IBRANI 8:5 - Rengah Jian

⁵ Kekat penganeu' réh tong tana' pu'un éh nojoo' éh pu'un kenat mu'un tong seruga. Barei' Musa hun néh juk maneu' umaa' Tuhan rai, ka' ha' Allah ngan néh, Jian ke' maneu' lamin Ké' iteu' pekua' éh benara' Ké' ngan ko' hun ko' pu'un tong tokong rai, ha' Néh.

IBRANI 8:5 Iomraidhean Croise

MATIUS 2:12

La'ah dalem nyupin réh Allah meta' réh bé' buhaa' dai réh moléé' tai Herodis kepéh. Uban kenat irah moléé' tai tana' réh Kivu Jalan éh Jah.

PENGANEU' LAWAH 7:44

Ka' ha' Stepanus kepéh, Tepun lu' rai pu'un lamin Tuhan éh penakai réh kelebéé' réh pu'un tong tana' pengawa sahau, sinah réh omok tavin Allah. Lamin inah senuai réh pekua' layan éh sohoo' Allah ngan Musa rai.

KOLOSÉ 2:17

Kekat éh penganeu' réh inah nojoo' tong éh juk pu'un kepéh, bé' éh usah Kristus mu'un, Hun iteu' kepéh bé' éh penojoo' kenat awah uban pu'un Kristus tuai tenéh.

IBRANI 10:1

Sohoo' lem Surat Musa, bé' éh jah layan éh kelo'ong ngan sukup mu'un, tong ineu'-ineu' éh semu'un néh, bang inah barei' kuyuh kekat éh jian éh juk avéé' kepéh, siget-siget taun irah mematai ka'an ke' réh mena' éh ngan Allah bang inah bé' omok mega' penyala'.

IBRANI 11:7

Neu' pengelan, Noh mihau ha' Allah éh bara' tong kekat éh juk pu'un éh bé' jak sakui ta'an néh, pu'un Noh kivu sohoo' Allah, ngan maneu' kapen ke' néh purip usah néh ngan pemanak néh. Tana' iteu' kenukum, bang Allah pepoléng Noh nah kelunan éh jian neu' pengelan néh.

IBRANI 12:25

Uban néh kenat mai keh bé' menéng ha' Néh Pané inah. Irah éh bé' keloo' menéng ha' Iah éh tuai tong tana' éh pesavéé' Rengah éh jin Allah, bé' omok ngelepu usah néh tengéé'. Hun lu' bet Iah éh pané jin seruga, adang lu' bé' omok ngelepu usah lu'.

IBRANI 13:10

Irah imam éh kereja' tong lamin Tuhan bé' réh omok kuman pengena' éh tong mija jalan pengena' lu'.

IBRANI 9:9

Tong kekat inah pu'un éh barei' jah ha' tapan ngan uleu' kepéh hun iteu'. Kekat pengena' irah Yahudi ngan Tuhan ngan kekat ka'an éh penatai réh nah dokoo' réh omok tavin Tuhan, bé' éh omok mihin kelunan sukup mu'un kenin.

ÉH POLÉNG 15:5

La'o inah ta'an ké' umaa' Allah tong seruga pu'un pukap inah éh lamin jalan Allah mokoo' sahau rai.