IBRANI 6:2 - Rengah Jian

² Kenat péh ha' tebaraa' tong pengebatis ngan mapai ojoo' tong kelunan, kenat péh tong pengebetéé' kelunan matai ngan tong ukum éh pelinguh.

IBRANI 6:2 Iomraidhean Croise

MATIUS 28:19

Jian keh tai tavin kekat arong kelunan pah tipo tana'. Ngan keh maneu' réh bakéh ké'. Jian keh ngebatis réh dalem ngaran Tamen ngan Anak ngan Sahéé' Ni'ai.

MATIUS 3:14

Bang bé' Yohanes keloo' ngebatis éh, ka' ha' néh ngan Yésus, Tekep éh akeu' ke' Tuhan ngebatis, bang pu'un ka'au' tuai tavin akeu', ha' néh.

MARKUS 16:16

Séé'-séé' éh ngelan ngan benatis, iah omok alaa' urip bang kelunan éh bé' ngelan adang néh teneng kenukum.

MARKUS 7:4

Kenat péh penguman ineu'-ineu' éh nalaa' réh jin lamin pebelih, bé' réh omok tioo kuman éh hun réh bé' jak sakui mohéé' éh tenah. La'ah pinaa' arong adet éh jah kepéh éh penakai réh, adet jin tepun réh, barei' adet réh éh mohéé' kekat sawan ngan pigan ngan lajang péh.

MARKUS 7:8

Pulang ke' ha' tebaraa' Allah nebet réh awah éh, uban réh keloo' kivu ha' tebaraa' jin pata irah kelunan ke' awah, ha' Yésus ngan réh.

LUKAS 11:38

Béé kenin kelunan Parisi nah na'at Yésus kuman bé' jak mohéé' ojoo' Néh pekua' adet irah Parisi.

LUKAS 12:50

Bang dokoo' luten inah omok mahang kenat, tekep Akeu' pu'un teneng tong kekat arong pengeketa Ké', besau kenin Ké' kelebéé' iteu' bé' jak ma'o.

LUKAS 14:14

boh ke' jian, uban bé' irah omok maneu' ineu'-ineu' éh ke' réh mena' ngan ko' kepéh. Tovoo' Tuhan metéé' kelunan jian jin patai réh, boh Tuhan pu'un mena' oléé' néh ngan ko' kepéh, ha' Néh.

LUKAS 3:16

Uban réh seruh éh kenat, inah Yohanes pané ngan réh, Akeu' éh ngebatis ka'ah dalem baa', bang pu'un jah kelunan éh saa' murin iteu' kepéh éh juk ngebatis keh neu' Sahéé' Ni'ai ngan luten néh. Kelunan inah éh pelapah ja'au jin akeu', la'ah usah ké' péh bé' tekep muka talei' kasut Néh.

YOHANES 1:33

Tovoo' inah péh bé' ku' jam Éh séé' kelunan inah, bang Allah éh nyohoo' ku' tuai ngebatis kelunan lem baa', pu'un Éh bara' ka' ngan ké', Tong séé' Sahéé' Ni'ai tai mokoo', jian ke' nesen Kelunan inah Éh omok mebatis kelunan neu' Sahéé' Ni'ai, ha' Allah ngan ké' rai de'.

YOHANES 5:29

boh réh pu'un musit jin tanem. Kekat kelunan éh pu'un maneu' jian, pu'un réh betéé' murip, ngan kekat irah éh lepah maneu' sa'at, pu'un réh betéé' ke' réh teneng ukum, ha' Yésus ngan réh.

PENGANEU' LAWAH 10:47

Pu'un réh alaa' Sahéé' Ni'ai pekua' barei' uleu' iteu' lepah rai. Hun néh kenat kineu', tekep lu' meta' réh batis dalem baa' kei? ha' néh.

PENGANEU' LAWAH 13:3

La'o réh kelaset ngan sebayang nah, pu'un réh mapai ojoo' réh bau roh ke' réh nyohoo' roh tai maneu' kereja' Tuhan.

PENGANEU' LAWAH 16:15

Pu'un éh batis pemung ngan kekat irah tong lamin néh. La'o inah pu'un éh tebai mé', ka' ha' néh, Hun keh seruh akeu' ngelan tong Tuhan mu'un, jian keh tai lamin ké' mokoo' ngan améé', ha' néh. Gahang mu'un éh tebai' mé'.

PENGANEU' LAWAH 16:33

Tovoo' merem inah péh pu'un éh mihin roh ngan pohéé' suhat roh, boh éh batis pemung ngan kekat kelunan tong lamin néh.

PENGANEU' LAWAH 17:18

Pu'un kelunan kepéh éh guru tong adet Epikuros ngan Stoa éh pepata' ha' ngan Paulus. Ka' ha' jelua' réh, Kineu' kelunan inah éh palui, ineu' ha' tebaraa' éh juk benara' néh, ha' réh. Ka' ha' jelua' kepéh, Iah pu'un bara' tong kuraa' balei' ngan adet éh tengéé' kepéh, ha' réh. Pu'un réh pané kenat uban Paulus nebaraa' réh tong Rengah Jian tong Yésus ngan tong pengebetéé' néh kepéh.

PENGANEU' LAWAH 2:38

Ka' ha' Péterus ngan réh, Jian siget-siget usah keh piso jin penyala' keh, ngan batis dalem ngaran Yésus Kristus dokoo' penyala' keh omok pega'. La'ah ka'ah omok alaa' Sahéé' Ni'ai éh pengena' Allah ngan lu'.

