KOLOSÉ 3:1 - Rengah Jian

¹ Ka'ah pu'un betéé' murip pemung ngan Kristus, jian keh pitah kekat éh pu'un tong seruga éh jalan Kristus menyun saa' na'au' Allah.

KOLOSÉ 3:1 Iomraidhean Croise

MATIUS 22:44

Tuhan pu'un bara' ngan Tuhan ké': Jian ke' menyun saa' na'au' Ké' siteu', avéé' Ké' maneu' kekat ayau Ko' inah barei' lun gem Ko' awah, ha' Daud.

MATIUS 26:64

Ha' Yésus mipa éh, Kenat néh éh. Bang inah Akeu' bara' ngan kekat ka'ah béé, jin la'o iteu' ka'ah pu'un na'at Anak Kelunan mokoo' saa' na'au' Allah éh Ja'au Penyukat ngan na'at éh kepéh hun néh tuai lem avun jin seruga, ha' néh.

MATIUS 6:20

Bang jian keh modoo' pengekaya' keh tong seruga, boh éh bé' kinan lipah ngan tedéng, boh kelunan bé' omok ngerekah éh ngan nekau éh.

MATIUS 6:33

Bang éh bu'un néh jian keh seruh tong kekat jalan éh omok ngepayoo' kenin Tuhan, pitah pengeloo' Néh tenah, boh Iah mena' kekat inah ngan keh.

MARKUS 12:36

Uban Sahéé' Ni'ai ngusii' kenin Daud ke' néh bara' ka', Tuhan pu'un bara' ngan Tuhan ké', ka' ha' néh, Jian Ke' menyun saa' na'au' Ké' siteu', avéé' Ké' maneu' kekat ayau Ko' inah barei' lun gem Ko' awah, ha' néh.

MARKUS 14:62

Ka' ha' Yésus, Oo', Akeu' néh éh, ha' Néh, Adang ka'ah pu'un na'at Akeu' mokoo' saa' na'au' Allah kenajung pemung ngan Néh, ngan ka'ah na'at Akeu' hun ké' tuai kepéh lem avun jin seruga, ha' Néh.

MARKUS 16:19

Jin La'o Yésus pané ngan réh, iah netéé' tai seruga Iah menyun saa' na'au' Tuhan Allah.

LUKAS 12:33

Jian keh melih kekat livah keh, ngan kekat rigit éh nalaa' keh tong néh, jian keh mena' éh ngan kelunan kari. Jian keh alaa' bék éh bé' jam mupuk, inah éh pengekaya' tong seruga, pengekaya' inah bé' éh omok béé, uban kelunan nekau bé' éh omok tai sinah ngan nekau éh, kenat péh lipah, bé' éh omok kuman éh.

LUKAS 20:42

Uban dalem surat Masmur Daud pu'un bara' ka', Tuhan pu'un bara' ngan Tuhan ké', Ka' ha' néh, Jian ke' menyun saa' na'au' ké' siteu',

LUKAS 22:69

Jin la'o iteu' Anak Kelunan pu'un mokoo' saa' na'au' Allah éh matek bau, ha' Néh.

PENGANEU' LAWAH 2:34

Uban bé' éh Daud nah éh tai seruga, bang inah ha' éh benara' néh awah, ka' ha' néh, Tuhan pu'un bara' ngan Iah éh Tuhan ké', ka' ha' Tuhan ngan Néh, Jian ke' menyun saa' na'au' ké' siteu',

PENGANEU' LAWAH 7:55

Bang Stepanus éh penoo' neu' Sahéé' Ni'ai, iah na'at kebau ngan ta'an néh pengaren Allah, ngan ta'an néh Yésus éh nekedéng saa' na'au' Allah.

SURAT PAULUS NGAN SIDANG RUM 8:34

Hun néh kenat, bé' pu'un kelunan éh omok pesala' réh. Uban Kristus Yésus éh matai, éh mu'un néh Allah éh pebetéé' Éh jin patai Néh ngan pu'un Éh saa' na'au' Allah. Iah péh muruh sebayang uleu' ngan Allah.

SURAT PAULUS NGAN SIDANG RUM 8:6

Kelunan éh murip kivu kenin néh tengéé', kenin éh kenat mihin éh matai. Kelunan éh murip kivu tong sohoo' Sahéé' Ni'ai, ga' kelunan inah murip ngan pawah kenin.

2 KORINTUS 4:18

Uban bé' uleu' seruh tong kekat éh poléng ta'an lu' awah, bang pu'un lu' seruh tong kekat éh bé' poléng ta'an lu', uban kekat éh poléng ta'an lu' iteu', metok awah éh, bang kekat éh bé' poléng nah, inah éh pu'un pelinguh.

ÉPESUS 4:10

La'ah Iah éh lepah tuhun, Iah ke' éh lepah mukat pelapah bau kepéh jin langit, dokoo' Iah pengeja'au kekat ineu'-ineu' tong tana' ngan tong langit péh.

ÉPESUS 5:22

O kekat redo éh pu'un lakei', jian keh ngerera' tong lakei' keh barei' tong Tuhan.

KOLOSÉ 2:20

La'ah ka'ah lepah matai pemung ngan Kristus, ngan pu'un keh pelepu jin kamit kekat sahéé' éh pu'un tong tana' iteu'. Hun néh kenat uban ineu' keh murip barei' hun keh pu'un lem kamit néh keto. Uban ineu' keh to keto kivu sohoo' néh éh bara',

KOLOSÉ 3:2

Jian kekat éh pengeloo' kenin keh pu'un tong seruga, mai keh ja'au kenin tong kekat éh tong tana'.

IBRANI 1:13

La'ah bé' Allah pu'un bara' ka' ngan jah-jah meliket péh, Menyun ke' siteu' saa' na'au' Ké', avéé' Ké' maneu' kekat ayau Ko', barei' lun gem Ko' awah,

IBRANI 1:3

Pu'un éh pepoléng kekat pengaren ngan pengejian Allah uban Iah péh pekua' ngan Allah. Iah pu'un mihau kekat penyuai Néh tong tana' ngan tong langit palaa' ha' Néh éh pu'un penyukat. La'o Néh maneu' kelunan pelepu jin penyala', Iah menyun tong seruga saa' na'au' Allah Pengeja'au éh matek bau.

IBRANI 10:12

Bang jah koléé' awah Kristus matai mena' urip Néh ngan Allah ke' Néh mega' penyala' kelunan, pengena' Néh inah pu'un penyukat mega' penyala' avéé' pelinguh. La'o inah Iah menyun saa' na'au' Allah.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

IBRANI 8:1

Iteu' néh éh gunah jin iteu' éh benara' mé'. Uleu' pu'un Imam éh pengeja'au kekat imam lu'; Iah menyun saa' na'au' nyun Allah éh matek Ja'au tong seruga.

1 PÉTERUS 3:22

éh lepah moléé' tai seruga ngan kenajung saa' na'au' Allah, ngan pengeja'au kekat meliket ngan kekat éh pu'un penyukat ngan éh ja'au tong seruga.