bé' éh nérék, ngan bé' éh tipun buaa' lem luvung néh, bang Tamen keh tong seruga, Iah éh mihau réh. Kineu' ka'ah, bé' éh ka'ah éh pelapah jian jin kekat juhit nah kei?

LUKAS 12:17

La'ah iah seruh dalem kenin néh, ka' kelem néh, Tusah mu'un ku' ieng ke' jalan ké' modoo' kekat parai ké' iteu'. Ineu' éh tekep ké' maneu', kelem néh.

LUKAS 12:19

La'o inah omok ku' bara' ngan usah ké' ka', Murung kenin ké', akeu' pu'un livah pinaa' sukup avéé' kuraa'-kuraa' ta'un. Bé' lah ku' tusah kereja' ngan mutau kepéh, mokoo' awah ku', kuman, mesep ngan ngida ngan jian kenin awah, ha' néh.

LUKAS 12:21

Ha' Yésus kepéh, Kenat péh tong kelunan kaya' éh alaa' livah pinaa' bang bé' éh kaya' tong jumen Allah, ha' Néh.

LUKAS 12:24

Seruh keh jian-jian tong juhit, bé' éh pu'un pulah, ngan bé' éh nérék, ngan bé' éh pu'un luvung, na' péh éh kenat Allah éh pakan éh, ka'ah iteu' pelapah jian jin juhit éh pinaa' nah, ha' Néh.

LUKAS 18:4

Avéé' lebéé' péh redo inah menyat kenat, bé' lakei' inah keloo' nolong éh. La'o inah kepéh boh lakei' inah seruh, kelem néh, Na' péh akeu' bé' medai tong Allah ngan bé' pegunah kelunan,

LUKAS 18:6

Ka' ha' Yésus kepéh, Jian keh seruh jian-jian tong ha' lakei' éh sa'at nah, hun néh betéé' kenat uban néh leko irah éh liwet-liwet tavin éh awah,

YAKUB 3:15

Pengejam éh kenat bé' éh tuai jin seruga, bang jin tana' awah jin barék kelunan éh penyala' ngan jin sahéé' éh sa'at!

YAKUB 4:13

O kekat ka'ah éh bara' ka', Barang dau iteu' ngan dau sagam péh tam omok tai leboo' ja'au da', mokoo' sitai jah ta'un kelebéé' ngan maneu' kuraa'-kuraa' kereja' boh tam omok kaya'. Ka'ah éh bara' kenat, jian keh menéng ha' ké',

YAKUB 4:15

Bang jian keh bara', Hun néh lem pengeloo' Tuhan boh tam omok murip ngan maneu' iteu' ngan inah.