KOLOSÉ 2:2 - Rengah Jian

² Pu'un ku' kereja' kenat dokoo' keh omok gahang kenin ngan pekua' kenin jah awah neu' penika keh ngan Allah. La'ah dokoo' keh omok jam mu'un tong Kristus ngan kekat kenin ngan pengejam keh, ngan jam tong pengeloo' kenin Allah éh pelim sahau rai bang hun iteu' pu'un éh pepoléng éh kepéh, inah éh Kristus.

KOLOSÉ 2:2 Iomraidhean Croise

MATIUS 11:25

La'ah tovoo' inah Yésus sebayang, ka' ha' néh, O Amam, éh Tuhan tong langit ngan tong tana' péh, Akeu' bara' jian kenin ngan Ko' uban kekat éh nelim Ko' jin irah éh pu'un pengejam, pu'un Ke' pepoléng éh ngan irah éh bé' jam seruh éh barei' anak awah.

MATIUS 11:27

La'ah ha' Yésus kepéh, Pu'un Tamen Ké' lepah mena' kekat ineu'-ineu' ngan Ké'. Bé' pu'un séé'-séé' éh jam Akeu' éh Anak Néh, bang Tamen Ké' awah éh jam Akeu' Anak néh. Ngan bé' pu'un séé'-séé' éh jam Tamen Ké', bang Akeu' éh Anak Néh awah éh jam éh, ngan irah éh jah éh keneloo' Ké' pepoléng éh ngan réh, irah awah éh jam éh, ha' néh.

MATIUS 13:11

Ha' néh mipa réh, Ka'ah iteu' pu'un keh jam tong pengihau Allah, uban Allah éh mena' pengejam néh ngan keh, bang irah pinaa' nah bé' réh jam éh kenat.

LUKAS 1:1

O Tiopilus, barei' éh kejam ko' pu'un kelunan nyurat tong kekat éh pu'un belah lu' rai.

YOHANES 10:30

Tamen Ké' ngan Akeu' péh jah awah kenin, ha' Néh ngan réh.

YOHANES 10:38

bang hun néh pu'un, na' péh ka'ah bé' keloo' ngelan tong ha' Ké', jian keh ngelan éh ta'an keh tong kereja' Ké', dokoo' keh omok jam adang Tamen Ké' pu'un dalem Akeu' ngan Akeu' péh pu'un dalem Tamen Ké', ha' Néh.

YOHANES 16:15

Kekat éh anah Tamen Ké', anah Ké' ke' éh, kenat péh ha' Ké' bara' Sahéé' pu'un alaa' éh jin Akeu' ke' Néh bara' éh ngan keh kepéh, ha' Néh.

YOHANES 17:3

La'ah urip éh pelinguh, inah éh, hun kelunan jam jah Ka'au awah néh Allah éh mu'un, ngan hun réh jam Yésus Kristus éh senohoo' Ko' tuai nah.

YOHANES 5:17

Boh Yésus pané kepéh ngan réh, ka' ha' Néh, Tamen Ké' bé' éh posot jin kekat penganeu' Néh, kenat péh Akeu', ha' Néh.

YOHANES 5:23

Pu'un Éh maneu' kenat dokoo' kekat kelunan omok ngajung Akeu' éh Anak Néh, pekua' irah ngajung Tamen Ké'. Séé'-séé' éh bé' ngajung Akeu' éh Anak Néh, bé' éh ngajung Tamen Ké' éh nyohoo' Akeu' tuai, ha' Néh.

YOHANES 6:69

Ngan améé' jam ngan améé' ngelan, adang Ka'au Anak Allah, ha' Péterus.

PENGANEU' LAWAH 4:32

La'ah kekat kelunan éh ngelan pu'un réh pata pekua' kenin béé. Bé' pu'un jah usah éh bara' livah néh éh anah nah ke' tengéé', bang pu'un réh petulat ineu'-ineu' éh pu'un tong réh belah irah ke'.

SURAT PAULUS NGAN SIDANG RUM 15:13

Jian Allah éh kenelan lu', pepenoo' kenin ka'ah ngan kekat kemurung Néh ngan pengepawah Néh, neu' pengelan keh tong Iah, dokoo' ka'ah omok pepit dalem pengelan keh neu' penyukat Sahéé' Ni'ai.

