IBRANI 6:1 - Rengah Jian

¹ Uban néh kenat jian uleu' lakau kepéh avéé' tong ha' tebaraa' éh ngan irah éh sukup kenin dalem Tuhan, mai lu' posot terah ha' tebaraa' éh bu'un-bu'un tong Kristus. Mai lu' ngelayau nebaraa' éh bu'un-bu'un tong pengelan tong Allah ngan posot maneu' kekat éh bé' pu'un gunah.

IBRANI 6:1 Iomraidhean Croise

MATIUS 21:29

Ha' anak néh mipa éh, Leko akeu' tai ne', bé' akeu' tai dat, ha' néh. La'o inah boh éh petesen kenin kepéh, tai éh kereja' tong pulah inah.

MATIUS 21:32

Uban Yohanes Batis rai pu'un éh tuai ke' néh bara' jalan éh ngepayoo' kenin Allah ngan ka'ah, bang bé' ka'ah ngelan ha' néh, bang irah éh alaa' sukai ngan irah redo éh petuyang, pu'un réh ngelan ha' néh. Na' péh keh jam irah inah pu'un ngelan, bé' keh piso kenin ngan ngelan tong éh benara' néh, ha' Yésus ngan réh.

MATIUS 3:2

Ka' ha' néh ngan réh, Jian keh piso jin penyala' keh uban lepah danii' jaka' Allah Pengeja'au, ha' néh.

MATIUS 4:17

Jin la'o Yésus tai leboo' Kapernaum, inah éh bu'un néh maneu' kereja' néh éh nebaraa' kelunan. Ka' ha' néh, Piso keh jin penyala' keh, uban jaka' Allah Pengeja'au lepah danii', ha' néh.

MATIUS 5:48

Jian keh pika kekat kelunan barei' Tamen keh tong seruga pu'un pika réh, ha' Yésus nah.

MATIUS 7:25

Pu'un taa' kasi ngan baa' ja'au ngan kepu gahang nesung lamin inah, bang bé' lamin inah kuba' uban lihei' néh reken lem bateu'.

MARKUS 1:1

Kekat ha' lem surat iteu' inah éh bara' Rengah Jian tong Yésus Kristus éh Anak Allah.

MARKUS 6:12

La'ah lakau lah réh, tai nebaraa' kelunan ngan nyohoo' réh piso jin penyala' réh.

LUKAS 6:48

Kelunan éh maneu' lamin inah pu'un éh mekot tana' dilem ke' néh mejek kekat lihei' néh tong bateu'. La'ah avéé' baa' ja'au nesung lamin inah, bang bé' lamin inah gusii' uban penyuai néh pu'un reken tong bateu'.

YOHANES 12:44

La'ah Yésus pané kepéh ngan ja'au ha', ka' ha' Néh séé'-séé' éh ngelan tong Akeu', bé' éh ngelan tong Akeu' awah, bang pu'un éh ngelan kepéh tong Tamen Ké' éh nyohoo' Akeu' tuai.

YOHANES 14:1

Ka' ha' Yésus kepéh, Mai keh pelasam ngan béé kenin, jian keh ngelan tong Allah ngan ngelan tong Akeu' kepéh.

YOHANES 5:24

Akeu' bara' mu'un ngan keh, séé'-séé' éh mihau ha' Ké' ngan éh ngelan tong Iah éh nyohoo' Akeu' tuai, iah pu'un urip éh pelinguh, ngan bé' éh teneng ukum uban néh lepah musit jin jalan éh mihin éh matai tai tong jalan éh mihin éh murip.

PENGANEU' LAWAH 11:18

Hun réh jam éh kenat, bé' réh maneu' éh kepéh, bang pu'un réh mejing Allah, ka' ha' réh, Hun néh kenat adang Allah maneu' jalan ngan kelunan éh tengéé' pohoo' péh ke' réh piso jin kesa'at réh ngan alaa' urip éh maréng, ha' réh.

