KOLOSÉ 1:4 - Rengah Jian

⁴ Uban pu'un mé' menéng rengah tong pengelan keh tong Kristus Yésus ngan tong penika keh ngan kekat kelunan éh anah Tuhan.

KOLOSÉ 1:4 Iomraidhean Croise

2 KORINTUS 7:7

bé' éh uban penyavéé' néh awah, bang neu' ha' néh bara' ka'ah pu'un ngegahang iah rai, inah éh ngegahang kenin améé' kepéh. Pu'un iah bara' ka'ah gahang kenin juk temeu' ngan ké', ngan tong keh pika akeu' ngan nyakat tong kelunan séé'-séé' éh pesala' akeu', inah maneu' akeu' pelapah murung kenin kepéh.

GALATIA 3:26

Uban neu' pengelan keh tong Kristus, ka'ah béé péh anak Allah, uban keh pu'un pemung ngan Kristus Yésus.

GALATIA 3:28

Kenat péh hun iteu', ka'ah béé-béé pu'un jah awah dalem Kristus Yésus. Bé' pu'un kelunan Yahudi ngan irah éh tengéé' pohoo' kepéh, kenat péh bé' pu'un kelunan ripen ngan kelunan éh bé' ripen, bé' éh tengéé' irah lakei' ngan tengéé' irah redo, ka'ah béé jah awah neu' pengelan keh tong Kristus Yésus.

GALATIA 5:6

Uban hun lu' pu'un petem lem Kristus Yésus, pesunat ngan bé' pesunat péh, bé' éh ineu', bang inah awah éh pu'un gunah, pengelan lu' tong Yésus éh pu'un neu' penika Néh.

ÉPESUS 1:15

Uban néh kenat jin bu'un ké' menéng rengah tong pengelan keh tong Tuhan Yésus, ngan penika keh ngan kekat kelunan éh anah Allah,

ÉPESUS 6:18

Pakai kekat inah béé ngan sebayang menyat Tuhan nolong keh. Ngelayau sebayang kivu pengeloo' Sahéé'. Jian keh mavaa' mu'un, mai keh putui pengelan bang jian keh ngelayau sebayang tong kekat kelunan éh anah Allah.

KOLOSÉ 1:9

Uban néh kenat améé' ngelayau sebayang tong ka'ah. Pu'un mé' sebayang kenat jin bu'un mé' menéng rengah keh. Améé' menyat Tuhan nolong keh dokoo' keh omok jam mu'un tong pengeloo' Néh ngan jam seruh ngan nesen mu'un uban Sahéé' Tuhan pekelenaa' pengeloo' Néh ngan keh.

1 TESALONIKA 1:3

Hun mah améé' sebayang tong jumen Allah éh Tamen lu', ngelayau améé' seruh tong kekat kereja' keh ngan pengelan keh tong Tuhan, ngan tong keh kereja' muruh naneu' penika keh ngan Tuhan, ngan tong keh ngelan mu'un adang Tuhan Yésus Kristus juk tuai kepéh.

1 TESALONIKA 3:6

Hun iteu' Timotius lepah moléé' ngan iah mihin Rengah Jian tong Ka'ah to ke' ngelan tong Kristus ngan ka'ah kua' pepika. Iah bara' ngan améé' ka'ah ngelayau murung, siget koléé' keh seruh améé' ngan ka'ah tawai kenin juk temeu' ngan améé', pekua' améé' juk temeu' ngan ka'ah.

2 TESALONIKA 1:3

O kekat padéé' ké', tekep améé' ngelayau bara' jian kenin ngan Allah uban pengelan keh tong Kristus pu'un éh pepit-pepit, ngan penika keh ngan pesiget-siget ka'ah ke' pu'un éh pepit mu'un.

PILEMON 1:5

Uban pu'un ku' menéng rengah tong penika ko' ngan kekat kelunan éh anah Tuhan ngan tong pengelan ko' tong Tuhan Yésus.

IBRANI 6:10

Allah nah bé' éh bé' teneng. Iah bé' ngelepan ineu' éh lepah neu' keh ngan Néh kenat péh penika keh éh pepoléng keh ngan Néh hun keh nolong irah éh ngelan tong Tuhan lepah rai kenat pu'un avéé' hun iteu'.

1 YOHANES 3:14

Uleu' jam uleu' murip ngan lepah piso jin jalan éh mihin lu' matai. Uban lu' pika kekat padéé' lu'. Séé-séé éh bé' pika padéé néh, to de' ke' éh tong jalan éh mihin éh matai.

1 YOHANES 3:23

La'ah iteu' éh sohoo' Néh, jian uleu' ngelan tong Anak Néh Yésus Kristus ngan kua' pepika, pekua' sohoo' Kristus ngan lu'.

1 YOHANES 4:16

uleu' tengéé' jam ngan lenaa' mu'un tong Allah pu'un pika uleu'. Allah inah inan penika ngan séé-séé éh petem pika kelunan éh jah Iah pu'un petem dalem Allah ngan Allah pu'un petem dalem iah.