LUKAS 10:11 - Rengah Jian

¹¹ Agaa' tana' jin leboo' keh éh nyalit tong gem mé', inah améé' nepaga' éh, dokoo' keh jam ka'ah tengéé' ke' tagong penyala' keh. Bang nesen keh, dau iteu' pu'un Allah tavin keh ke' Néh juk Pengeja'au keh, bang pu'un ka'ah bet Éh awah, kenat ha' keh ngan réh.

LUKAS 10:11 Iomraidhean Croise

MATIUS 10:14

La'ah séé'-séé' éh bé' keloo' alaa' keh ngan bé' keloo' menéng ha' keh, jian keh piso jin irah ngan nepaga' agaa' tana' éh nyalit tong gem keh.

MATIUS 10:7

Jian keh bara' ngan réh ka', Danii' jaka' Allah pengeja'au ngan mihau keh, ha' keh ngan réh.

MATIUS 3:2

Ka' ha' néh ngan réh, Jian keh piso jin penyala' keh uban lepah danii' jaka' Allah Pengeja'au, ha' néh.

MARKUS 6:11

Semah leboo' éh bé' keloo' alaa' ka'ah, ngan bé' keloo' menéng ha' keh, hun keh lakau' jin sinah, nepaga' agaa' tana' éh nyalit tong gem keh, seleket ha' keh bara' ngan réh, ka'ah ke' tagong ukum ka'ah da'.

LUKAS 10:10

Bang tong leboo' semah-semah keh tai hun réh leko alaa' keh, jian keh musit jin lamin réh tai tong jalan totoo' ngan bara' ka',

LUKAS 10:9

Kelunan éh sakit tong leboo' inah, jian keh peka'o réh ngan jian keh bara' ngan réh, Danii' jaka' Allah Pengeja'au keh, ha' keh ngan réh.

LUKAS 9:5

Hun keh lakau tong leboo' semah-semah péh hun réh bé' keloo' alaa' keh, piso keh jin leboo' inah. Hun keh piso, nepaga' agaa' tana' éh nyalit tong gem keh, seleket ha' keh bara', Ka'ah ke' tagong penyala' keh, seleket keh pané kenat ngan réh, ha' Néh.

PENGANEU' LAWAH 13:26

Ka' ha' Paulus kepéh, O kekat tamen ngan kekat padéé' éh anak-ayam Abraham, ngan kekat kelunan éh tengéé' pohoo' péh éh pu'un seva' Allah, rengah tong jalan lu' omok alaa' urip, pu'un éh lepah avéé' tong kekat uleu' béé.

PENGANEU' LAWAH 13:40

Uban néh kenat mavaa' keh jian-jian, dai ka'ah pu'un barei' ha' éh lepah senurat lem surat irah nabi, ka' ha' réh.

PENGANEU' LAWAH 13:46

Bang Paulus ngan Barnabas makang kenin nebaraa' réh, ka' ha' roh, Tekep ha' tebaraa' Tuhan pu'un benara' mé' ngan keh tenah. Bang uban keh pu'un bet éh awah, seleket keh bara' bé' keh keloo' alaa' urip éh pelinguh, inah améé' juk piso jin keh tai nebaraa' kelunan éh tengéé' pohoo' kepéh.

PENGANEU' LAWAH 13:51

Boh roh nepaga' agaa' tana' jin gem roh, seleket roh bara', irah bé' keloo' alaa' ha' tebaraa' roh. Lakau roh kepéh tai leboo' Ikonium.

SURAT PAULUS NGAN SIDANG RUM 10:21

Bang ka' ha' Néh ngan irah pohoo' Israel, Putung dau Akeu' nyelaka' kelunan éh ngelapah awah tong ha' Ké' ngan mahéng kenin.

SURAT PAULUS NGAN SIDANG RUM 10:8

Bang kekat kelunan omok jian kepéh ngan Allah neu' pengelan réh nah awah. Pu'un réh bara' tebaraa' éh tong jalan lu' alaa' kenin éh teneng, petepih mu'un éh barei' ujun, ngan lem kenin keh, inah éh ha' tebaraa' éh benara' mé' ngan keh rai.

IBRANI 1:3

Pu'un éh pepoléng kekat pengaren ngan pengejian Allah uban Iah péh pekua' ngan Allah. Iah pu'un mihau kekat penyuai Néh tong tana' ngan tong langit palaa' ha' Néh éh pu'un penyukat. La'o Néh maneu' kelunan pelepu jin penyala', Iah menyun tong seruga saa' na'au' Allah Pengeja'au éh matek bau.