LUKAS 10:15 - Rengah Jian

¹⁵ Jah la'ah ka'ah tong leboo' Kapernaum, ka'ah pu'un seruh keh omok kenajung avéé' tong seruga, bang bé' keh omok kenat, adang keh nebet réh tong luten meraka awah, ha' Néh.

LUKAS 10:15 Iomraidhean Croise

MATIUS 10:28

Mai keh medai tong kelunan éh mematai usah keh éh bé' pu'un penyukat mematai sahéé' keh. Bang jian keh medai tong Allah éh pu'un penyukat kebéé usah keh ngan sahéé' keh dalem luten meraka.

MATIUS 11:23

Ngan ka'ah éh tong leboo' Kapernaum, kineu', pu'un keh seruh neu' pengejian keh tengéé' omok keh tai seruga? Bé' keh omok kenat. Ka'ah nebet Tuhan tong luten meraka awah. Uban hun Ké' pu'un maneu' telana' éh ja'au kenat tong leboo' Sodom, barei' éh neu' Ké' tong leboo' keh iteu', adang réh pu'un piso jin penyala' réh ngan bé' leboo' réh kenebéé Tuhan.

MATIUS 4:13

La'ah bé' Iah mokoo' tong leboo' Nasaret bang Iah mokoo' tong leboo' Kapernaum, jah leboo' éh déhéé' baa' Banget Galilia éh tong tana' tutuh tana' Sebulon ngan tana' Naptali.

LUKAS 13:28

Tovoo' keh na'at Abraham ngan Ishak ngan Yakub ngan kekat irah éh nabi Tuhan tong retek Allah pu'un Pengeja'au, adang keh pu'un mangaa' mu'un ngan segitep ja'an besau uban keh bé' omok masek pemung ngan réh.

LUKAS 16:23

ngan keta mu'un-mu'un éh tong jalan patai. Inah iah na'at kebau, boh éh na'at Abraham juu' mu'un ngan Laserus nah mokoo' déhéé' Abraham nah.

2 PÉTERUS 2:4

Allah péh bé' Iah ngelepu irah meliket éh lepah maneu' penyala', bang Iah bet réh lem meraka. Sinah réh kejeret tong retek éh merem pah avéé' Dau Tuhan petuneng kelunan.