KOLOSÉ 3:4 - Rengah Jian

⁴ Urip keh mu'un inah éh Kristus, ngan hun Iah pu'un poléng kepéh, ka'ah péh pu'un poléng pemung ngan Néh ngan tai pemung ngan Néh lem kekat pengaren Néh.

KOLOSÉ 3:4 Iomraidhean Croise

YOHANES 11:25

Ka' ha' Yésus ngan néh kepéh, Akeu' éh pebetéé' ngan purip kelunan, séé'-séé' éh ngelan tong Akeu', na' péh éh matai, omok éh murip kepéh.

1 YOHANES 3:2

O kekat padéé' éh kemurung ké', hun iteu' uleu' lepah paléu anak Allah, bang pengepaléu lu' kepéh vam, bé' lu' omok jam éh. Bang éh kejam lu' mu'un, inah éh, hun Kristus pu'un tuai kepéh uleu' omok paléu pekua' Iah, hun inah boh lu' na'at Iah ngan lenaa' mu'un.

GALATIA 2:20

La'ah urip ké' hun iteu' bé' éh anah ké' tengéé' kepéh, bang urip Kristus éh murip dalem akeu'. La'ah tong urip ké' hun iteu', akeu' murip neu' pengelan ké' tong Anak Allah, éh pika akeu' ngan éh mena' usah Néh uban akeu'.

1 PÉTERUS 1:13

Uban néh kenat jian keh ngelayau petenup, mavaa' mu'un-mu'un ngan pu'un pengepelum penoo' tong pengejian éh juk nena' ngan keh tovoo' Yésus Kristus tuai kepéh.

PILIPI 3:21

La'ah usah uleu' éh lemoo' ngan omok matai iteu', omok éh paléu pekua' usah Nah éh maren, naneu' penyukat Néh éh jalan Néh juk mihin ineu'-ineu' lem nihau Néh.

YOHANES 17:24

O Amam, Ka'au pu'un mena' irah ngan Ké', ngan Akeu' keloo' irah pu'un pemung ngan Ké' tong jalan Ké' pu'un, dokoo' irah omok jam pengaren Ké' éh nena' Ko' ngan Ké' uban pu'un Ke' murung Akeu' hun tana' iteu' bé' jak pu'un.

1 PÉTERUS 5:4

Hun Kristus Gembala éh pengeja'au kekat Gembala inah pu'un tuai kepéh, vam, ka'ah juk alaa' tapong éh maren ngan pelinguh.

1 YOHANES 2:28

O kekat anak ké', jian keh murip petem dalem Kristus, dokoo' tovoo' Iah pu'un tuai kepéh, uleu' omok makang kenin temeu' ngan Néh ngan bé' pu'un medai ngan menyaa'.

IBRANI 9:28

Kenat péh Kristus pu'un éh matai jah koléé' ke' néh mega' penyala' kekat kelunan. Pu'un éh juk poléng jah koléé' kepéh, bé' éh ke' Néh mega' penyala' kelunan bang dokoo' néh ngelepu kekat kelunan éh mena savéé' Néh.

ÉH POLÉNG 22:14

La'ah murung kenin irah éh poo' pakai réh ngan maneu' éh ni'ai. Irah omok kuman buaa' kayeu' éh mena' urip ngan kelunan, ngan omok masek lem leboo' inah jin usit néh.

1 KORINTUS 15:43

Hun néh tenanem réh, sa'at éh ngan lemoo' éh, hun néh betéé' kepéh, jian éh ngan gahang éh.

ÉH POLÉNG 22:1

La'ah meliket nah nojoo' baa' ja'au éh baa' éh purip kelunan, mening mu'un éh. Baa' inah musit jin nyun éh jalan Allah, ngan Anak Domba nah mokoo' ke' roh Raja.

YUDAS 1:24

Allah éh omok mihau keh dokoo' keh petem lem pengelan, ngan éh omok mihin keh tong jumen Néh éh Maren ngan murung kenin ngan bé' pu'un sala' ineu'-ineu'.

1 YOHANES 5:12

Séé'-séé' éh alaa' Anak Allah, iah alaa' urip inah; ngan séé'-séé' éh bé' alaa' Anak Allah iah bé' alaa' urip inah.

