LUKAS 12:11 - Rengah Jian

¹¹ Hun pu'un réh mihin keh tai lamin sebayang Yahudi, ngan mihin keh tong pengeja'au peritah ke' réh pesala' keh, mai keh besau seruh, kineu' jalan keh omok mipa ha' réh, ngan kineu' ha' ané keh ngan réh kepéh,

LUKAS 12:11 Iomraidhean Croise

MATIUS 23:34

Inah Akeu' bara' ngan keh, Akeu' juk nyohoo' kuraa' nabi, ngan kuraa' kelunan éh jam seruh péh, ngan irah guru péh, tai nebaraa' ka'ah. Tong jelua' réh adang keh pu'un mematai réh, jelua' réh kepéh, pu'un keh mematai réh tong salib, ngan jelua réh kepéh, pu'un keh mipok réh tong lamin sebayang keh, ngan pekelap réh jin jah leboo' tai jah leboo' kepéh.

MATIUS 6:25

Uban keh bé' omok kenat inah Akeu' bara' ngan keh kepéh, Mai keh béé kenin seruh tong penguman ngan baa' éh nesep keh éh mihin keh murip, kenat péh tong pakai keh. Kineu' urip keh, bé' éh pelapah jian jin penguman keh kei? Kineu' usah keh, bé' éh pelapah jian jin pakai keh kei?

MATIUS 6:27

Séé' jin belah ka'ah omok pekebit urip néh, neu' néh tusah kenin seruh?

MATIUS 6:28

Uban ineu' keh putui kenin seruh tong pakai keh? Seruh keh tong kekat busak tong tana'. Bé' éh kereja' ngan bé' éh pitah pakai.

MATIUS 6:31

Hun Tuhan jam seruh tong kekat juhit ngan kekat busak kenat, mai keh béé kenin seruh, Jin semah mé' omok alaa' penguman, ngan alaa' baa' nesep ngan alaa' pakai sukup.

MATIUS 6:34

Uban néh kenat mai keh béé kenin seruh kineu' sagam da', uban sagam pu'un sukup penusah néh tengéé'. Mai keh pepit penusah tong kekat éh pu'un siget dau, ha' néh.

LUKAS 12:22

La'o inah Yésus pané ngan irah éh bakéh Néh, ka' ha' Néh, Uban néh kenat Akeu' bara' ngan keh, mai keh besau kenin seruh tong penguman keh, jin semah keh omok alaa' éh sukup siget-siget dau. Kenat péh tong pakai keh, mai keh tusah seruh jin semah keh omok alaa' pakai keh.