KOLOSÉ 1:9 - Rengah Jian

⁹ Uban néh kenat améé' ngelayau sebayang tong ka'ah. Pu'un mé' sebayang kenat jin bu'un mé' menéng rengah keh. Améé' menyat Tuhan nolong keh dokoo' keh omok jam mu'un tong pengeloo' Néh ngan jam seruh ngan nesen mu'un uban Sahéé' Tuhan pekelenaa' pengeloo' Néh ngan keh.

KOLOSÉ 1:9 Iomraidhean Croise

YOHANES 7:17

Séé'-séé' éh keloo' maneu' kekat pengeloo' Allah, omok éh jam kekat ha' tebaraa' Ké' inah pu'un éh jin Allah, bé' Ku' bara' éh kivu kenin Ké' tengéé' awah.

PENGANEU' LAWAH 12:5

Uban kenat péh Péterus pu'un tong lamin tutup, bang irah sidang gahang mu'un réh sebayang ngan Allah tong néh.

SURAT PAULUS NGAN SIDANG RUM 12:2

Mai keh kivu barék kelunan éh bé' ngelan tong Tuhan, bang jian keh kejeraa' Allah ngepaléu kenin keh mu'un neu' Iah ngepaléu kekat penyeruh keh tong éh sa'at rai. Boh keh omok jam tong pengeloo' Allah ngan jam tong kekat éh jian ngan éh ngepayoo' kenin Néh ngan sukup mu'un.

1 KORINTUS 1:5

Uban neu' keh petem dalem Tuhan, ka'ah kaya' lem kekat urip keh, inah ka'ah pu'un penoo' neu' pengejam, kenat péh lem pengané keh, kenat péh lem ha' tebaraa' keh.

ÉPESUS 1:8

Uban dalem pengejam ngan pengeloo' kenin Néh tengéé', Iah kivu kenin Néh,

ÉPESUS 5:10

Jian keh tutui maneu' kekat éh ngepayoo' kenin Tuhan.

ÉPESUS 5:17

Mai keh barei' gaya' kelunan éh bé' jam seruh, bang jian keh pitah éh pengeloo' Tuhan ngan keh.

ÉPESUS 6:6

Jian keh ngelayau maneu' kenat, bé' makat hun néh ta'an réh awah dokoo' ngepayoo' kenin réh, bang ngan kekat kenin keh jian keh maneu' pengeloo' Tuhan barei' kelunan éh ripen Kristus.

PILIPI 1:4

Kenat péh siget koléé' hun ké' sebayang tong ka'ah pu'un ku' sebayang ngan jian kenin.

KOLOSÉ 1:6

La'ah Rengah Jian inah pu'un éh mihin kuraa'-kuraa' kelunan jian kenin ngan pu'un éh avéé' tong kuraa'-kuraa' kelunan pah tipo tana', barei' éh pu'un belah ka'ah jin dau bu'un keh menéng tong penika Allah ngan nesen éh lem kenin keh kepéh.

KOLOSÉ 3:16

Jian kekat tebaraa' Kristus dalem kekat kejian néh pu'un petem dalem kenin keh. Jian keh kua' petebaraa' ngan petesen siget-siget usah pah terah kekat pengejam keh. Jian keh nyanyi ha' nyanyi jin surat Masmur, nyanyi mejing Tuhan, ngan nyanyi éh ni'ai. Nyanyi mejing Tuhan Allah, bara' jian kenin keh ngan Néh.

KOLOSÉ 4:12

La'ah Epapras iah péh pemung tana' ngan ka'ah, ngan éh sohoo' Kristus Yésus, iah péh bara' tabi' ngan keh. Ngelayau iah gahang sebayang tong ka'ah dokoo' keh omok reken kenin ngan sukup kenin ngan jam seruh ngan ngelayau kivu pengeloo' Allah.

KOLOSÉ 4:5

Jian keh jam seruh dalem kekat penganeu' ngan barék keh belah kelunan éh bé' ngelan, ngan pakai kekat bi'en éh pu'un ngan jian-jian.

1 TESALONIKA 1:3

Hun mah améé' sebayang tong jumen Allah éh Tamen lu', ngelayau améé' seruh tong kekat kereja' keh ngan pengelan keh tong Tuhan, ngan tong keh kereja' muruh naneu' penika keh ngan Tuhan, ngan tong keh ngelan mu'un adang Tuhan Yésus Kristus juk tuai kepéh.

1 TESALONIKA 5:17

ngan ngelayau sebayang,

2 TESALONIKA 1:11

Uban néh kenat ngelayau mé' sebayang tong keh. Améé' menyat Allah éh kenelan mé', maneu' keh omok murip ngan barék éh jian pekua' éh tekep tong tenebai Néh ngan keh. La'ah neu' penyukat Tuhan, jian Iah pesukup pengeloo' keh tong kekat éh jian, ngan pesukup kekat kereja' keh éh neu' pengelan keh.

PILEMON 1:4

O padéé' ké', siget koléé' ké' sebayang, akeu' mateng ke' lem sebayang ké', ngan bara' jian kenin ngan Allah.

PILEMON 1:6

Akeu' sebayang dokoo' neu' lu' pu'un pekua' kenin lem pengelan lu' tong Kristus, ka'au' omok pepit dalem kekat pengejam ko' tong kekat pengejian éh anah uleu' neu' urip lu' lem Kristus.

IBRANI 10:36

Jian keh kebit kenin dokoo' keh omok maneu' pengeloo' Allah, boh keh omok alaa' kekat éh pejajii' Néh.

IBRANI 13:21

Jian Allah inan pengepawah inah pesukup kekat pengejian Néh ngan keh dokoo' keh omok maneu' pengeloo' Néh. Dokoo' jin Yésus Kristus Allah maneu' kekat ineu' éh keneloo' Néh dalem urip lu'. Jian Kristus pu'un peparen avéé' kelebéé' lebéé' néh! Amin.

YAKUB 1:5

Hun pu'un séé'-séé' jin belah ka'ah éh bé' pu'un pengejam, jian iah sebayang ngan Allah dokoo' Allah mena' pengejam seruh ngan néh; uban Allah mena' éh ngan lumang kenin ngan murung kenin ngan siget kelunan.

YAKUB 3:17

Bang kelunan éh pu'un pengejam éh tuai jin seruga pu'un éh mihin kelunan murip ni'ai, pawah, dawai kenin, ngan jian pengané. Irah pu'un pika kelunan ngan kivu kekat arong penganeu' éh jian bé' réh netah ngan ngelayoo' awah maneu' jian.

1 PÉTERUS 2:15

Uban inah éh pengeloo' Allah hun keh maneu' kekat barék éh jian, inah jalan keh mapat kelunan éh pané éh pesala' keh awah.

1 PÉTERUS 4:2

Kelebéé' keh murip keto tong tana', jian keh murip kivu pengeloo' Allah, mai keh murip kivu pengagat usah keh awah.

1 YOHANES 2:17

Tana' iteu' ngan kekat éh pu'un tong tana' iteu', éh kenelih kelunan bé' éh pelinguh. Bang kelunan éh maneu' pengeloo' Allah, omok murip pelinguh-linguh.

1 YOHANES 5:20

La'ah uleu' jam Anak Allah pu'un tuai, Iah mena' pengejam Néh ngan lu', dokoo' lu' jam Allah éh teneng. Urip lu' pu'un éh dalem Allah éh teneng ngan dalem Anak Néh Yésus Kristus. Inah éh Allah éh teneng ngan urip éh mu'un ngan pelinguh.