LUKAS 10:22 - Rengah Jian

²² Pu'un Tamen Ké' lepah mena' kekat ineu'-ineu' ngan Ké', bé' pu'un séé'-séé' éh jam Akeu' iteu' éh Anak ko', bang ka'au' éh Tamen ké' awah éh jam Akeu'. Kenat péh bé' pu'un séé'-séé' éh jam ka'au' éh Tamen Ké', bang Akeu' éh Anak ko' awah éh jam ka'au', ngan irah éh jah hun Ké' keloo' pepoléng Ke' ngan réh boh réh omok jam ka'au' kepéh, ha' Néh.

LUKAS 10:22 Iomraidhean Croise

MATIUS 11:25

La'ah tovoo' inah Yésus sebayang, ka' ha' néh, O Amam, éh Tuhan tong langit ngan tong tana' péh, Akeu' bara' jian kenin ngan Ko' uban kekat éh nelim Ko' jin irah éh pu'un pengejam, pu'un Ke' pepoléng éh ngan irah éh bé' jam seruh éh barei' anak awah.

MATIUS 11:27

La'ah ha' Yésus kepéh, Pu'un Tamen Ké' lepah mena' kekat ineu'-ineu' ngan Ké'. Bé' pu'un séé'-séé' éh jam Akeu' éh Anak Néh, bang Tamen Ké' awah éh jam Akeu' Anak néh. Ngan bé' pu'un séé'-séé' éh jam Tamen Ké', bang Akeu' éh Anak Néh awah éh jam éh, ngan irah éh jah éh keneloo' Ké' pepoléng éh ngan réh, irah awah éh jam éh, ha' néh.

MATIUS 28:18

Tuai Yésus déhéé' réh ke' néh bara' ka', Tamen Ké' pu'un mena' penyukat ngan Ké', kenat péh tong seruga, kenat péh tong tana' iteu'.

YOHANES 1:18

Bé' pu'un séé'-séé' éh na'at Allah, bang Anak Néh éh jah de' ke' awah Iah Éh pu'un na'at Allah, ngan Iah pu'un pekua' ngan Allah, mokoo' Éh pemung ngan Tamen Néh, naneu' Néh uleu' jam Allah.

YOHANES 10:15

Akeu' jam irah ngan irah jam Akeu', pekua' Tamen Ké' jam Akeu', ngan Akeu' jam Tamen Ké', la'ah Akeu' juk mena' urip Ké' ngeliwah kekat domba Ké'.

YOHANES 13:3

La'ah kejam Yésus Tamen Néh pu'un mena' kekat penyukat Néh ngan Néh. Kejam Néh kepéh Iah pu'un tuai jin Allah ngan juk moléé' ngan Allah kepéh.

YOHANES 17:10

Kekat-kekat éh anah Ké', anah Ko' ke' éh, ngan kekat-kekat éh anah Ko', anah Ké' ke' éh, ngan pu'un réh pepoléng kemaren Ké'.

YOHANES 17:2

Uban Ka'au maneu' Akeu' pengeja'au kekat kelunan dokoo' Ké' omok mena' urip pelinguh ngan kekat irah éh nena' Ko' ngan Ké'.

YOHANES 17:26

Pu'un Akeu' bara' ngaran Ko' ngan réh, ngan Akeu' juk maneu' kenat kepéh, dokoo' barei' Ka'au murung Akeu' nah, irah péh omok jam kemurung Ko' inah pu'un dalem kenin irah kepéh, la'ah dokoo' réh omok jam Akeu' pu'un dalem irah, ha' Néh sebayang.

YOHANES 17:5

O Tuhan, hun iteu' jian Ke' mena' pengaren Ké' kepéh pemung ngan Ko' sinah, éh pekua' pengaren Ké' hun Ké' pu'un ngan Ko' hun tana' iteu' bé' jak pu'un rai.

YOHANES 3:35

La'ah Tamen Néh murung Anak Néh ngan pu'un Éh mena' kekat ineu'-ineu' lem nihau Anak Néh.

1 KORINTUS 15:24

La'o inah boh éh ga' néh, ngan la'o Kristus ngebéé kekat ayau Néh éh pu'un penyukat hun iteu', boh Iah mena' kekat kelunan éh pu'un lem nihau Néh ngan Tamen Néh Allah.

2 KORINTUS 4:6

Uban Allah éh lepah bara', Jian rema ngada jin merem, Iah ke' éh ngada dalem kenin uleu' kepéh, dokoo' Néh mihin lu' tong rema neu' pengejam lu' tong pengaren Allah éh pepoléng Néh ngan lu' neu' Kristus.

ÉPESUS 1:21

Tong sinah Kristus pu'un penyukat bau kekat pengeja'au, kelunan éh pu'un penyukat, kelunan éh majak ngan raja'. Kristus pelapah ja'au penyukat jin la'o séé'-séé' kelunan murip kesioo' jaka' éh juk avéé' kepéh.

IBRANI 2:8

Ngan maneu' kelunan pu'un penyukat mihau kekat ineu'-ineu' péh. Lem ayat inah bara' tong Allah maneu' kelunan pu'un penyukat bau kekat ineu'-ineu' péh; hun néh kenat bé' pu'un jah ineu' péh kenat bé' pu'un lem nihau kelunan. Bang hun iteu' bé' jak lu' na'at kelunan pu'un penyukat mihau kekat ineu'-ineu' péh.

1 YOHANES 5:20

La'ah uleu' jam Anak Allah pu'un tuai, Iah mena' pengejam Néh ngan lu', dokoo' lu' jam Allah éh teneng. Urip lu' pu'un éh dalem Allah éh teneng ngan dalem Anak Néh Yésus Kristus. Inah éh Allah éh teneng ngan urip éh mu'un ngan pelinguh.

2 YOHANES 1:9

Séé'-séé' éh bé' petem dalem ha' tebaraa' Kristus, bang iah pepit ha' tebaraa' éh jah, ha' tebaraa' kelunan inah bé' éh jin Allah. Bang séé'-séé' éh petem dalem ha' tebaraa' Kristus kelunan inah éh pu'un petem lem Allah Tamen ngan Anak Néh.