TITUS 2:13

Kelebéé' lu' mena tong Dau éh kenelan lu', hun pengaren Allah éh Matek ja'au ngan Yésus Kristus éh Pepurip lu' pu'un poléng kepéh.

MATIUS 13:43

Boh kelunan éh teneng kenin tong jumen Allah pu'un ngada barei' maten dau tong retek Allah Pengeja'au réh. Hun keh pu'un kelingen, jian keh menéng ngan nesen éh, ha' néh.

2 TIMOTIUS 4:8

Hun iteu', tapong pengeteneng nodoo' Tuhan ngan ké', Tong pengega' dau, Tuhan éh teneng mu'un petuneng juk mena' éh ngan ké', uban akeu' lepah murip kivu pengeloo' Néh. Bé' éh nena' Néh ngan ké' awah, bang Iah mena' éh ngan kekat kelunan éh mena savéé' Néh ngan murung kenin.

2 KORINTUS 4:17

Uban penusah ngan pengeketa lu' iteu', barei' si'ik awah éh ngan metok awah, pu'un éh mihin uleu' alaa' pengaren éh ja'au ngan éh pelinguh, éh pelapah ja'au kepéh jin kekat penusah lu'.

YOHANES 14:6

Yésus mipa éh, Akeu' iteu' éh jalan, ngan Akeu' iteu' éh teneng, ngan Akeu' iteu' éh urip, bé' pu'un séé'-séé' éh omok tavin Tamen Ké' hun néh bé' pu'un jalan Akeu'.

YOHANES 14:3

La'o Ké' tai petenup jalan ngan keh, boh Ku' tuai alaa' keh dokoo' keh omok pu'un pemung ngan Ké' sinah.

2 TIMOTIUS 1:1

Surat iteu' jin Paulus éh lawah Kristus Yésus dalem pengeloo' Allah, ngan éh senohoo' dokoo' bara' tong urip éh pejajii' Allah. Urip inah omok nalaa' lu' uban pemung ngan Kristus Yésus.

1 TESALONIKA 4:17

La'o inah uleu' éh to murip tong tana' iteu', netéé' Néh pemung ngan irah dalem avun dokoo' petemeu' ngan Tuhan tong sawang ngan uleu' juk pemung ngan Tuhan pelinguh-linguh.

1 KORINTUS 1:7

avéé' ka'ah bé' pu'un kurang dalem ineu'-ineu' pengena' Néh kelebéé' keh mena Tuhan Yésus Kristus tuai kepéh.

YOHANES 20:31

Bang kekat éh senurat ké' iteu' pu'un ku' nyurat éh kenat dokoo' keh omok ngelan adang Yésus nah Iah éh Kristus éh Anak Allah mu'un, ngan hun ko' ngelan éh kenat, boh ke' omok alaa' urip lem ngaran Néh.

ÉH POLÉNG 2:7

Hun ko' pu'un kelingen omok menéng, jian ke' menéng kekat ha' éh benara' Sahéé' Ni'ai ngan kekat sidang. Kekat irah éh nyopéé' kekat arong kesa'at, Akeu' kejeraa' réh kuman buaa' éh purip kelunan éh pu'un tong pulah Allah.

1 TIMOTIUS 6:14

Jian ke' kivu kekat sohoo' Tuhan, mihau éh mu'un, mai kejeraa' ineu'-ineu' ngepaléu kenin ko' pah avéé' Dau savéé' Tuhan lu' Yésus Kristus.

PENGANEU' LAWAH 3:15

Inah jalan keh mematai Iah éh nebu'un urip. Bang Allah pu'un pebetéé' Éh jin belah kelunan matai, améé' jam éh pu'un kenat mu'un uban maten mé' na'at Éh la'o Néh betéé' jin patai Néh.

LUKAS 17:30

Kenat péh éh pu'un sioo' savéé' Anak Kelunan tuai kepéh.

SURAT PAULUS NGAN SIDANG RUM 8:18

Hun ké' seruh tong kekat penusah éh teneng tong uleu' hun iteu', si'ik awah éh hun ké' seruh tong kekat kemurung lu' pemung ngan Tuhan, ngan na'at Éh dalem kekat pengaren Néh kepéh vam.

SURAT PAULUS NGAN SIDANG RUM 8:19

Kekat arong penyuai Tuhan mena hun mah savéé' dau Tuhan ke' Néh pepoléng irah éh anak Néh mu'un.