KOLOSÉ 4:3 - Rengah Jian

³ Jian keh ngelayau sebayang tong améé', menyat Allah mukap jalan ngan améé' ke' mé' omok perengah Rengah Jian Néh dokoo' bara' tong pengeloo' kenin Néh lem Kristus. Uban neu' Rengah Jian inah, kenat akeu' pu'un tong lamin tutup hun iteu'.

KOLOSÉ 4:3 Iomraidhean Croise

MATIUS 13:11

Ha' néh mipa réh, Ka'ah iteu' pu'un keh jam tong pengihau Allah, uban Allah éh mena' pengejam néh ngan keh, bang irah pinaa' nah bé' réh jam éh kenat.

PENGANEU' LAWAH 14:27

Hun Paulus rawah Barnabas avéé' tong Antiokia pu'un roh petipun ngan irah tong sidang inah, ke' roh bara' tong jalan Allah pu'un nolong roh, ngan mukap jalan ke' kelunan éh tengéé' pohoo' omok ngelan tong Yésus.

SURAT PAULUS NGAN SIDANG RUM 16:25

Jian lu' mejing Allah. Iah pu'un penyukat ngereken kenin ka'ah dalem pengelan keh tong Rengah Jian éh benara' ké' tong Yésus Kristus. Adang Tuhan juk purip ka'ah éh tengéé' pohoo'. Hun sahau rai bé' kelunan jam tong kenin Tuhan kenat uban néh pelim,

1 KORINTUS 16:9

uban na' péh pinaa' kelunan ngelawan siteu', pinaa' jalan ké' kepéh omok maneu' kereja' Tuhan siteu'.

1 KORINTUS 4:1

Tekep ka'ah seruh amo Apolos, kelunan éh kivu sohoo' Kristus awah. Kristus éh mena' ha' tebaraa' Néh ngan amo. Ha' tebaraa' iteu' pelim éh tong kelunan sahau rai, amo mihau éh ngan bara' éh ngan kelunan éh jah kepéh.

2 KORINTUS 2:12

La'ah tovoo' ké' avéé' tong Troas rai dokoo' ké' perengah Rengah Jian tong Kristus, kejam ké' Tuhan pu'un ngusii' kenin kuraa'-kuraa' kelunan sinah.

ÉPESUS 3:1

Uban néh kenat akeu' Paulus éh pu'un tong lamin tutup dalem pengeloo' Kristus Yésus uban kereja' ké' belah ka'ah éh tengéé' pohoo' jin améé'.

ÉPESUS 3:3

Pu'un Allah pepoléng kenin Néh ngan ké', éh pelim jin kelunan sahau, bang pu'un éh pepoléng éh hun iteu' kepéh. Pu'un ku' nyurat si'ik tong inah rai,

ÉPESUS 3:4

ngan hun keh purung éh, omok keh jam tong kenin Kristus.

ÉPESUS 3:9

La'ah Iah kejeraa' akeu' mihin kekat kelunan jam tong jalan éh petenup Néh tenéh ke' Néh omok kivu pengeloo' kenin Néh. La'ah Allah éh lepah suai kekat ineu'-ineu', nelim Néh pengeloo' kenin Néh jin kelunan sahau,

ÉPESUS 4:1

La'ah kenat péh jalan akeu' éh pu'un tong lamin tutup uban kereja' ké' ngan Tuhan, akeu' nyohoo' keh jian keh murip ngan barék keh pu'un jian ngan teneng pekua' ha' Tuhan ngan keh hun Néh tebai keh tavin Iah sahau rai.

PILIPI 1:19

Uban akeu' jam neu' ha' sebayang keh ngan neu' Sahéé' Yésus Kristus pu'un nolong akeu', adang akeu' omok pelepu jin lamin tutup iteu' kepéh.

PILIPI 1:7

Akeu' murung keh ngan nesen keh lem kenin ké'. Ka'ah béé pu'un nolong ku' lem kereja' ké' ngan Allah, jin ké' bé' jak tai lamin tutup ngan ké' nyakat tong kelunan éh juk kebéé Rengah Jian iteu', pah avéé' ké' pu'un lem lamin tutup nah péh.

KOLOSÉ 1:26

Uban jin sahau nah pu'un jah jalan éh juk neu' Allah bang pelim éh tong kelunan sahau nah. Bang hun iteu' kepéh Tuhan pepoléng éh ngan irah éh anah Nah kepéh.

KOLOSÉ 4:18

La'ah akeu' tengéé' nyurat ha' ké' iteu', Tabi' jin Paulus. Mai keh ngelepan akeu' pu'un kejeret réh tong lamin tutup iteu'. Jian penika Allah pu'un pemung ngan keh.

1 TESALONIKA 5:25

O kekat padéé' ké', jian keh sebayang tong améé'.

2 TIMOTIUS 1:16

Jian Tuhan masi kelunan tong lamin Onésiporus, uban pinaa' koléé' néh ngejian kenin ké' rai. Bé' iah menyaa' hun néh jam akeu' pu'un tong lamin tutup,

2 TIMOTIUS 2:9

La'ah uban akeu' pu'un bara' tong Rengah Jian nah, inah akeu' jam keta ngan kejeret réh tong lamin tutup, pekua' barei' kelunan éh maneu' penyala' mu'un. Bang ha' tebaraa' Tuhan bé' éh omok kejeret ngan tenutup réh.

2 TIMOTIUS 4:2

jian ke' bara' ha' tebaraa' Tuhan, mai ke' bé' bara' éh, kenat péh tovoo' sioo' jian, kenat péh tovoo' sioo' sa'at péh, dokoo' ko' mihin réh jam tong penyala' réh. Jian ke' petena' réh ngan ngereken kenin réh, jian ke' nebaraa' réh ngan dawai kenin ngan kebit kenin.

PILEMON 1:22

Jah pengenyat ké' kepéh, Jian ke' petenup jah lamin ngan ké', uban akeu' ngelan Tuhan omok mipa ha' sebayang ko' ngan kejeraa' akeu' moléé' kepéh ngan ko'.