LUKAS 1:17 - Rengah Jian

¹⁷ Iah juk lawah Tuhan, gahang éh neu' penyukat Sahéé' Ni'ai barei' Elia éh nabi Tuhan sahau. Iah juk pepemung irah tamen ngan anak réh. Ngan kelunan éh bé' kivu sohoo' Tuhan, iah juk mihin réh seruh kepéh tong kekat éh teneng. Neu' kereja' néh kenat, inah éh maneu' kenin kelunan éh kevéléé' Tuhan omok petenup kenin ngan Tuhan, ha' meliket inah ngan Zakharia.

LUKAS 1:17 Iomraidhean Croise

MATIUS 11:14

Ngan hun keh juk ngelan ha' tebaraa' réh, Yohanes nah inah éh Elia éh benara' réh juk tuai saa' tenah teka dau savéé' Allah Pengeja'au ngan mihau kekat kelunan.

MATIUS 14:4

Pinaa' koléé' Yohanes nah meta' Herodis nah ngan bara' ngan néh, Bé' tekep ke' alaa' do padéé' ko', ha' néh.

MATIUS 3:3

Uban Yohanes nah néh éh benara' nabi Yesaya dalem ha' tebaraa' néh rai, ka' ha' néh. Pu'un jah kelunan éh mejui tong ahang tana', Ka' ha' néh, Petenup jalan Tuhan ngan pepejek jalan Néh, ha' néh.

MATIUS 3:4

La'ah pakai Yohanes nah senuai jin bulun unta, ngan jeret é'éng néh kulit ka'an, éh penguman néh karah ngan nyak layuk.

LUKAS 1:16

Iah juk mihin kelunan Yahudi moléé' tavin Tuhan Allah kepéh, ke' réh ngelan tong Iah awah.

LUKAS 1:76

La'ah tong Ka'au' nak, pinaa' kelunan juk bara' ke' jah nabi Allah éh bau kekat ineu'-ineu' péh. Ka'au' éh tai tenah Tuhan dat ngan petenup kekat jalan Néh,

YOHANES 1:13

Bé' réh omok anak Allah neu' ineu'-ineu' éh neu' kelunan tong tana', bé' réh omok anak Allah barei' jah anak neu' tamen néh tong tana' iteu'. Allah éh maneu' réh anak Néh.

YOHANES 1:34

Pu'un ku' na'at éh kenat, inah akeu' bara' ngan keh kepéh la', adang iteu' Anak Allah mu'un, ha' Yohanes.

YOHANES 3:28

Ka'ah péh lepah menéng ha' ké' bara' ka', Bé' éh akeu' éh Kristus bang akeu' saa' tenah jin Iah.

PENGANEU' LAWAH 10:33

Inah akeu' nyohoo' kelunan tai tebai ke', jian éh uban ko' pu'un tuai. Hun iteu' pu'un améé' petipun siteu' tong ta'an Allah ke' mé' juk menéng kekat ha' éh sohoo' Tuhan benara' ko' ngan mé', ha' néh.

SURAT PAULUS NGAN SIDANG RUM 9:23

Inah kepéh Iah juk pepoléng pengaren Néh ngan uleu' éh penika Néh, inah éh ngan uleu' éh lepah kevéléé' Néh jin sahau.

KOLOSÉ 1:12

La'ah jian uleu' bara' jian kenin ngan murung kenin ngan Tamen lu', uban pu'un Iah peteneng kenin lu', dokoo' lu' omok alaa' kekat pengejian éh petenup Néh ngan kekat kelunan éh anah Néh tong retek éh rema.

2 TIMOTIUS 2:21

Uban néh kenat séé'-séé' éh peti'ai usah néh jin kekat éh sa'at iah éh omok penakai Tuhan maneu' kereja' éh jian, uban néh pu'un gunah ngan pengeja'au néh ke' néh omok pakai éh maneu' ineu'-ineu' kereja' éh jian.

1 PÉTERUS 2:9

Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.

1 YOHANES 2:28

O kekat anak ké', jian keh murip petem dalem Kristus, dokoo' tovoo' Iah pu'un tuai kepéh, uleu' omok makang kenin temeu' ngan Néh ngan bé' pu'un medai ngan menyaa'.

ÉH POLÉNG 20:4

La'ah ta'an ké' kepéh kuraa'-kuraa' nyun raja ngan irah éh menyun tong néh. Irah inah pu'un penyukat omok petuneng kelunan. La'ah ta'an ké' kepéh sahéé' irah éh penatai réh uban réh bara' tong pengelan réh tong Yésus ngan nebaraa' tong ha' tebaraa' Allah. Bé' irah inah seva' ka'an ngan butun éh pekua' layan ka'an inah, ngan bé' réh pakai tada' ka'an inah tong sela' ngan tong ojoo' réh. Pu'un réh murip kepéh ngan pu'un réh pengeja'au pemung ngan Kristus avéé' jah ibu ta'un kelebéé'.