LUKAS 10:2 - Rengah Jian

² Ka' ha' Néh ngan réh, Pinaa' mu'un parai éh lepah mesak, bang kerat awah kelunan éh tai majau éh, uban néh kenat jian keh sebayang ngan Iah éh pu'un térék inah, menyat Éh nyohoo' kelunan pinaa' tai majau éh kepéh.

LUKAS 10:2 Iomraidhean Croise

MATIUS 20:1

La'ah ha' Yésus kepéh, Tong kelunan éh pu'un lem nihau Ké' ngan Akeu' Pengeja'au réh, pu'un éh barei' ha' tapan tong kelunan éh pu'un pulah agun. Kelunan inah lakau ngivun-ngivun ke' néh tebai kelunan tuai kereja' tong pulah inah.

MARKUS 13:34

Barei' ha' tapan tong kelunan lakau tai tana' juu'. Teka néh tai lakau, iah bara' kuraa'-kuraa' kereja' ngan kelunan sohoo' néh, nyohoo' réh maneu' éh kelebéé' néh lakau nah. Kenat péh iah nyohoo' kelunan mavaa' tong usit tapé néh mavang savéé' néh, jian réh mavaa' éh mu'un.

MARKUS 16:15

La'ah ka' ha' Néh ngan réh, Jian keh tai pah tipo tana' ngan bara' Rengah Jian jin Allah ngan kekat kelunan.

MARKUS 16:20

La'ah irah bakéh Yésus lakau semah-semah péh bara' Rengah Jian éh jin Allah ngan kelunan. Tuhan pu'un pemung ngan réh, ngan Iah pekelenaa' kekat ha' tebaraa' réh pu'un teneng neu' Iah mena' penyukat Néh ngan réh ke' réh maneu' kuraa'-kuraa' telana' éh ja'au.

LUKAS 9:1

La'ah Yésus tebai irah éh bakéh Néh jah poloo' duah usah nah, ke' Néh nyohoo' réh mega' balei' ngan peka'o kelunan éh sakit péh, pekua' Iah péh omok mega' balei' ngan peka'o kelunan sakit.

PENGANEU' LAWAH 11:19

La'ah uban Stepanus penatai réh ngan pu'un pengeketa éh ja'au mu'un neu' kelunan éh maneu' irah éh ngelan tong Tuhan Yésus, purat réh lakau tai kuraa'-kuraa' tana' kepéh. Jelua' réh tai tana' Penisia, jelua' kepéh tai pulau Siprus, jelua' kepéh tai leboo' ja'au Antiokia tong tana' Siria, ke' réh nebaraa' irah éh pohoo' Yahudi.

PENGANEU' LAWAH 13:2

Tovoo' irah seva' Tuhan muruh sebayang ngan kelaset nah, pu'un Sahéé' Ni'ai pané ngan réh, ka' ha' néh, Jian keh mena' Barnabas rawah Saulus ngan Ké', dokoo' roh omok maneu' kereja' éh sohoo' ké' ngan roh, ha' Néh.

PENGANEU' LAWAH 13:4

La'ah uban Sahéé' Ni'ai nyohoo' rawah tai maneu' kereja' Tuhan, lakau Barnabas ngan Saulus jalan tana' tai leboo' Seleukia éh déhéé' baa' banget, ke' roh lakau jin sinah kepéh jalan kapen tai pulau Siprus.

PENGANEU' LAWAH 20:28

Jian keh mihau kenin keh mu'un-mu'un, kenat péh mihau kekat domba Tuhan éh nena' Sahéé' Ni'ai ngan keh. Jian keh mihau sidang Allah mu'un-mu'un, éh anah nah neu' dahaa' Anak Néh.

PENGANEU' LAWAH 22:21

Ka' ha' Tuhan ngan ké' kepéh, Lakau ke', Akeu' juk nyohoo' ke' tai juu', avéé' tong kelunan éh tengéé' pohoo' jin pohoo' Yahudi. Kenat ha' Tuhan ngan ké' rai, ha' Paulus.

PENGANEU' LAWAH 8:4

Kekat irah éh purat nah tai bara' Rengah Jian.

