LUKAS 11:41 - Rengah Jian

⁴¹ Jian keh mena' kekat éh pu'un lem sawan ngan pigan keh ngan kelunan kari, boh kekat inah pu'un mebéng, ha' Néh ngan réh.

LUKAS 11:41 Iomraidhean Croise

MATIUS 26:11

Kelunan kari adang réh ngelayau pu'un ngan keh, omok keh nolong réh. Bang Akeu', bé' Ku' ngelayau pu'un ngan keh kenat.

MATIUS 5:42

Hun pu'un kelunan éh menyat ineu'-ineu' ngan keh, jian keh mena' ngan réh. Hun réh menyat juk ngetiwa livah keh, jian keh ngetiwa éh, ha' Néh.

MARKUS 7:19

éh kinan néh nah tai lem betuken néh awah, la'o inah pega' kepéh éh, ha' Néh. Lem ha' Yésus pané kepéh iteu', inah Iah pekelenaa' kekat arong ka'an omok kelunan kuman éh bé' pu'un kilin néh.

LUKAS 12:33

Jian keh melih kekat livah keh, ngan kekat rigit éh nalaa' keh tong néh, jian keh mena' éh ngan kelunan kari. Jian keh alaa' bék éh bé' jam mupuk, inah éh pengekaya' tong seruga, pengekaya' inah bé' éh omok béé, uban kelunan nekau bé' éh omok tai sinah ngan nekau éh, kenat péh lipah, bé' éh omok kuman éh.

LUKAS 16:9

Ka' ha' Yésus ngan réh kepéh, Jian keteleu' pakai pengekaya' jin tana' iteu' dokoo' kelunan inah omok ngebakéh keh kepéh. Hun pengekaya' jin tana' lepah béé, boh irah omok alaa' keh ngan jian kenin tong lamin éh pu'un pelinguh.

LUKAS 18:22

Hun Yésus menéng ha' néh pané kenat, boh éh bara' ngan néh kepéh, Jah awah la'ah éh tekep ke' maneu', jian ke' melih kekat livah éh anah ko' ngan mena' kekat rigit éh nalaa' ko' tong néh ngan kelunan kari, boh ke' pu'un pengekaya' tong seruga, la'o inah jian ke' tuai kivu Akeu', ha' Yésus ngan néh.

LUKAS 19:8

La'ah nekedéng Sakheus ke' néh bara' ngan Tuhan, ka' ha' néh, O lakei' ja'au, akeu' juk petulat kekat livah ké' pekua' kekat éh anah ké', kenat péh éh nena' ké' ngan kelunan kari. Inah kepéh akeu' juk mena' éh pat kekat tulat ngan kelunan éh jalan ké' kenyo ngan alaa' livah néh awah rai, ha' néh.

PENGANEU' LAWAH 10:15

Ka' ha' inah ngan néh kepéh, Ineu'-ineu' kilin éh nebet Allah, mai ke' juk mihau éh kepéh, ha' néh.

PENGANEU' LAWAH 11:29

La'ah kekat kelunan éh ngelan tong Tuhan pekua' kenin juk mena' ineu'-ineu' ke' réh nolong padéé' réh lem Tuhan éh mokoo' tong tana' Yudea.

PENGANEU' LAWAH 24:17

Ka' ha' néh kepéh, La'ah uban lepah lebéé' mu'un ku' bé' tai Yérusalem avéé' kuraa'-kuraa' ta'un tenéh, inah ku' tai dokoo' ké' mihin rigit ngan mena' éh ngan pohoo' ké', ngan inah kepéh dokoo' ké' omok mena' pengena' ngan Allah, barei' kemalai mé' tong sebayang mé'.

2 KORINTUS 8:12

Uban hun keh gahang kenin juk mena' éh, Tuhan jam seruh tong kekat pengena' keh inah, bé' Iah nyohoo' keh mena' éh bé' pu'un.

ÉPESUS 4:28

Kelunan éh pu'un nekau lepah rai, mai éh nekau kepéh, bang jian éh kereja' dokoo' néh omok tagong usah néh ngan pu'un palaa' kepéh ke' Néh nolong kelunan éh kari mu'un.

TITUS 1:15

Tulat kelunan éh ni'ai, kekat néh pu'un ni'ai. Bang tulat kelunan éh penyeruh réh pu'un sa'at neu' penyala' ngan éh bé' ngelan tong ineu' éh teneng, bé' pu'un jah péh éh ni'ai, uban penyeruh ngan ketem lo'ong kenin réh lepah sa'at.

IBRANI 13:16

Mai ngelepan maneu' jian ngan nolong-petolong, uban Penganeu' inah seleket pengena' éh pesenang kenin Allah.

IBRANI 6:10

Allah nah bé' éh bé' teneng. Iah bé' ngelepan ineu' éh lepah neu' keh ngan Néh kenat péh penika keh éh pepoléng keh ngan Néh hun keh nolong irah éh ngelan tong Tuhan lepah rai kenat pu'un avéé' hun iteu'.

YAKUB 1:27

Kelunan éh ngepayoo' kenin Allah Tamen lu', inah éh kelunan éh kivu Iah mu'un, bé' éh ngelayoo' awah sebayang. Jian réh nolong anak uyau ngan redo baleu' lem kekat penusah réh ngan mihau usah réh jin kekat arong kesa'at tong tana' iteu'.