LUKAS 11:39 - Rengah Jian

³⁹ Inah Tuhan pané ngan Néh, ka' ha' Néh, Pinaa' adet ka'ah kelunan Parisi pohéé' likot sawan ngan pigan, bang lem kenin keh pu'un buyuk ngan pinaa' arong kesa'at.

LUKAS 11:39 Iomraidhean Croise

MATIUS 15:19

Uban jin dalem kenin néh inah jalan kekat penyeruh néh éh mihin éh tai mematai kelunan, ngan petuyang, bavah péh, ngan nekau, ngan kenyo, ngan pané ngesa'at ngaran kelunan péh.

MATIUS 7:15

Ha' Yésus kepéh, Jian keh mavaa' jian-jian tong kelunan éh bara' irah ke' nabi Tuhan bang ha' réh kenyo. Pu'un réh tuai barei'-okoo' domba, bang kenin réh mu'un barei' tepun éh luvaa'.

LUKAS 16:15

Ka' ha' Yésus ngan réh, Neu' kekat kereja' keh, ka'ah keloo' kelunan éh jah seruh keh kelunan éh jian, bang Allah jam kenin keh bé' éh kenat. Kekat éh pu'un gunah kunah kelunan, seleket dek awah éh tong ta'an Allah, ha' Néh.

LUKAS 7:13

Hun Yésus na'at redo inah, Iah pika éh mu'un-mu'un boh Éh pané ngan néh, Ka' ha' Néh, Jian, mai ke' mangaa', ha' Néh.

LUKAS 7:19

Inah Yohanes tebai duah usah jin belah irah éh kivu éh ke' néh nyohoo' réh tai neteng Tuhan hun néh mu'un Iah éh pejajii' Allah juk tuai rai, ngan hun néh tekep réh mena kelunan éh jah kepéh.

YOHANES 12:6

Pu'un éh pané kenat bé' éh uban néh pika kelunan kari, bang uban iah éh kelunan éh nekau. Iah éh ngamit bék jalan réh modoo' rigit réh ngan pu'un éh nekau rigit jin inah.

YOHANES 13:2

La'ah mokoo' Yésus ngan irah bakéh Néh kuman. Pu'un Sitan tupat kenin Yudas éh anak Simon Iskariot, ke' néh memalo Yésus.

PENGANEU' LAWAH 5:3

La'ah ka' ha' Péterus ngan néh, O Ananias, uban ineu' ke' kejeraa' Sitan masek lem kenin ko', ke' ko' kenyo ngan Sahéé' Ni'ai, ngan modoo' jelua' rigit éh nalaa' ko' jin tana' inah ri'?

GALATIA 1:14

La'ah tong adet irah Yahudi, akeu' éh pelapah jam éh jin kekat kelunan éh pekua' tatek urip ké' jin belah pohoo' ké' tengéé', uban akeu' mekat mu'un kivu kekat adet ngan ha' tukit jin tepun ké'.

2 TIMOTIUS 3:5

Pu'un réh barei'-okoo' kivu sebayang bang ngelayoo' awah, bé' réh jam tong penyukat Tuhan. Mai ke' ngebakéh kelunan éh kenat.

TITUS 1:15

Tulat kelunan éh ni'ai, kekat néh pu'un ni'ai. Bang tulat kelunan éh penyeruh réh pu'un sa'at neu' penyala' ngan éh bé' ngelan tong ineu' éh teneng, bé' pu'un jah péh éh ni'ai, uban penyeruh ngan ketem lo'ong kenin réh lepah sa'at.

YAKUB 4:8

Jian keh tuai tepih déhéé' Allah, boh Iah tepih déhéé' ko' kepéh. Ngeni'ai kekat urip keh kekat kelunan éh penyala'. Mohéé' kenin keh, kekat kelunan éh ngelayoo' kivu Tuhan.