PENGANEU' LAWAH 17:30

Bé' Allah mihau kekat penganeu' kelunan hun réh bé' jam sahau ke' Néh ngukum réh, bang hun iteu' Iah nyohoo' kekat kelunan semah-semah péh piso jin kesa'at réh kepéh.

PENGANEU' LAWAH 2:38

Ka' ha' Péterus ngan réh, Jian siget-siget usah keh piso jin penyala' keh, ngan batis dalem ngaran Yésus Kristus dokoo' penyala' keh omok pega'. La'ah ka'ah omok alaa' Sahéé' Ni'ai éh pengena' Allah ngan lu'.

PENGANEU' LAWAH 20:21

Pu'un ku' nebaraa' pohoo' Yahudi ngan irah éh tengéé' pohoo' péh, nyohoo' réh piso jin kesa'at réh ngan tavin Allah ngan ngelan tong Tuhan Yésus Kristus.

PENGANEU' LAWAH 26:20

Tong bu'un néh pu'un ku' tai nebaraa' réh tong Damsyik ngan tong Yérusalem, la'o inah boh ku' tai tutuh tana' Yudea, ngan tai ngan kelunan éh tengéé' pohoo' péh nyohoo' réh piso jin kesa'at réh ngan tavin Allah, ngan maneu' barék réh éh pekelenaa' réh pu'un piso jin kesa'at réh nah.

PENGANEU' LAWAH 3:19

Uban néh kenat jian keh piso jin kesa'at keh ngan tavin Allah, jalan Néh mega' penyala' keh,

1 KORINTUS 13:10

bang hun Tuhan Yésus tuai kepéh, boh kekat éh bé' sukup kejam lu' nah juk béé ngan omok lu' jam éh mu'un lah.

1 KORINTUS 2:6

Bang hun ké' nebaraa' kelunan éh lepah sukup pengejam réh tong ha' tebaraa' Tuhan, pu'un ku' nebaraa' réh palaa' kuraa'-kuraa' ha' tebaraa' éh ma'an éh pu'un ngan pengejam, bang pengejam ké' iteu', bé' éh pengejam jin tana' iteu' awah, bé' éh barei' pengejam irah éh pengeja'au kelunan éh jin tana' iteu' awah, uban kekat penyukat pengeja'au kelunan inah juk béé.

2 KORINTUS 7:1

Kekat bakéh ké', kekat ha' jajii' Néh inah, pu'un éh ngan uleu', uban néh pu'un ngan uleu' kenat, jian uleu' peti'ai kenin lu' jin kekat ineu'-ineu' éh omok maneu' usah ngan kenin lu' sa'at, jian uleu' ni'ai mu'un ngan murip ngan medai maneu' ineu'-ineu' éh sa'at éh omok ngesa'at ngaran Allah.

2 KORINTUS 7:10

Uban kebesau éh jin Allah, inah éh mihin kelunan pekoléé' kenin ke' néh omok alaa' urip, ngan bé' pu'un ineu'-ineu' éh maneu' éh duah kenin seruh pelapah jian hun éh bé' pu'un pekoléé' kenin. Bang kebesau éh jin tana' iteu' awah, inah éh mihin kelunan matai awah.

ÉPESUS 2:1

La'ah hun sahau ka'ah pu'un matai neu' kekat kesa'at ngan penyala' keh.

ÉPESUS 2:5

uban tovoo' uleu' matai neu' kesa'at lu', Iah pepurip lu' pemung ngan Kristus, uban neu' penika Néh awah ka'ah pu'un piso jin ukum penyala'.

ÉPESUS 4:12

Iah maneu' kenat dokoo' nolong kekat kelunan éh anah Allah maneu' kereja' Néh dokoo' sukup avéé' usah Kristus pu'un gahang, inah éh sidang nah.

KOLOSÉ 1:28

Uban néh kenat inah éh mihin améé' bara' