IBRANI 8:3 - Rengah Jian

³ Siget-siget Imam éh pengeja'au kekat imam pu'un kevéléé' dokoo' mena' pengena' ngan mematai ka'an mena' ngan Allah, kenat péh Imam éh pengeja'au kekat imam lu' adang pu'un jah pengena' éh tekep nena' Néh.

IBRANI 8:3 Iomraidhean Croise

YOHANES 6:51

Akeu' iteu' ka'an éh purip kelunan, éh tuai jin seruga, séé'-séé' éh kuman ka'an iteu' omok éh murip pelinguh. La'ah ka'an éh juk nena' Ké' ngan néh, inah éh usah Ké', éh juk nena' Ké' dokoo' Ké' purip kekat kelunan pah tipo tana', ha' Yésus ngan réh.

SURAT PAULUS NGAN SIDANG RUM 4:25

Pu'un Iah matai naneu' penyala' uleu', Iah pu'un betéé' murip kepéh dokoo' lu' omok jian kepéh ngan Allah.

SURAT PAULUS NGAN SIDANG RUM 5:6

Uban lem lu' to lemoo' ngan bé' omok piso jin kesa'at lu', tovoo' jaka' éh kevéléé' Allah ke' Kristus matai ngeliwah uleu' kelunan éh sa'at.

SURAT PAULUS NGAN SIDANG RUM 5:8

Bang inah jalan Allah pepoléng penika Néh ngan uleu', uban lem lu' pu'un maneu' penyala' keto, inah Kristus matai ngeliwah uleu'.

GALATIA 2:20

La'ah urip ké' hun iteu' bé' éh anah ké' tengéé' kepéh, bang urip Kristus éh murip dalem akeu'. La'ah tong urip ké' hun iteu', akeu' murip neu' pengelan ké' tong Anak Allah, éh pika akeu' ngan éh mena' usah Néh uban akeu'.

ÉPESUS 5:2

Dalem kekat urip keh jian keh maneu' éh ngan pepika, pekua' Kristus pika uleu' ngan mena' urip Néh ngeliwah lu'. Iah mena' usah Néh penatai réh, ke' Néh ngeliwah lu', inah jalan éh ngepayoo' kenin Allah, barei' ka'an éh penatai irah sioo' sahau, ke' réh mena' éh ngan Tuhan rai.

TITUS 2:14

Pu'un éh mena' urip Néh ngeliwah uleu', dokoo' Néh ngelepu lu' jin kekat arong kesa'at, mohéé uleu' ngan maneu' uleu' anah nah awah, kenat péh mihin uleu' mekat maneu' jian.

IBRANI 2:17

Adang néh tekep Yésus paléu kelunan pekua' kekat padéé' Néh dalem kekat ineu'-ineu' péh. Dokoo' Iah omok Imam éh pengeja'au kekat imam éh tigéh ngan pu'un penika. Neu' penganeu' Néh inah penyala' kelunan omok pega'.

IBRANI 3:1

O kekat padéé' ké' lem Tuhan éh tenebai Allah, jian keh seruh tong Yésus éh tuai sohoo' Allah ke' Néh omok Imam éh pengeja'au kekat imam tong adet sebayang lu'.

IBRANI 5:1

Siget-siget Imam éh pengeja'au kekat imam pu'un éh kevéléé' Tuhan jin belah irah pinaa' iah kevéléé dokoo' mena' usah néh ngan Allah ke' néh menyat Tuhan pika réh. Kereja' néh mena' pengena' ngan mematai ka'an éh nihin réh dokoo' Tuhan omok mega' penyala' réh.

IBRANI 7:27

Bé' Iah barei' irah Imam éh pengeja'au kekat imam éh jah, éh siget dau mena' pengena' uban penyala usah nah ke' kenat péh uban penyala' irah pinaa' nah. Yésus mena' pengena' jah koléé' awah avéé' pelinguh-linguh, tovoo' Iah mena' usah Néh matai jah koléé' awah uban penyala' kekat kelunan.

IBRANI 8:4

Né' Iah pu'un tong tana' iteu', adang bé' Iah omok imam, uban lepah pu'un imam éh mena' pengena' kivu ha' Surat Musa ngan kelunan Yahudi.

IBRANI 9:14

Hun néh kenat tong dahaa' ka'an awah, makin péh tong dahaa' Kristus mu'un, uban neu' Sahéé' Néh éh pelinguh, Iah mena' usah Néh ke' Néh matai dokoo' kelunan omok tavin Tuhan, barei' ka'an éh penatai réh tong sebayang Yahudi. Tong pengena' Kristus hun Néh matai tong kayeu' salib, sukup mu'un éh. Dahaa' Néh pu'un penyukat mohéé' kenin lu' jin kekat penganeu' éh bé' omok purip lu', kelu' omok kivu Allah éh murip ngan ngepayoo' kenin Néh.