LUKAS 1:15 - Rengah Jian

¹⁵ Inah kepéh anak inah iah éh ja'au ngaran tong ta'an Tuhan. La'ah mai éh mesep baa' agun ngan ineu' ineu' éh maneu' kelunan mavuk. Jin lohoo' néh Iah pu'un penoo' neu' Sahéé' Ni'ai.

LUKAS 1:15 Iomraidhean Croise

LUKAS 1:14

Hun iah pu'un adang ko' murung mu'un, kenat péh kelunan pinaa' kepéh.

LUKAS 7:28

La'ah ha' Yésus, Akeu' bara' ngan keh, bé' pu'un kelunan séé'-séé' tong tana' éh pelapah ja'au ngaran jin Yohanes Batis, bang na' péh kenat, belah kelunan éh lem nihau Allah, kelunan éh ra' mu'un inah éh pelapah ja'au jin Yohanes nah, ha' Yésus ngan réh.

LUKAS 7:33

Barei'-okoo' irah anak kenat nah ka'ah, uban hun Yohanes Batis tuai rai, ngelayau éh kelaset awah, ngan bé' éh mesep baa' agun, boh ka'ah bara' iah kelunan palui awah.

YOHANES 5:35

Yohanes nah, iah barei' jah lapung éh mahang ngan peséng jian, ngan kelebéé' néh pu'un kenat, ka'ah péh murung mokoo' tong nawa néh.

PENGANEU' LAWAH 2:4

La'ah Sahéé' Ni'ai penoo' lem kenin réh, ke' réh omok pané dalem kuraa'-kuraa' arong ha', pekua' Sahéé' nah maneu' irah pané.

GALATIA 1:15

Bang neu' penika Allah awah, Iah ngevéléé' akeu' hun ké' to lem boré tinen ké', ngan Iah tebai akeu' maneu' kereja' Néh.

ÉPESUS 5:18

Mai keh mesep baa' éh maneu' keh mavuk, uban jin penganeu' keh kenat, omok éh nasa' urip keh, bang jian keh penoo' neu' Sahéé' Ni'ai.