LUKAS 1:70 - Rengah Jian

⁷⁰ La'ah hun sahau jin irah nabi éh kevéléé' Néh,

LUKAS 1:70 Iomraidhean Croise

MARKUS 12:36

Uban Sahéé' Ni'ai ngusii' kenin Daud ke' néh bara' ka', Tuhan pu'un bara' ngan Tuhan ké', ka' ha' néh, Jian Ke' menyun saa' na'au' Ké' siteu', avéé' Ké' maneu' kekat ayau Ko' inah barei' lun gem Ko' awah, ha' néh.

LUKAS 24:44

Boh Éh bara' ka' ngan réh, Kekat éh lepah pu'un hun iteu', inah éh lepah benara' Ké' ngan keh hun Ké' to mokoo' ngan keh rai. Kekat éh senurat réh tong Akeu' éh pu'un lem Surat Musa, kenat péh éh pu'un lem surat irah nabi, kenat péh éh lem surat Masmur, adang kekat ha' éh senurat réh inah, pu'un éh kenat mu'un, ha' Néh.

PENGANEU' LAWAH 28:25

La'o Paulus bara' tong jah ha' lem surat Yesaya moléé' réh ngan petengéé' kenin réh. Ka' ha' néh ngan réh, La'ah teneng mu'un éh benara' Sahéé' Ni'ai neu' nabi Yesaya ngan tepun keh sahau,

SURAT PAULUS NGAN SIDANG RUM 1:2

Rengah Jian inah lepah pejajii' Allah neu' kekat nabi éh bara' ha' Néh ngan kelunan sahau, pu'un éh senurat réh dalem surat Allah.

IBRANI 3:7

Uban barei' éh benara' Sahéé' Ni'ai, ka' ha' Néh, Dau iteu' hun keh menéng ha' Allah,

1 PÉTERUS 1:12

Allah pu'un bara' ngan irah nabi tong kekat éh naneu' réh nah bé' éh tulat usah réh tengéé', bang pu'un éh tulat ka'ah. Kekat éh benara' irah nabi inah, hun iteu' lepah keh menéng éh jin irah éh bara' tong Rengah jian inah. Irah perengah éh ngan keh palaa' penyukat Sahéé' Ni'ai, éh nena' jin seruga pah avéé' irah meliket péh keloo' jam tong kekat inah.

2 PÉTERUS 1:21

Uban kekat ha' tebaraa' éh benara' irah nabi, bé' irah bara' éh kivu pengeloo' kenin réh tengéé', bang Sahéé' Ni'ai pekelenaa' éh lem kenin réh tovoo' réh bara' ha' Allah ngan kelunan.

2 PÉTERUS 3:2

Akeu' keloo' ka'ah nesen ha' éh benara' irah nabi Allah sahau, kenat péh kekat tebaraa' ngan kekat sohoo' éh jin Tuhan éh ngelepu lu', éh benara' irah lawah ngan keh kepéh.

ÉH POLÉNG 19:10

Akeu' ngejekuu' lep ké' déhéé' gem néh juk seva' éh, bang ha' néh ngan ké', Mai ke' seva' akeu', akeu' péh kelunan sohoo' barei' ka'au' ngan kekat irah padéé' ko', inah éh irah éh bé' putui pengelan bang éh ngelan tong Yésus ngan mihau ha' tebaraa' éh teneng éh benara' Yésus. Jian ke' seva' Allah, ha' néh. Uban pengeteneng éh benara' Yésus pu'un éh ngusii' kenin kelunan éh bara' ha' Tuhan ngan kelunan.