IBRANI 8:10 - Rengah Jian

¹⁰ Bang hun iteu', iteu' néh jajii' éh juk neu' ké' ngan pohoo' Israel tong jaka' éh temurei' ha' Tuhan: Akeu' juk mulah ha' tebaraa' ké' lem penyeruh réh ngan nyurat éh lem kenin réh Akeu' omok Allah réh ngan Irah omok anah ké'.

IBRANI 8:10 Iomraidhean Croise

MATIUS 22:32

Akeu' éh Allah éh kenelan Abraham ngan Ishak ngan Yakub, ha' néh. Lem ha' néh kenat, inah iah bara', Iah éh Allah kekat kelunan éh murip, kenat péh irah éh murip keto hun iteu', kenat péh tong kelunan éh lepah matai éh murip kepéh, ha' néh.

SURAT PAULUS NGAN SIDANG RUM 11:27

La'ah akeu' juk maneu' kenat, tovoo' ké' mega penyala' réh, ha' Allah.

1 KORINTUS 6:16

Kineu', bé' keh jam kelunan éh tai pemung ngan redo bavah, rawah seleket jah usah awah? Uban pu'un jah ha' lem surat Allah éh bara' lenaa' mu'un, Kelunan éh pemung, inah rawah seleket jah usah awah, ha' Néh.

2 KORINTUS 3:3

Kristus éh nyurat surat iteu' ngan nyohoo' améé' patet éh. Bé' éh senurat Néh lem surat ngan bé' éh tong bateu' péh, bang senurat Néh lem kenin kelunan neu' Sahéé' Allah éh murip.

TITUS 2:14

Pu'un éh mena' urip Néh ngeliwah uleu', dokoo' Néh ngelepu lu' jin kekat arong kesa'at, mohéé uleu' ngan maneu' uleu' anah nah awah, kenat péh mihin uleu' mekat maneu' jian.

IBRANI 11:16

Bang irah juk tai jah tana' éh pelapah jian jin inah, inah éh seruga. Inah maneu' Allah bé' menyaa' hun réh mateng Iah Allah réh, uban pu'un Éh lepah petenup leboo' tong seruga ngan réh.

YAKUB 1:18

Kivu pengeloo' Néh tengéé' Iah suai uleu' neu' ha' tebaraa' Néh éh teneng. Inah maneu' uleu' omok barei' buaa' éh tenah jin kekat-kekat éh senuai Néh.

YAKUB 1:21

Uban néh kenat jian keh bet kekat kemalai ngan barék éh sa'at. Ngerera' kenin tong Allah ngan alaa' ha' tebaraa' éh nulah Néh dalem kenin keh, uban ha' tebaraa' inah omok purip keh.

1 PÉTERUS 1:23

Naneu' ha' tebaraa' Allah éh murip ngan pelinguh. Ka'ah lepah kenanak maréng, bé' éh jin kelunan bang jin tamen keh éh pelinguh.

1 PÉTERUS 2:9

Bang ka'ah jah pohoo' éh kevéléé' Allah, imam-imam éh mena' urip néh maneu' kereja' Allah, pohoo' éh ni'ai, kelunan éh anah Allah mu'un. Allah ngevéléé' keh dokoo' keh omok perengah penganeu' Néh éh ngebéé kenin kelunan Allah lepah tebai ka'ah musit jin merem dokoo' masek lem rema Néh éh jian mu'un.