LUKAS 1:2 - Rengah Jian

² Uban jin bu'un inah pu'un kelunan éh na'at Éh palaa' maten néh mu'un, ngan pu'un réh bara' éh ngan lu' kepéh.

LUKAS 1:2 Iomraidhean Croise

MARKUS 1:1

Kekat ha' lem surat iteu' inah éh bara' Rengah Jian tong Yésus Kristus éh Anak Allah.

MARKUS 16:20

La'ah irah bakéh Yésus lakau semah-semah péh bara' Rengah Jian éh jin Allah ngan kelunan. Tuhan pu'un pemung ngan réh, ngan Iah pekelenaa' kekat ha' tebaraa' réh pu'un teneng neu' Iah mena' penyukat Néh ngan réh ke' réh maneu' kuraa'-kuraa' telana' éh ja'au.

MARKUS 4:14

Sin tong lakei' éh tai mulah parai nah, inah éh kelunan éh tai bara' ha' tebaraa' Tuhan.

LUKAS 24:48

La'ah ka'ah éh omok bara' tong kekat inah.

YOHANES 15:27

Ka'ah kepéh omok bara' tong Akeu', uban keh pu'un ngan Ké' jin bu'un Ké' maneu' kereja' Ké', ha' Néh.

YOHANES 16:4

Bang pu'un Ku' bara' kenat ngan keh hun iteu', dokoo' hun penusah inah pu'un, ka'ah omok nesen Akeu' lepah bara' éh ngan keh tenéh, ha' Néh. Ka' ha' Yésus kepéh, Hun lepah rai bé' Ku' pu'un bara' kenat ngan keh uban Ké' pu'un keto ngan keh.

PENGANEU' LAWAH 1:3

Avéé' pat poloo' dau kelebéé' la'o Yésus betéé' jin patai Néh, pinaa' koléé' Néh pepoléng usah Néh ngan réh, ke' réh jam Éh mu'un adang Néh pu'un murip mu'un. La'ah pu'un réh na'at usah Néh mu'un ngan pu'un Éh nebaraa' réh tong Pengihau Allah.

PENGANEU' LAWAH 1:8

Bang hun keh alaa' Sahéé' Ni'ai boh keh pu'un penyukat, boh keh omok bara' Ku' ngan réh, kenat péh tong Yérusalem, kenat péh tutuh tana' Yudea ngan Samaria, pah avéé' tipo tana', ha' Néh.

PENGANEU' LAWAH 14:25

Pu'un roh bara' ha' tebaraa' Tuhan tong leboo' Perga, la'o inah lakau kepéh roh tai leboo' Atalia,

PENGANEU' LAWAH 16:6

Lakau réh teleu' inah tong tana' Prigia ngan Galatia, bé' Sahéé' Ni'ai kejeraa' réh tai bara' ha' Tuhan tong Asia.

PENGANEU' LAWAH 17:11

La'ah irah tong Berea nah, bé' réh mahéng kenin barei' irah éh tong Tesalonika, murung réh menéng ha' tebaraa' Tuhan. Siget dau mekat réh purung surat Tuhan ke' réh omok jam hun néh pu'un mu'un barei' éh benara' Paulus ngan réh.

PENGANEU' LAWAH 26:16

Betéé ke', nekedéng! Akeu' pepoléng usah Ké ngan ko' uban ké' keloo' maneu' ka'au' kelunan sohoo' Ké'. Jian ke' bara' ngan irah éh jah tong ineu' éh ta'an ko dau iteu' tong Akeu' ngan tong kekat éh juk benara' Ké' ngan ko' temurei' kepéh.

PENGANEU' LAWAH 4:20

Uban bé' amo omok ma'o bara' tong éh ta'an mé' ngan éh nenéng mé', ha' roh ngan réh.

PENGANEU' LAWAH 8:4

Kekat irah éh purat nah tai bara' Rengah Jian.

SURAT PAULUS NGAN SIDANG RUM 15:16

dokoo' ké' omok maneu' kereja' Kristus Yésus belah kelunan éh tengéé' pohoo'. Lem ké' bara' Rengah Jian éh jin Allah ngan kelunan éh tengéé' pohoo' kenat, dokoo' ké' omok mena' réh ngan Allah, barei' kelunan éh mena' ka'an ngan Tuhan rai, kenat péh akeu' mena' réh ngan Allah ke' réh omok anah nah neu' Sahéé' Ni'ai.

1 KORINTUS 4:1

Tekep ka'ah seruh amo Apolos, kelunan éh kivu sohoo' Kristus awah. Kristus éh mena' ha' tebaraa' Néh ngan amo. Ha' tebaraa' iteu' pelim éh tong kelunan sahau rai, amo mihau éh ngan bara' éh ngan kelunan éh jah kepéh.

IBRANI 2:3

Bé' pu'un jalan lu' omok kelap hun lu' ngelapah awah tong penika Tuhan éh juk purip lu', adang lu' teneng ukum Néh. Uban Tuhan tengéé' éh bu'un-bu'un bara' tong jalan Néh juk purip lu', ngan irah éh pu'un menéng éh pu'un bara' éh ngan uleu' kepéh ngan pekelenaa' éh ngan lu' adang Tuhan juk purip kelunan.

1 PÉTERUS 5:1

Akeu' petesen ka'ah pengeja'au lem sidang, uban akeu' péh pengeja'au tong sidang. Pu'un ku' lepah na'at pengeketa Kristus ngan pu'un ku' tosok éh kepéh. Adang akeu' omok pemung ngan Néh tovoo' Iah tuai kepéh lem kekat pengaren Néh.

2 PÉTERUS 1:16

Uban bé' améé' kivu ha' suket kelunan hun mé' nebaraa' ka'ah tong Tuhan Yésus Kristus éh juk tuai kepéh dalem kekat penyukat Néh. Maten améé' tengéé' pu'un na'at kekat kemaren Néh hun Néh pu'un tong tana' iteu' rai.