LUKAS 1:68 - Rengah Jian

⁶⁸ Mejing Tuhan Allah éh kenelan kelunan Yahudi, uban Néh pika irah éh kevéléé' Néh ngan ngelepu réh.

LUKAS 1:68 Iomraidhean Croise

LUKAS 1:71

Tuhan lepah pejajii' juk ngelepu lu' jin kekat ayau lu', ngan jin kamit irah éh ngeleko lu'.

LUKAS 19:44

Adang réh pu'un tuai mematai kekat ka'ah béé. Kekat leboo' iteu' tasa' béé-béé, bé' pu'un jah-jah éh nekedéng keto. Ke' néh pu'un kenat uban keh mahéng kenin ngan bé' nesen Tuhan éh tuai éh juk purip ka'ah, ha' Néh.

LUKAS 2:38

Tovoo' Simeon réh teleu' inah pu'un keto tong Umaa' Allah, inah redo inah masek kepéh ke' néh mejing Allah uban anak si'ik inah. Bé' éh omok ma'o tosok ngan bara' anak inah ngan kekat kelunan éh mena Allah ngelepu Yérusalem jin kekat penusah réh.

LUKAS 24:21

La'ah éh kenelan améé', kelunan inah éh omok ngelepu pohoo' améé' Yahudi, ngan hun iteu', iteu' néh keteleu' dau réh lepah mematai Éh nah.

LUKAS 7:16

Kekat kelunan pinaa' nah medai, irah pu'un mejing Allah. Ha' réh, Pu'un jah nabi belah tam siteu', ja'au mu'un penyukat Néh, ngan inah kepéh, Allah pu'un tuai ngan pepoléng penika Néh ngan kelunan éh anah nah, ha' réh.

ÉPESUS 1:3

Jian uleu' bara' jian kenin ngan Allah éh Tamen Tuhan lu' Yésus Kristus, uban uleu' murip pemung ngan Kristus, Allah lepah mena' pengejian ngan lu', palaa' kekat pengejian éh jin seruga.

ÉPESUS 1:7

Uban neu' dahaa' Kristus, uleu' pu'un pelepu, inah éh, penyala' lu' pu'un pega'. Iah maneu' kenat uban ja'au mu'un penika Allah ngan lu', pelapah ja'au jin éh omok benara' lu'.

IBRANI 9:12

Hun Kristus pu'un tai tong Retek Matek Ni'ai jah koléé' awah Éh tai, bé' Éh tai kepéh, ngan bé' Iah mihin dahaa' mék ngan dahaa' sapé' lakin ke' Néh mena' éh ngan Allah, bang Iah mihin dahaa' Néh tengéé', ngan neu' dahaa' Néh inah Iah ngelepu uleu' avéé' pelinguh.

1 PÉTERUS 1:3

Jian lu' bara' jian kenin ngan Allah, Tamen Tuhan lu' Yésus Kristus! Uban Iah pika uleu' mu'un, Iah mena' urip maréng ngan lu', neu' Néh pebetéé' Yésus Kristus jin patai Néh. Iteu' omok mena' pengepelum éh reken ngan lu'.