LUKAS 11:2 - Rengah Jian

² Ha' Yésus ngan réh, Hun keh sebayang, ka' ha' sebayang keh, O Tamen mé', Jian éh ngaran Ko' pu'un peparen. Ka'au' éh Raja' améé'.

LUKAS 11:2 Iomraidhean Croise

MATIUS 10:32

Séé-Séé éh ngakun pengelan néh tong Akeu' tong jumen kelunan Akeu' péh ngakun bara' iah tong jumen Tamen ké' tong seruga.

MATIUS 3:2

Ka' ha' néh ngan réh, Jian keh piso jin penyala' keh uban lepah danii' jaka' Allah Pengeja'au, ha' néh.

MATIUS 5:16

Kenat péh jian rema keh iteu' nawa tong kekat kelunan, dokoo' réh omok na'at kekat penganeu' keh éh jian, ke' réh omok peparen Tamen keh éh tong seruga, ha' Néh.

LUKAS 11:1

Jah koléé' tovoo' Yésus sebayang tong jah jalan, la'o Néh sebayang nah, inah jah bakéh Néh nyohoo' Éh nebaraa' réh sebayang. Ka' ha' néh, O Tuhan, jian Ke' nebaraa' améé' sebayang barei' Yohanes nebaraa' irah éh bakéh néh rai, ha' néh.

SURAT PAULUS NGAN SIDANG RUM 1:7

Kenat péh akeu' nyurat surat iteu' ngan kekat ka'ah éh pu'un tong leboo' Rum éh penika Allah ngan éh tenebai Néh dokoo' ka'ah omok anah nah kepéh. Akeu' sebayang keh dokoo' Allah Tamen uleu' ngan Tuhan Yésus Kristus mena' penika ngan pengepawah ngan keh.

SURAT PAULUS NGAN SIDANG RUM 8:15

Uban Sahéé' Ni'ai éh nena' Tuhan ngan keh, bé' éh ngeripen keh ke' Néh ngedai keh, bang pu'un Iah maneu' keh anak Tuhan Allah mu'un. Naneu' penyukat Sahéé', inah jalan uleu' omok mateng Allah, Amam O Amam!

1 KORINTUS 1:3

Jian Allah éh Tamen lu' ngan Tuhan Yésus Kristus, mena' penika Néh ngan pengepawah Néh ngan keh.

2 KORINTUS 1:2

Jian Allah éh Tamen lu' ngan Tuhan Yésus Kristus mena' penika Néh ngan pengepawah Néh ngan keh.

GALATIA 1:4

La'ah pu'un Kristus mena' urip Néh uban penyala' lu' kivu pengeloo' Tamen Néh Allah, dokoo' Néh ngelepu lu' jin urip lu' éh sa'at tong tana' iteu'.

ÉPESUS 1:2

Jian Allah éh Tamen lu' ngan Tuhan Yésus Kristus, mena' penika Néh ngan pengepawah Néh ngan keh.

PILIPI 1:2

Jian Allah éh Tamen lu', ngan Tuhan Yésus Kristus, mena' penika Néh ngan pengepawah Néh ngan keh.

PILIPI 4:20

La'ah jian kekat kenajung pu'un ngan Allah éh Tamen uleu', avéé' kelebéé'-lebéé' néh. Amin.

KOLOSÉ 1:2

ngan kekat kelunan éh anah Tuhan éh pu'un tong leboo' Kolosé, inah éh ngan kekat padéé' mé' éh tigéh éh ngelan tong Kristus. Jian Allah éh Tamen lu' mena' penika Néh ngan pengepawah Néh ngan keh.

1 TESALONIKA 1:1

Surat iteu' jin Paulus, Silas ngan Timotius, surat iteu' nena' ngan Sidang Tesalonika, éh anah Allah éh Tamen ngan Tuhan Yésus Kristus. Jian Allah mena' penika ngan pengepawah Néh ngan keh.

1 TESALONIKA 1:3

Hun mah améé' sebayang tong jumen Allah éh Tamen lu', ngelayau améé' seruh tong kekat kereja' keh ngan pengelan keh tong Tuhan, ngan tong keh kereja' muruh naneu' penika keh ngan Tuhan, ngan tong keh ngelan mu'un adang Tuhan Yésus Kristus juk tuai kepéh.

2 TESALONIKA 2:16

Jian Tuhan Yésus Kristus, ngan Allah éh Tamen lu', éh pika uleu' ngan naneu' penika Néh Iah mena' pengepapung Néh éh pelinguh ngan pengelan éh jian ngan lu',

ÉH POLÉNG 11:15

Boh meliket éh ketujuu' nah nyelevuu serupit néh, pu'un kuraa'-kuraa' ha' ja'au tong seruga, éh bara' ka', Kekat penyukat pu'un éh ngan Allah Tuhan mé' ngan pu'un éh ngan Kristus éh kevéléé' Néh ke' Néh omok Raja', Iah omok Raja' pah tipo tana', pu'un éh Raja' ngan mihau réh pah avéé' pelinguh, ha' réh.

ÉH POLÉNG 15:4

O Tuhan, tekep kekat kelunan leko maneu' sa'at tong Ke', jian réh peparen ngaran Ko', uban Ka'au' awah éh pu'un ni'ai. Kekat kelunan pah tipo tana' juk tuai seva' Ke', uban kekat penganeu' Ko' éh teneng kejam réh béé-béé, ha' réh.

ÉH POLÉNG 19:6

La'ah nenéng ké' kepéh ha' éh barei' ha' kelunan pinaa' nah, ngan barei' ha' o'ong éh ja'au, ngan barei' ha' lengedo éh ja'au, ka' ha' réh, Mejing Allah, uban Tuhan inah éh Allah éh pelapah ja'au penyukat jin ineu'-ineu' péh, Iah éh Raja.

ÉH POLÉNG 20:4

La'ah ta'an ké' kepéh kuraa'-kuraa' nyun raja ngan irah éh menyun tong néh. Irah inah pu'un penyukat omok petuneng kelunan. La'ah ta'an ké' kepéh sahéé' irah éh penatai réh uban réh bara' tong pengelan réh tong Yésus ngan nebaraa' tong ha' tebaraa' Allah. Bé' irah inah seva' ka'an ngan butun éh pekua' layan ka'an inah, ngan bé' réh pakai tada' ka'an inah tong sela' ngan tong ojoo' réh. Pu'un réh murip kepéh ngan pu'un réh pengeja'au pemung ngan Kristus avéé' jah ibu ta'un kelebéé'.