SURAT PAULUS NGAN SIDANG RUM 16:25

Jian lu' mejing Allah. Iah pu'un penyukat ngereken kenin ka'ah dalem pengelan keh tong Rengah Jian éh benara' ké' tong Yésus Kristus. Adang Tuhan juk purip ka'ah éh tengéé' pohoo'. Hun sahau rai bé' kelunan jam tong kenin Tuhan kenat uban néh pelim,

SURAT PAULUS NGAN SIDANG RUM 2:4

Kineu', leko ke' tong penika néh éh ja'au ngan pengasi néh ngan tong néh kebit kenin ngan ko'? Kineu', nebet ko' awah penika Néh? Bé' ke' jam uban Allah pika ke' inah Iah juk mihin ke' moléé' kenin kepéh?

1 KORINTUS 14:31

Kekat ka'ah béé omok bara' ha' tebaraa' Allah ngan keliwah-liwah dokoo' kekat kelunan omok menéng ngan pekalai ngan ngereken kenin néh.

1 KORINTUS 2:12

Bé' Tuhan mena' pengejam éh jin tana' iteu' ngan lu', bang Iah mena' Sahéé' Allah nah ngan lu', dokoo' lu' omok nesen tong kekat pengena' Allah ngan lu'.

GALATIA 3:28

Kenat péh hun iteu', ka'ah béé-béé pu'un jah awah dalem Kristus Yésus. Bé' pu'un kelunan Yahudi ngan irah éh tengéé' pohoo' kepéh, kenat péh bé' pu'un kelunan ripen ngan kelunan éh bé' ripen, bé' éh tengéé' irah lakei' ngan tengéé' irah redo, ka'ah béé jah awah neu' pengelan keh tong Kristus Yésus.

ÉPESUS 1:7

Uban neu' dahaa' Kristus, uleu' pu'un pelepu, inah éh, penyala' lu' pu'un pega'. Iah maneu' kenat uban ja'au mu'un penika Allah ngan lu', pelapah ja'au jin éh omok benara' lu'.

ÉPESUS 3:16

Matek ja'au mu'un pengemaren Allah, uban néh kenat akeu' sebayang menyat éh ngegahang kenin keh neu' penyukat Sahéé' Ni'ai pekua' ke ja'au pengaren Néh éh ja'au nah. Akeu' sebayang kenat dokoo' Kristus omok mokoo' lem kenin keh neu' pengelan keh tong Iah.

ÉPESUS 3:3

Pu'un Allah pepoléng kenin Néh ngan ké', éh pelim jin kelunan sahau, bang pu'un éh pepoléng éh hun iteu' kepéh. Pu'un ku' nyurat si'ik tong inah rai,

ÉPESUS 6:22

Inah akeu' nyohoo' iah tai tavin keh, dokoo' néh omok bara' rengah mé' ngan keh ngan ngegahang kenin keh.

PILIPI 2:1

Hun néh lem urip keh lem Kristus penika Néh pu'un penyukat maneu' keh pekua' kenin, ngan hun keh pu'un alaa' Sahéé' Ni'ai ngan hun néh urip keh inah mihin keh pepika ngan petolong, hun néh pu'un éh kenat mu'un,

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

KOLOSÉ 1:26

Uban jin sahau nah pu'un jah jalan éh juk neu' Allah bang pelim éh tong kelunan sahau nah. Bang hun iteu' kepéh Tuhan pepoléng éh ngan irah éh anah Nah kepéh.

KOLOSÉ 1:27

La'ah jian mu'un éh kivu pengeloo' Néh pu'un Éh petenup éh ngan kekat arong kelunan, bé' makat ngan pohoo' Yahudi awah. Éh pelim jin irah sahau, inah éh Kristus pu'un dalem ka'ah ngan hun Néh pu'un dalem keh kenat adang kelunan ngelan keh pu'un pemung ngan Allah lem kekat pengaren Néh.

KOLOSÉ 1:9

Uban néh kenat améé' ngelayau sebayang tong ka'ah. Pu'un mé' sebayang kenat jin bu'un mé' menéng rengah keh. Améé' menyat Tuhan nolong keh dokoo' keh omok jam mu'un tong pengeloo' Néh ngan jam seruh ngan nesen mu'un uban Sahéé' Tuhan pekelenaa' pengeloo' Néh ngan keh.

