LUKAS 10:7 - Rengah Jian

⁷ Semah kelunan éh alaa' keh ngan jian kenin, tong lamin kelunan inah keh mokoo' ngan kuman ngan mesep ineu'-ineu' éh nena' réh ngan keh. Mai keh menyaa', uban kelunan éh kereja' tekep éh alaa' oléé' néh kepéh, ngan mai keh piso tai lamin irah éh jah kepéh.

LUKAS 10:7 Iomraidhean Croise

MARKUS 6:10

Ka' ha' Yésus kepéh, séé'-séé' éh tenah tebai keh tong lamin néh, sinah keh mokoo' pah avéé' keh lakau kepéh.

LUKAS 10:6

Hun pu'un kelunan sinah éh pawah kenin, jian ha' keh éh bara' pawah nah pu'un ngelayau kenat tong irah. Hun kelunan sinah bé' pu'un pawah kenin, ha' keh éh bara' pawah nah, seleket néh bé' pu'un awah.

LUKAS 9:4

Semah irah éh alaa' keh ngan jian kenin, tong lamin kelunan inah keh mokoo' pah avéé' hun keh piso jin sinah kepéh.

PENGANEU' LAWAH 16:15

Pu'un éh batis pemung ngan kekat irah tong lamin néh. La'o inah pu'un éh tebai mé', ka' ha' néh, Hun keh seruh akeu' ngelan tong Tuhan mu'un, jian keh tai lamin ké' mokoo' ngan améé', ha' néh. Gahang mu'un éh tebai' mé'.

PENGANEU' LAWAH 16:34

La'ah pu'un éh mihin Paulus rawah Silas taket tong lamin néh ke' néh mena' ka'an ngan roh. Murung kenin néh, kenat péh kekat irah tong lamin néh uban pengelan réh tong Allah.

PENGANEU' LAWAH 16:40

Musit roh jin lamin tutup tioo tai lamin Lidia. Sinah roh temeu' ngan kekat padéé' lem Tuhan, la'ah pu'un roh nebaraa' réh ke' roh ngereken kenin réh. La'o inah lakau roh kepéh.

GALATIA 6:6

La'ah kelunan éh pekalai tong tebaraa' Kristus, tekep iah mena' tulat jin kekat-kekat éh nalaa' néh éh jian ngan irah éh nebaraa' éh.

1 TIMOTIUS 5:13

La'ah ngan pepit-pepit leko kereja' ngan tai kasau-kasau tong lamin kelunan éh jah awah, bang bé' makat kenat awah, inah réh tosok kekat rengah éh bé' tekep ngan pekelakau ha' sa'at éh bé' tekep ngan réh, ngan kasau kenin ngan kereja' kelunan éh jah.

2 TIMOTIUS 2:6

La'ah kelunan éh mutau nérék, tekep iah éh tenah alaa' buaa' jin térék néh.