LUKAS 10:42 - Rengah Jian

⁴² bang pu'un jah éh pelapah jian jin kekat inah, uban Meriam nah pu'un éh ngevéléé' éh jian, éh jian inah bé' éh omok nalaa' réh jin iah kepéh, ha' Yésus ngan néh.

LUKAS 10:42 Iomraidhean Croise

MARKUS 8:36

Ineu' gunah néh hun kelunan alaa' kekat éh pu'un tong tana' iteu' hun urip néh pu'un tawang.

LUKAS 10:39

La'ah Marta pu'un jah padéé' néh éh redo, ngaran néh Meriam. Meriam mokoo' déhéé' gem Tuhan ke' néh menéng ha' tebaraa' Néh.

LUKAS 11:1

Jah koléé' tovoo' Yésus sebayang tong jah jalan, la'o Néh sebayang nah, inah jah bakéh Néh nyohoo' Éh nebaraa' réh sebayang. Ka' ha' néh, O Tuhan, jian Ke' nebaraa' améé' sebayang barei' Yohanes nebaraa' irah éh bakéh néh rai, ha' néh.

LUKAS 12:20

La'ah ha' Allah ngan néh, Palui ke' seruh kenat, dau merem iteu' néh laset ko' juk béé dat, la'ah hun néh kenat, kekat livah ko' nah anah séé' lah éh, ha' Néh.

LUKAS 12:33

Jian keh melih kekat livah keh, ngan kekat rigit éh nalaa' keh tong néh, jian keh mena' éh ngan kelunan kari. Jian keh alaa' bék éh bé' jam mupuk, inah éh pengekaya' tong seruga, pengekaya' inah bé' éh omok béé, uban kelunan nekau bé' éh omok tai sinah ngan nekau éh, kenat péh lipah, bé' éh omok kuman éh.

LUKAS 16:2

Boh lakei' pengeja'au inah tebai kelunan éh sohoo' néh mihau kekat livah néh nah. Ka' ha' néh ngan néh, Kineu' rengah éh nenéng ké' tong ka'au' nah, teneng éh kenat. Jian ke' nyurat pekua' jalan ko' pakai rigit ké' rai, bé' ke' omok kereja' ngan ké' kepéh, ha' néh.

LUKAS 16:25

Bang ka' ha' Abraham ngan néh, O anak ké', seruh ke' jian-jian, hun ko' murip tong tana' rai pu'un ke' alaa' kuraa'-kuraa' arong éh jian, ngan Laserus iteu' pinaa' arong pengekurang ngan pengeketa néh tong tana' rai, bang hun iteu' bé' iah jam sakit ngan keta kepéh, bang ka'au' kepéh pu'un keta ja'au hun iteu'.

LUKAS 18:22

Hun Yésus menéng ha' néh pané kenat, boh éh bara' ngan néh kepéh, Jah awah la'ah éh tekep ke' maneu', jian ke' melih kekat livah éh anah ko' ngan mena' kekat rigit éh nalaa' ko' tong néh ngan kelunan kari, boh ke' pu'un pengekaya' tong seruga, la'o inah jian ke' tuai kivu Akeu', ha' Yésus ngan néh.

LUKAS 8:18

La'ah uban néh kenat jian keh menéng ngan seruh mu'un, kelunan éh pu'un, inah ke' éh juk pepit kepéh, ngan kelunan éh bé' pu'un ineu'-ineu' bang iah ngioo' awah pu'un éh, éh kenioo' néh pu'un inah juk pega' kepéh jin iah, ha' Néh.

YOHANES 11:1

Pu'un jah kelunan éh sakit, ngaran néh Laserus, leboo' néh tong Betania, éh leboo' Meriam rawah Marta éh padéé' néh nah.

YOHANES 11:19

Pinaa' kelunan Yahudi tai nepah Marta rawah Meriam ke' réh papung kenin roh tong padéé' roh matai nah.

YOHANES 12:3

Boh Meriam alaa' jah gutun anyuu', éh ma'an mu'un-mu'un melih. Anyuu' inah éh senuai jin lakat anyuu'. Iah tioo mujek anyuu' inah tong gem Yésus ngan mitit éh palaa' bok néh kepéh. Jian ba'oo' kekat lamin iteu' neu' anyuu' inah.

YOHANES 17:3

La'ah urip éh pelinguh, inah éh, hun kelunan jam jah Ka'au awah néh Allah éh mu'un, ngan hun réh jam Yésus Kristus éh senohoo' Ko' tuai nah.

YOHANES 4:14

bang séé'-séé' éh mesep baa' éh nena' Ké', bé' éh omok mapeu' batok kepéh la'. Uban baa' éh nena' Ké' ngan néh pu'un éh lem néh, barei'-okoo' usit baa' éh bé' jam metei', éh omok mena' urip éh pelinguh ngan néh, ha' Néh.

YOHANES 5:24

Akeu' bara' mu'un ngan keh, séé'-séé' éh mihau ha' Ké' ngan éh ngelan tong Iah éh nyohoo' Akeu' tuai, iah pu'un urip éh pelinguh, ngan bé' éh teneng ukum uban néh lepah musit jin jalan éh mihin éh matai tai tong jalan éh mihin éh murip.

YOHANES 6:27

Mai keh kereja' pitah ka'an éh omok bangah awah, bang jian keh kereja' pitah ka'an éh omok pelinguh. Omok Anak Kelunan mena' ka'an inah ngan keh, uban Allah éh Tamen Ké', pu'un Éh mena' penyukat Néh ngan Ké', ke' Ké' omok mena' ka'an inah ngan keh, ha' Néh.

1 KORINTUS 13:3

Na' péh akeu' mena' kekat livah ké' ngan kelunan kari, ngan kejeraa' kelunan motong usah ké', bang hun akeu' maneu' kenat awah ngan bé' pu'un penika, seleket ké' bé' pu'un maneu' kenat ke' éh.

GALATIA 5:6

Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.