LUKAS 10:39 - Rengah Jian

³⁹ La'ah Marta pu'un jah padéé' néh éh redo, ngaran néh Meriam. Meriam mokoo' déhéé' gem Tuhan ke' néh menéng ha' tebaraa' Néh.

LUKAS 10:39 Iomraidhean Croise

LUKAS 10:42

bang pu'un jah éh pelapah jian jin kekat inah, uban Meriam nah pu'un éh ngevéléé' éh jian, éh jian inah bé' éh omok nalaa' réh jin iah kepéh, ha' Yésus ngan néh.

LUKAS 2:46

Tong keteleu' dau boh roh na'at éh tong Umaa' Allah, mokoo' ngan irah guru éh nebaraa' irah Yahudi tong adet réh, ke' Néh menéng ha' réh ngan ke' Néh neteng réh kepéh.

LUKAS 8:35

Boh kekat kelunan pinaa' tai kepéh tavin Yésus ke' réh jam éh hun néh pu'un kenat mu'un. Hun réh avéé' tong Yésus, inah irah na'at Yésus ngan lakei' éh nasek balei' nah pu'un menyun déhéé' gem Yésus. Kelunan éh nasek balei' nah pu'un pakai néh ngan pu'un kenin néh lepah teneng, medai mu'un réh na'at éh kenat.

YOHANES 11:1

Pu'un jah kelunan éh sakit, ngaran néh Laserus, leboo' néh tong Betania, éh leboo' Meriam rawah Marta éh padéé' néh nah.

YOHANES 11:19

Pinaa' kelunan Yahudi tai nepah Marta rawah Meriam ke' réh papung kenin roh tong padéé' roh matai nah.

YOHANES 12:3

Boh Meriam alaa' jah gutun anyuu', éh ma'an mu'un-mu'un melih. Anyuu' inah éh senuai jin lakat anyuu'. Iah tioo mujek anyuu' inah tong gem Yésus ngan mitit éh palaa' bok néh kepéh. Jian ba'oo' kekat lamin iteu' neu' anyuu' inah.

PENGANEU' LAWAH 22:3

Akeu' iteu' kelunan Yahudi, ngan lohoo' ké' tong leboo' Tarsus tong tana' Kilikia, bang hun ké' sukup ja'au boh ku' tuai tong leboo' Yérusalem iteu' ké' omok pekalai jin Gamaliel éh nebaraa' tong kekat sohoo' lem Surat Musa éh kenivu tepun lu'. La'ah mekat mu'un ku' kivu Allah pekua' barei' ka'ah dau iteu' nah.