LUKAS 1:76 - Rengah Jian

⁷⁶ La'ah tong Ka'au' nak, pinaa' kelunan juk bara' ke' jah nabi Allah éh bau kekat ineu'-ineu' péh. Ka'au' éh tai tenah Tuhan dat ngan petenup kekat jalan Néh,

LUKAS 1:76 Iomraidhean Croise

MATIUS 14:5

Tovoo' Yohanes pané kenat Herodis juk mematai éh, bang medai éh kelunan Yahudi uban irah Yahudi nah jam Yohanes nah kelunan éh kevéléé' Tuhan ke' néh bara' ha' Tuhan ngan réh.

MATIUS 21:26

La'ah hun lu' bara', kelunan éh nyohoo' éh, bé' lu' omok kenat ha' kepéh. Medai lu' tong irah pinaa' nah, uban irah seruh Yohanes nah jah nabi Tuhan, ha' réh.

MATIUS 3:11

Mu'un akeu' ngebatis ka'ah lem baa' dokoo' néh pepoléng ka'ah lepah piso jin penyala' keh, bang pu'un jah usah éh juk tuai jin la'o ké' iteu', iah juk ngebatis ka'ah neu' Sahéé' Ni'ai ngan luten. Iah éh pelapah ja'au ngaran jin akeu', Sapét kasut néh péh bé' ku' tekep mihin.

MATIUS 3:3

Uban Yohanes nah néh éh benara' nabi Yesaya dalem ha' tebaraa' néh rai, ka' ha' néh. Pu'un jah kelunan éh mejui tong ahang tana', Ka' ha' néh, Petenup jalan Tuhan ngan pepejek jalan Néh, ha' néh.

MARKUS 11:32

Hun tam bara', kelunan éh nyohoo' éh, bé' tam omok kenat ha' kepéh, ha' réh. Medai réh uban réh jam pinaa' kelunan jam Yohanes nah jah kelunan éh nabi Tuhan.

LUKAS 1:32

Iah pu'un kenajung, ngaran Néh Anak Allah éh bau béé-béé. Tuhan Allah juk maneu' Yésus Raja' barei' Daud éh tepun néh sahau,

LUKAS 1:35

Ha' meliket mipa éh, Sahéé' Ni'ai juk tuhun tong ke' ngan penyukat Tuhan Allah pu'un tong ke', kenat péh Anak ko' iteu' nateng réh Anak éh ni'ai, ngan éh nateng réh Anak Allah.

LUKAS 6:35

Bang inah éh tekep, jian ke' pika irah éh leko ke' ngan maneu' jian ngan réh, ngan pekeliwah livah ngan réh ngan bé' makat uban ko' seruh omok alaa' éh mutaa' kepéh jin réh. La'ah ja'au mu'un oléé' néh ngan ko', la'ah ka'au' omok anak Allah éh Matek Bau, uban néh pu'un masi kelunan éh sevahau' ke' awah, ngan kelunan éh sa'at péh.

YOHANES 1:23

Ka' ha' Yohanes mipa réh, Akeu' néh éh benara' nabi Yesaya lem surat néh rai, ha' Yesaya nah, Jah kelunan mejui tong ahang tana', ka' ha' néh, pepejek jalan ngan Tuhan, ha' néh.

YOHANES 1:27

Pu'un Éh tuai jin la'o ké' bang bé' ku' tekep muka talei' kasut Néh, ha' néh.

YOHANES 3:28

Ka'ah péh lepah menéng ha' ké' bara' ka', Bé' éh akeu' éh Kristus bang akeu' saa' tenah jin Iah.

PENGANEU' LAWAH 16:17

Pu'un éh kivu Paulus seliko ngan améé', mejui éh, ka' ha' néh, Kelunan inah maneu' kereja' Allah éh Matek Bau, pu'un réh bara' jalan uleu' kelunan omok alaa' urip éh maréng, ha' néh.