LUKAS 11:4 - Rengah Jian

⁴ Jian ke' mega' kekat kesa'at améé' barei'-okoo' améé' mega' kesa'at irah éh ngesa'at améé'. Mai kejeraa' améé' teneng tong tenupat. Barei' inah ha' keh sebayang, ha' Néh.

LUKAS 11:4 Iomraidhean Croise

MATIUS 18:35

La'ah ha' néh kepéh, Kenat péh penganeu' Tamen ké' tong seruga tong siget-siget usah keh hun keh bé' jam pika padéé' keh jin kenin keh mu'un, ha' néh.

MATIUS 26:41

Nerepan keh ngan sebayang, dai keh teneng tong tenupat Sitan. Kenin keh keloo' keh maneu' jian, bang usah keh lemoo' awah, ha' néh.

LUKAS 11:5

Ha' Yésus ngan irah éh bakéh Néh, Akeu' maneu' jah ha' tapan. Barang pu'un jah usah jin belah ka'ah tai lamin jah bakéh néh belu'an merem ke' néh menyat ka'an. Ha' néh ngan bakéh néh éh tong lamin nah, O kéh, kineu' ke' pu'un roti? Hun néh pu'un akeu' juk menyat teleu' roti jin ka'au'.

LUKAS 13:4

Kineu' kenin keh seruh tong irah éh jah poloo' ayah usah éh matai teda lamin éh bau tong baa' Silo'am tong Yérusalem rai. Kineu' éh kunah ka'ah, uban irah inah pelapah sa'at jin irah éh jah éh mokoo' tong Yérusalem nah éh ke' réh matai teda lamin kenat.

LUKAS 22:46

Boh Éh pané ngan réh, ka' ha' Néh, Kineu' keh pegen kenat. To'ot keh ngan sebayang dai keh teneng tong tenupat Sitan, ha' Néh.

LUKAS 8:13

Tulin éh pelohoo' tong bateu' ja'au éh pu'un tana' si'ik awah tong néh nah, inah éh kelunan éh lepah menéng ha' tebaraa' Tuhan, laho réh alaa' éh ngan jian kenin, bang bé' iteu' masek lem lepok kenin réh. Pu'un réh ngelan bang metok awah éh, hun tenupat ngan sioo' penusah, pu'un réh moléé' murin kepéh jin pengelan réh.

YOHANES 17:15

Bé' Akeu' nyohoo' Ke' pepiso réh jin tana' iteu', bang Akeu' menyat Ke' mihau réh jin iah éh sa'at.

1 KORINTUS 10:13

Kekat penupat éh teneng tong keh, bé' éh tengéé' jin éh teneng tong kelunan éh jah. Bé' Tuhan piso kenin jin kekat jajii' Néh, ngan bé' Iah kejeraa' keh teneng tong tenupat éh maneu' keh bé' omok ngeretep. Bang tovoo' keh teneng tenupat kenat, Iah pu'un ngegahang kenin keh dokoo' keh omok ngeretep, ngan Iah maneu' jalan ngan keh dokoo' keh omok kelap.

KOLOSÉ 3:13

Hun séé'-séé' éh pu'un tengéé' kenin ngan bakéh néh, jian réh pata pepika kepéh. Mai mihau penyala' néh lem kenin ko', pekua' Tuhan mega' penyala' lu'.

2 TESALONIKA 3:3

Bang Tuhan éh tigéh. La'ah Iah omok ngegahang kenin keh ngan mavaa' keh jin kekat kesa'at.

2 TIMOTIUS 4:18

Adang Tuhan omok ngelepu akeu' jin siget-siget kesa'at ngan mihin akeu' avéé' tong lamin néh tong seruga. La'ah jian kekat pengaren anah nah béé avéé' kelebéé'-lebéé' néh. Amin.

YAKUB 2:13

Uban tovoo' Allah pu'un petuneng kelunan, bé' éh omok pika kelunan éh bé' pika irah éh jah. Bang kelunan éh pika irah éh jah, bé' éh kenukum Allah.

ÉH POLÉNG 2:10

Mai ke' medai tong pengeketa éh bé' lebéé' la'ah juk teneng tong ke'. Nesen ke'! Adang Sitan juk tupat ke'. Adang iah ngamit ngan masek kuraa'-kuraa' usah jin belah keh lem lamin tutup. Adang keh teneng pengeketa kelebbéé' jah poloo' dau. Jian keh tigéh tong Akeu' pah avéé' matai, ngan adang akeu' mena' urip pelinguh ngan keh uban keh lepah menang.

ÉH POLÉNG 3:10

Uban ko' kivu sohoo' Ké' ngan pu'un ngeretep ngan kebit kenin, Akeu' juk mihau ke' jin kekat penusah éh juk avéé' tong tana' iteu' ke' néh tupat kenin kekat kelunan pah tipo tana'.