LUKAS 1:1 - Rengah Jian

¹ O Tiopilus, barei' éh kejam ko' pu'un kelunan nyurat tong kekat éh pu'un belah lu' rai.

LUKAS 1:1 Iomraidhean Croise

MARKUS 16:20

La'ah irah bakéh Yésus lakau semah-semah péh bara' Rengah Jian éh jin Allah ngan kelunan. Tuhan pu'un pemung ngan réh, ngan Iah pekelenaa' kekat ha' tebaraa' réh pu'un teneng neu' Iah mena' penyukat Néh ngan réh ke' réh maneu' kuraa'-kuraa' telana' éh ja'au.

YOHANES 20:31

Bang kekat éh senurat ké' iteu' pu'un ku' nyurat éh kenat dokoo' keh omok ngelan adang Yésus nah Iah éh Kristus éh Anak Allah mu'un, ngan hun ko' ngelan éh kenat, boh ke' omok alaa' urip lem ngaran Néh.

SURAT PAULUS NGAN SIDANG RUM 14:5

La'ah pu'un jelua' kelunan seruh jah dau pelapah jian jin jah dau éh jah, ngan pu'un jelua' kepéh éh seruh siget-siget dau nah pu'un éh pekua' awah. Tekep siget-siget usah seruh dalem kenin néh tengéé'.

SURAT PAULUS NGAN SIDANG RUM 4:21

uban iah ngelan mu'un omok Allah maneu' pekua' barei' ha' jajii' Néh inah.

KOLOSÉ 2:2

Pu'un ku' kereja' kenat dokoo' keh omok gahang kenin ngan pekua' kenin jah awah neu' penika keh ngan Allah. La'ah dokoo' keh omok jam mu'un tong Kristus ngan kekat kenin ngan pengejam keh, ngan jam tong pengeloo' kenin Allah éh pelim sahau rai bang hun iteu' pu'un éh pepoléng éh kepéh, inah éh Kristus.

KOLOSÉ 4:12

La'ah Epapras iah péh pemung tana' ngan ka'ah, ngan éh sohoo' Kristus Yésus, iah péh bara' tabi' ngan keh. Ngelayau iah gahang sebayang tong ka'ah dokoo' keh omok reken kenin ngan sukup kenin ngan jam seruh ngan ngelayau kivu pengeloo' Allah.

1 TESALONIKA 1:5

Uban Rengah Jian éh benara' mé' ngan keh rai, bé' améé' bara' éh pekua' ha' tosok éh kemalai kelunan awah, bang pu'un éh neu' penyukat Sahéé' Ni'ai, pah avéé' ka'ah péh jam kekat éh benara' mé' inah pu'un éh teneng mu'un. La'ah ka'ah jam tong pengurip améé' hun mé' pu'un mokoo' ngan ka'ah rai, pu'un urip mé' kenat uban mé' nolong ka'ah.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

2 TIMOTIUS 4:17

Bang Tuhan pu'un pemung ngan ké' ngan ngegahang ku', dokoo' ké' omok bara' Rengah Jian ngan kekat kelunan éh tengéé' pohoo', ngan pu'un éh ngelepu ku' jin ukum patai éh juk neu' réh tong ku'.

IBRANI 10:22

Uban néh kenat jian uleu' tuai tepih tong Allah ngan jah awah kenin ngan pengelan éh reken ngan kenin éh ni'ai éh bé' pu'un ineu' pesala' kenin lu' kepéh, ngan usah éh lepah nohéé' palaa' baa' éh ni'ai.

IBRANI 6:11

Améé' keloo' dokoo' siget usah jin belah ka'ah petem tigéh pah avéé' ga', dokoo' kekat ineu' ineu' éh kepelum keh omok nalaa' keh.