KOLOSÉ 2:19

Iah bé' la'ah ngepelum tong Kristus éh ulun sidang, inah éh Usah Néh. Uban lem Kristus Ketem lo'ong Usah pu'un nihau Néh ngan pu'un petok pemung neu' bukun tulang ngan keluhat, ngan pepit Kepéh barei' éh pengeloo' Allah.

KOLOSÉ 3:14

La'ah pemung ngan kekat inah jian keh pepit penika keh kepéh, uban penika nah, inah jalan omok memikah keh pemung.

KOLOSÉ 4:3

Jian keh ngelayau sebayang tong améé', menyat Allah mukap jalan ngan améé' ke' mé' omok perengah Rengah Jian Néh dokoo' bara' tong pengeloo' kenin Néh lem Kristus. Uban neu' Rengah Jian inah, kenat akeu' pu'un tong lamin tutup hun iteu'.

KOLOSÉ 4:8

Uban Kenat akeu' nyohoo' iah tai ngan keh dokoo' néh omok ngejian kenin keh.

1 TESALONIKA 1:5

Uban Rengah Jian éh benara' mé' ngan keh rai, bé' améé' bara' éh pekua' ha' tosok éh kemalai kelunan awah, bang pu'un éh neu' penyukat Sahéé' Ni'ai, pah avéé' ka'ah péh jam kekat éh benara' mé' inah pu'un éh teneng mu'un. La'ah ka'ah jam tong pengurip améé' hun mé' pu'un mokoo' ngan ka'ah rai, pu'un urip mé' kenat uban mé' nolong ka'ah.

1 TESALONIKA 3:2

ngan nyohoo' Timotius tai tavin ka'ah, iah éh padéé' lu' dalem Tuhan éh pemung kereja' ngan mé' dalem kereja' Allah perengah Rengah Jian tong Kristus. Améé' nyohoo' iah tai ke' néh ngegahang kenin keh ngan ngereken pengelan keh,

1 TESALONIKA 5:14

O kekat padéé' ké', améé' nyohoo' ka'ah petena' kelunan éh leko kereja', ngegahang kenin kelunan éh medai, nolong kelunan éh tekep tenolong, kebit kenin ngan kekat kelunan béé.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

IBRANI 10:22

Uban néh kenat jian uleu' tuai tepih tong Allah ngan jah awah kenin ngan pengelan éh reken ngan kenin éh ni'ai éh bé' pu'un ineu' pesala' kenin lu' kepéh, ngan usah éh lepah nohéé' palaa' baa' éh ni'ai.

IBRANI 6:11

Améé' keloo' dokoo' siget usah jin belah ka'ah petem tigéh pah avéé' ga', dokoo' kekat ineu' ineu' éh kepelum keh omok nalaa' keh.

2 PÉTERUS 1:10

Uban néh kenat o kekat padéé' ké', jian keh mekat pekalai dokoo' pekelenaa', ka'ah éh tenebai Allah ngan éh kevéléé' Néh. Hun keh maneu' kenat, bé' keh peleraa' jin pengelan keh kepéh.

2 PÉTERUS 1:3

Naneu' penyukat Néh éh nena' Allah ngan lu' pu'un Iah mena' kekat éh tekep tong urip uleu' éh ni'ai, dokoo' urip lu' omok jian barei' éh tekep ngan kelunan éh ngelan Tuhan. Uleu' omok murip jian kenat neu' pengejam lu' tong Allah éh tebai lu' tai pemung ngan Néh dalem kekat pengaren ngan pengejian Néh.

2 PÉTERUS 3:18

Tekep ka'ah pepit lem penika Yésus Kristus. Tuhan ngan Éh purip lu' ngan tekep ka'ah péh pepit kepéh jam tong Iah. Jian uleu' mejing ngan peparen Kristus, hun iteu' ngan kelebéé'-lebéé' néh. Amin.

1 YOHANES 3:19

Inah jalan uleu' jam uleu' anak-anak Allah éh teneng ngan kenin lu' pu'un pawah tong jumen Allah.

1 YOHANES 5:7

Teleu' telana' inah pekelenaa' adang Yésus Anak Allah.