1 KORINTUS 12:28

La'ah dalem sidang, pu'un Allah lepah mena' kuraa' kelunan ke' réh kereja' tong sidang inah. Éh bu'un irah lawah Néh, éh keruwah néh, irah nabi, éh keteleu' néh, irah guru, la'o inah kelunan éh jam maneu' telana' éh tejeu', la'o inah kelunan éh peka'o kesakit kelunan palaa' penyukat Tuhan, la'o inah irah éh nolong kelunan éh jah, ngan la'o inah kepéh kelunan éh omok pané ngan kuraa' arong ha' éh tejeu'.

1 KORINTUS 15:10

Bang neu' penika Allah awah akeu' ngelan tong Iah hun iteu', tong penika Néh ngan ké', bé' akeu' bet éh awah, bang akeu' kereja' mutau mu'un pelapah muruh jin kekat lawah éh jah, éh mu'un bé' éh akeu' tengéé' éh kereja', bang penika Allah éh kereja' lem kenin ké'.

2 KORINTUS 6:1

Améé' kelunan éh kereja' pemung ngan Tuhan, naten mé' nyohoo' keh uban keh lepah jam tong penika Tuhan mai keh si'ik kenin tong néh.

PILIPI 2:21

Kekat irah éh jah seruh tong kereja' réh awah, bé' réh seruh tong kereja' Yésus Kristus.

PILIPI 2:25

Bang akeu' seruh tekep ku' nyohoo' padéé' lu' Epaproditus tai tavin keh, iah éh bakéh ké' dalem kereja' Tuhan, gahang mu'un amo kereja' ngelawan kekat kesa'at, ngan iah éh senohoo' keh tai nolong akeu'.

PILIPI 2:30

uban neu' kereja' néh ngan Kristus, inah iah danii' juk matai rai, dokoo' néh nolong akeu' tong jalan ka'ah bé' omok nolong rai.

KOLOSÉ 1:29

Uban néh kenat inah akeu' kereja' muruh ngan kekat pengegahang Kristus éh pu'un dalem akeu'.

KOLOSÉ 4:12

La'ah Epapras iah péh pemung tana' ngan ka'ah, ngan éh sohoo' Kristus Yésus, iah péh bara' tabi' ngan keh. Ngelayau iah gahang sebayang tong ka'ah dokoo' keh omok reken kenin ngan sukup kenin ngan jam seruh ngan ngelayau kivu pengeloo' Allah.

1 TESALONIKA 2:9

O kekat padéé' ké', adang keh jam tong kemutau ngan penusah mé' kereja' belah ka'ah. Putung dau ngan putung merem mé' kereja' dai améé' petusah ka'ah kelebéé' mé' bara' Rengah Jian éh jin Allah ngan keh.

1 TESALONIKA 5:12

O kekat padéé' ké', améé' nyohoo' ka'ah ngerera' tong kelunan éh kereja' belah ka'ah, irah éh kevéléé' Tuhan ke' réh mihau ngan nebaraa' ka'ah.

2 TESALONIKA 3:1

O kekat padéé' ké', iteu' éh pengega' ha' ké' ngan keh, jian ka'ah sebayang tong améé', dokoo' ha' tebaraa' Tuhan omok rigah avéé' semah-semah péh ngan kenajung, barei' éh pu'un belah keh teu' rai.

1 TIMOTIUS 4:10

Uban kenat péh uleu' kereja' mutau mu'un, uban pengelan lu' pu'un tong Allah éh murip, éh juk pepurip kekat kelunan, adang Iah omok purip irah éh ngelan tong Iah.

2 TIMOTIUS 4:5

Bang jian ke' mihau kenin ko', ngeretep dalem penusah, maneu' kereja' kelunan éh bara' Rengah Jian, maneu' kekat kereja' ko' barei' éh tekep ngan kelunan éh sohoo' Allah.

PILEMON 1:1

Surat iteu' jin Paulus, éh pu'un tong lamin tutup uban perengah Kristus Yésus, ngan jin padéé' lu' Timotius.

IBRANI 3:6

Bang Kristus nah Anak Tuhan mu'un, tigéh mu'un éh mihau umaa' Allah. La'ah uleu' néh umaa' Allah, inah éh hun lu' ngereken kenin lu' ngan petem pengelan lu' omok alaa' ineu' éh kepelum lu'.

ÉH POLÉNG 2:1

La'ah ha' Néh kepéh, Jian ke' nyurat ha' Ké' iteu' ngan meliket tong sidang Épesus. Ka' ha' jin Iah éh ngamit tujuu' kenyuhai lem ojoo' Néh saa' na'au', éh lakau belah tujuu' pelita' mas.