LUKAS 1:33 - Rengah Jian

³³ ngan iah omok Pengeja'au pelinguh tong kekat irah éh jin betah Yakub. Kekat-kekat éh pu'un lem nihau Néh, bé' pu'un ga' néh, pu'un éh pelinguh, ha' meliket nah.

LUKAS 1:33 Iomraidhean Croise

MATIUS 1:1

Iteu' ngaran irah éh tepun Yésus Kristus éh jin pohoo' Daud, ngan iah ke' éh jin pohoo' Abraham.

MATIUS 28:18

Tuai Yésus déhéé' réh ke' néh bara' ka', Tamen Ké' pu'un mena' penyukat ngan Ké', kenat péh tong seruga, kenat péh tong tana' iteu'.

LUKAS 1:34

La'ah ha' Meriam ngan meliket nah, Kineu' éh pu'un kenat uban bé' jak akeu' pu'un pemung ngan lakei', ha' néh.

SURAT PAULUS NGAN SIDANG RUM 9:6

Akeu' bé' bara' tong ineu' éh pejajii' Allah bé' petem, ineu' éh pejajii' Néh lepah pu'un tenéh, uban bé' éh ketem lo'ong kelunan Israel éh kevéléé' Néh.

GALATIA 3:29

Hun ka'ah anah Kristus boh ka'ah péh panak Abraham kepéh, ngan ka'ah omok alaa' kekat éh pejajii' Allah ngan Abraham kepéh.

GALATIA 6:16

Jian pengepawah ngan penika Tuhan pu'un ngan kekat ka'ah éh pu'un alaa' urip maréng, kenat péh ngan kekat kelunan éh anah Tuhan semah-semah péh.

PILIPI 3:3

bang uleu' éh pu'un pesunat éh teneng, uban uleu' seva' Allah naneu' Sahéé' Néh ngan murung naneu' urip lu' lem Kristus Yésus, bé' uleu' ngelan tong ineu'-ineu' éh omok neu' kelunan.

IBRANI 1:8

Bang tong Anak Néh nah pu'un Allah bara' ka', Ka'au' éh Allah, Ka'au' omok raja' avéé' pelinguh Pu'un Ke' mihau kekat irah éh lem nihau Ko' dalem kekat éh teneng ngan jian mu'un.

ÉH POLÉNG 11:15

Boh meliket éh ketujuu' nah nyelevuu serupit néh, pu'un kuraa'-kuraa' ha' ja'au tong seruga, éh bara' ka', Kekat penyukat pu'un éh ngan Allah Tuhan mé' ngan pu'un éh ngan Kristus éh kevéléé' Néh ke' Néh omok Raja', Iah omok Raja' pah tipo tana', pu'un éh Raja' ngan mihau réh pah avéé' pelinguh, ha' réh.