KOLOSÉ 2:4 - Rengah Jian

⁴ Akeu' bara' kenat dai séé'-séé' péh petawang keh neu' néh pané menat-menat kenin keh.

KOLOSÉ 2:4 Iomraidhean Croise

MATIUS 24:24

Uban pu'un kuraa'-kuraa' kelunan juk tuai éh bara' éh Kristus, bang bé' éh kenat. Kenat péh tong kelunan éh nabi, adang pu'un kuraa'-kuraa' usah réh éh bara' réh nabi Tuhan, bang bé' éh kenat. Kenat péh omok réh maneu' kuraa' telana' éh tejeu' éh ngebéé kenin kelunan ke' réh ngelavo' kelunan éh kevéléé' Allah.

MATIUS 24:4

Ha' Yésus mipa réh, Mavaa' keh jian-jian dai kelunan petawang keh.

MARKUS 13:22

Adang pu'un kuraa'-kuraa' kelunan tuai éh bara' réh Kristus, bang bé' éh Kristus. Kenat péh tong kelunan éh bara' ha' Tuhan, adang pu'un kuraa'-kuraa' usah réh éh bara' réh tuai sohoo' Tuhan ke' réh nebaraa' kelunan, bang bé' éh sohoo' Tuhan kenat. Kenat péh omok réh maneu' kuraa' telana' éh ja'au éh ngebéé kenin kelunan ke' sadat lavo' awah, hun néh omok pah avéé' kelunan éh kevéléé' Tuhan péh juk kelavo' réh.

PENGANEU' LAWAH 20:30

La'ah jin belah ka'ah ke' pu'un kuraa' kelunan juk betéé' nalau keh jin ha' tebaraa' éh teneng, ke' réh pepetat kelunan éh ngelan tong Tuhan jin pengelan réh ke' réh kivu irah kepéh.

1 KORINTUS 2:4

La'ah ha' tosok ké' ngan ha' tebaraa' ké' inah rai, bé' éh barei' ha' tebaraa' kelunan éh jam seruh, éh pinaa' arong pengejam, bang pu'un éh neu' penyukat Sahéé' Allah. Ke' ka'ah omok ngelan.

2 KORINTUS 11:3

Bang medai ku' dai kekat penyeruh keh pu'un sa'at, avéé' keh bet Kristus barei' Awa' éh lavo' neu' kekat aken torok éh ngelavo' éh.

GALATIA 2:4

Na' péh pu'un jelua' keloo' éh kenat, irah inah kelunan éh selim masek ngan améé' ngan ngelayoo' awah pepadéé' dalem Tuhan, irah pu'un tuai dokoo' réh omok ngedalem uban ineu' améé' bé' pu'un kivu kekat-kekat adet réh, ngan naneu' ineu' améé' pu'un pemung ngan Kristus. Irah maneu' kenat ke' réh juk ngeripen mé' tong adet réh kepéh.

ÉPESUS 4:14

Hun lu' pu'un kenat bé' lu' barei' anak éh bé' jam seruh, bé' lu' duah kenin keteu'-ketai barei' lipak, ngan bé' lu' palit neu' kekat kepu, inah éh ha' tebaraa' éh benara' kelunan éh ngelavo' irah éh jah ke' néh petawang réh neu' aken kenin néh éh kenyo.

ÉPESUS 4:17

Dalem ngaran Tuhan inah éh sohoo' ké' ngan keh. Mai la'ah keh murip barei' kelunan éh bé' ngelan tong Tuhan,

ÉPESUS 5:6

Mai keh kejeraa' séé'-séé' péh pané ngelavo' keh, uban inah omok pesavéé' kemerek Allah neu' réh bé' tigéh kivu sohoo' Néh.

KOLOSÉ 2:18

Mai keh kejeraa' usah keh kelavo' kelunan éh ngelayoo' diva' kenin ngan éh seva' meliket. Uban kelunan éh kenat bau kenin réh uban penyeruh réh jin tana' iteu' awah, Kenat péh irah ngajung usah réh uban réh na'at Kuraa'-kuraa' éh ta'an réh.

KOLOSÉ 2:8

Mavaa' keh jian-jian dai kelunan mejeu keh neu' kuraa'-kuraa' arong ha' tebaraa' éh sala', éh kenyo ngan ngelavo' keh awah. Tebaraa' inah bé' éh jin Kristus bang jin kenin kelunan awah kenat péh tebaraa' inah jin pengejam utek néh awah, bé' éh jin penyukat Tuhan.

2 TIMOTIUS 2:16

Piso ke' jin ha' tosok kelunan éh bé' pu'un gunah ngan éh ngesa'at Allah. Ha' tosok éh kenat maneu' kelunan makin juu' jin Allah.

2 TIMOTIUS 3:13

Kelunan sa'at ngan éh ngelavo' adang makin sa'at kepéh, Irah ngelavo' kelunan éh jah, semu'un néh irah tengéé' péh pu'un kelavo'.

1 YOHANES 2:18

O kekat anak ké' sioo' pengega' dau lepah danii'. Pu'un keh lepah menéng rengah ayau Kristus juk tuai, hun iteu' pinaa' kelunan éh ayau Kristus lepah musit, inah jalan uleu' omok jam sioo' pengega' dau lepah danii'.

1 YOHANES 2:26

Pu'un ku' nyurat kenat ngan keh bara' tong irah éh juk ngelavo' keh.

1 YOHANES 4:1

O kekat padéé' ké' éh kemurung ké', mai keh ulak ngelan ha' kelunan éh bara' iah pu'un Sahéé' Ni'ai, jian keh ngelenaa' réh dokoo' keh omok jam éh hun sahéé' inah pu'un jin Allah ngan hun néh bé' péh. Uban pinaa' kelunan éh ngelavo' lepah tai semah-semah péh.

2 YOHANES 1:7

Uban pinaa' kelunan éh ngelavo' lepah tai pah tipo tana'. Bé' irah keloo' bara' Yésus Kristus pu'un tuai tong tana' ngan paléu kelunan. Kelunan éh kenat ngelavo' awah ngan ayau Kristus.

ÉH POLÉNG 12:9

Berungan ja'au nah nebet jin seruga. Inah éh torok éh sahau éh ngaran néh Iblis ngan Sitan, éh ngelavo' kekat kelunan pah tipo tana'. Iah pu'un nebet tai tana' pemung ngan kekat meliket néh.

ÉH POLÉNG 13:8

Kekat kelunan éh murip tong tana' seva' ka'an inah, bang irah éh ngaran réh senurat lem surat irah éh alaa' urip bé' seva' éh. Kekat ngaran inah pu'un senurat tenéh bé' jak tana' iteu' senuai, ngan surat inah pu'un ngan Anak Domba éh lepah penatai.

ÉH POLÉNG 20:3

Meliket nah bet éh lem luvang tana' éh dilem nah, ngan tutup éh ngan ngusii' éh ke' néh bé' omok ngelavo' kekat arong kelunan kepéh, avéé' jah ibu ta'un nah béé. La'o inah boh éh pelepu metok awah.

ÉH POLÉNG 20:8

Ke' néh tai ngelavo' kuraa' arong kelunan pah tipo tana', inah éh Gog ngan Magog. Tovoo' inah pu'un Sitan mihin réh pemung ke' réh pekayau, pinaa' mu'un réh pekua' kekat napun tong baa' banget.