LUKAS 11:19 - Rengah Jian

¹⁹ Hun ké' pu'un mega' balei' kenat, kineu' jalan irah éh kivu ka'ah nah mega' balei' nah, irah éh kivu ka'ah, irah péh pekelenaa' ha' keh inah pu'un sala'.

LUKAS 11:19 Iomraidhean Croise

MATIUS 10:25

Jian kelunan éh pekalai nah sukup kenin hun néh omok jam barei' éh kejam guru néh nah. Kenat péh tong kelunan ripen hun néh omok pekua' barei' pengeja'au néh kepéh. Hun néh pengeja'au tong lamin nateng réh balei' Beelsebul, makin péh la'ah kekat irah éh tong lamin néh pelapah sa'at ngaran réh jin inah kepéh, ha' néh.

MATIUS 4:24

La'ah rengah néh inah avéé' pah tipo tana' Siria, pu'un réh mihin kekat kelunan éh sakit tavin éh, irah éh pu'un pinaa' arong kesakit, ngan irah éh nasek balei', ngan irah éh tuleu' ngan irah éh matai keluhat péh, pu'un éh peka'o réh béé.

LUKAS 19:22

Ha' lakei' ja'au ngan néh kepéh, Sa'at ka'au', ka'au' jah kelunan sohoo' bang bé' ke' jam seruh. Neu' ha' ko' kenat nah, akeu' ngukum ka'au'. Ka'au' jam akeu' jah kelunan éh mahéng kenin ngan alaa' livah éh bé' anah ké' mu'un ngan majau tong éh nulah irah éh jah,

LUKAS 9:49

La'ah ka' ha' Yohanes ngan Yésus, O Guru, pu'un améé' na'at jah kelunan mega' balei' dalem ngaran ko', ngan pu'un mé' meta' éh bé' kejeraa' éh maneu' kenat, uban bé' éh pu'un pemung ngan uleu' iteu', ha' néh.

PENGANEU' LAWAH 19:13

Bang pu'un kelunan Yahudi éh jam ngedayung, lakau semah-semah péh ke' réh bet balei', irah tupat pakai ngaran Tuhan Yésus ke' réh juk bet balei' palaa' ngaran inah bang bé' réh omok. Ka' ha' réh ngan balei', Akeu' nyopéé' keh dalem ngaran Yésus éh benara' Paulus, ha' réh.

SURAT PAULUS NGAN SIDANG RUM 3:19

Hun iteu' uleu' jam tong kekat éh senurat dalem Surat Musa pu'un éh tulat kelunan éh murip ra' Surat Musa. Uban néh kenat bé' pu'un jah usah péh éh omok bara' réh bé' jam éh adang Tuhan Allah juk petuneng kekat kelunan tong tana' iteu'.