LUKAS 10:21 - Rengah Jian

²¹ Sioo' inah Yésus penoo' neu' kemurung jin Sahéé' Ni'ai, inah Éh sebayang, ka' ha' Néh, O Tamen Ké' éh Tuhan tong langit ngan tong tana' péh, Akeu' bara' jian kenin ngan Ko' uban kekat éh nelim Ko' jin irah éh pu'un ngaran tong tana' éh pu'un pekalai tong kuraa'-kuraa' arong, pu'un Ke' pepoléng éh ngan irah éh bé' pu'un ngaran tong tana', ngan éh bé' pu'un pekalai tong ineu'-ineu' péh. O Tamen Ké', pu'un Ke' maneu' éh kenat kivu pengeloo' Ko' ngan éh seneruh Ko' tengéé'.

LUKAS 10:21 Iomraidhean Croise

MATIUS 16:17

Ha' Yésus kepéh, O Simon anak Yohanes, murung kenin ko' uban bé' ke' jam éh neu' kelunan éh bara' éh ngan ko', bang Tamen ké' éh tong seruga Iah éh mena' pengejam inah ngan ko'.

MATIUS 21:16

Boh irah imam ngan irah guru bara' ngan Yésus, ha' réh, Nenéng ko' ha' réh? Kineu' ke' bé' meta' réh, ha' réh. Ha' Yésus mipa réh, Oo', nenéng ké' ke' éh, bang kineu' keh, bé' keh jam ha' lem surat Allah éh bara' ka' rai, O Allah, Ka'au' éh maneu' irah anak si'ik ngan irah éh météé' péh pu'un mejing ka'au', ha' Yésus ngan réh.

MATIUS 3:7

Bang hun Yohanes na'at kelunan pinaa' éh kivu adet Parisi ngan irah éh kivu adet Saduki tuai ke' réh menyat éh ngebatis réh, boh éh tioo pané ngan réh, ka' ha' néh, Ka'ah pohoo' torok, séé' éh bara' keh omok kelap jin kemerek Allah éh juk teneng tong keh nah.

MARKUS 10:15

Akeu' bara' mu'un ngan keh, kelunan éh bé' pu'un ngerera' tong Akeu' barei' anak si'ik iteu', bé' réh omok tai lem nihau Allah, ha' Néh.

LUKAS 15:5

Hun néh jam éh kepéh murung mu'un kenin néh, pelapah éh alaa' éh ke' néh nyu'un éh,

LUKAS 15:9

Hun néh pu'un alaa' éh, boh éh tebai kekat bakéh néh ngan kekat panak néh ke' néh bara' ka' ngan réh, Jian uleu' béé murung kenin, uban rigit pirek ké' éh metat rai, pu'un éh poléng kepéh, ha' néh.

YOHANES 11:41

Boh réh nyulip bateu' inah, boh Yésus na'at kebau, ka' ha' Néh, O Amam, Akeu' bara' jian kenin ngan Ko', uban Ko' ngelayau menéng ha' Ké'.

2 KORINTUS 4:3

Bang hun rengah Tuhan éh benara' mé' nah pu'un pelim, pu'un éh pelim kenat tong kelunan éh tawang.

ÉPESUS 1:11

Allah ngelayau maneu' ineu'-ineu' éh payoo' kivu pengeloo' kenin Néh. Avéé' Néh ngevéléé' améé' dalem Kristus dokoo' mé' omok anah Néh, kivu pengeloo' kenin Néh éh petenup Néh tenéh jin sahau.

ÉPESUS 1:5

La'ah naneu' penika Néh, jin bu'un tenéh Allah petenup jalan dokoo' neu' Anak Néh Kristus éh matai tong salib, Iah omok maneu' uleu' anak Néh kepéh. Iah maneu' kenat kivu pengeloo' ngan kemurung kenin Néh tengéé'.