PENGANEU' LAWAH 2:41

La'ah pinaa' kelunan jin belah réh ngelan ha' tebaraa' éh benara' néh inah, ngan pu'un éh ngebatis réh. Tong dau inah péh pepit kepéh ngioo' teleu' ibu' kekat kelunan masek maréng pemung ngan irah éh lepah ngelan nah kepéh.

PENGANEU' LAWAH 23:6

Hun Paulus jam jelua' irah Komiti sebayang Yahudi nah kelunan éh kivu adet Saduki ngan jelua' kivu adet Parisi, pelapah éh pané ngan ja'au ha' ngan irah Komiti sebayang Yahudi, ka' ha' néh, O kekat tamen ngan kekat padéé' ké', akeu' iteu' péh kelunan Parisi ngan anak kelunan Parisi. La'ah uban ké' ngelan kelunan matai omok betéé' murip kepéh, inah ké' kenukum réh ka', ha' néh.

PENGANEU' LAWAH 24:15

Pu'un réh ngelan Allah omok metéé' kekat kelunan jin patai réh, kelunan éh teneng ngan kelunan éh sala' péh, kenat péh akeu' ngelan éh kepéh.

PENGANEU' LAWAH 24:21

Bang jah awah sala' ké' rai, uban ké' mejui hun ké' nekedéng belah réh rai, ka' ha' ké', Ka'ah pu'un maneu' akeu' dau iteu' uban akeu' ngelan kelunan matai omok betéé' murip kepéh. Kenat ha' ké' rai, ha' Paulus.

PENGANEU' LAWAH 24:25

Bang tovoo' Paulus bara' tong kekat barék éh jian, ngan tong mavaa' kenin, ngan tong dau Tuhan juk ngukum kelunan, medai Peliks, boh éh bara' ngan Paulus, ka' ha' néh, Ma'o lah ke' pané hun iteu', moléé' ke', hun mah ku' juk tebai ke' kepéh, boh ku' tebai ke', ha' néh.

PENGANEU' LAWAH 26:8

Kineu' ka'ah Yahudi bé' omok ngelan Allah pu'un pebetéé' kelunan éh matai, ha' néh.

PENGANEU' LAWAH 4:2

Merek réh uban Péterus rawah Yohanes nebaraa' kelunan inah tong pengebetéé' Yésus, inah jalan réh omok jam kelunan éh lepah matai omok betéé' murip kepéh.

PENGANEU' LAWAH 6:6

Boh réh mihin réh teleu' tavin irah lawah nah. Pu'un réh sebayang ngan mapai ojoo' réh tong siget usah réh.

SURAT PAULUS NGAN SIDANG RUM 2:16

Kenin ké' hun ké' seruh tong Rengah Jian éh benara' ké' iteu', inah jalan Allah dalem Yésus Kristus ngukum kekat kelunan ngan ngukum kesa'at éh pelim lem kenin réh tovoo' ga' dau vam.

1 KORINTUS 10:2

Iteu' barei' réh pu'un batis ke' réh kivu Musa.

1 KORINTUS 12:13

Kenat péh kekat uleu' béé pu'un petem jah usah awah. Kenat péh irah Yahudi kenat péh irah éh tengéé' pohoo', kenat péh kelunan ripen, kenat péh kelunan éh bé' ripen. Sahéé' Allah éh maneu' uleu' petem jah awah, uleu' pu'un petem dalem Kristus neu' Sahéé' Allah éh jah awah, ngan Sahéé' Allah inah pu'un petem dalem kenin uleu' béé.

2 KORINTUS 5:10

Uban adang kekat uleu' béé pu'un tai tong jumen Kristus ke' Néh petuneng lu', dokoo' siget-siget kelunan alaa' oléé' néh pekua' barei' kekat penganeu' néh kelebéé' néh murip tong tana', kenat péh hun néh jian ngan hun néh sa'at péh.

PILIPI 3:21

La'ah usah uleu' éh lemoo' ngan omok matai iteu', omok éh paléu pekua' usah Nah éh maren, naneu' penyukat Néh éh jalan Néh juk mihin ineu'-ineu' lem nihau Néh.

KOLOSÉ 2:12

Uban hun lu' pu'un batis inah lu' seleket tenanem pemung ngan Kristus, bang hun lu' musit jin lem baa' kepéh, inah seleket lu' pu'un betéé' murip ngan Kristus neu' pengelan lu' tong penyukat Allah éh pebetéé' Kristus jin patai Néh.

2 TIMOTIUS 2:18

Pu'un réh netat jin ha' tebaraa' éh teneng, ngan hun iteu' irah mihin kuraa' kelunan petat jin pengelan réh tong Kristus. Uban réh bara', pengebetéé kelunan jin pematai lepah pu'un tenéh.

IBRANI 11:35

Neu' pengelan, jelua' irah redo alaa' bakéh réh éh lepah betéé' jin patai néh. Jelua' réh kepéh matai neu' kelunan peketa réh, uban réh pelapah keloo' matai jin hun réh bet Allah ke' réh ngelepu réh. Uban pu'un réh ngelan Allah pebetéé' réh jin patai réh.

IBRANI 9:10

Kekat adet inah bang tong penguman, baa' nesep ngan kuraa'-kuraa' adet peti'ai usah réh. Kekat adet inah tong usah réh, tekep réh kivu éh kenat pah avéé' tong jaka' hun mah Allah ngeliwah kekat inah ngan maneu' éh maréng kepéh.

2 PÉTERUS 3:7

Bang langit ngan tana' éh pu'un hun iteu', neu' ha' Néh awah Tuhan mihau éh pah avéé' jaka' Néh ngebéé éh palaa' luten. Langit ngan tana' péh pu'un nihau Néh pah avéé' dau Tuhan pu'un ngukum ngan kebéé kekat kelunan éh bé' ngelan Tuhan.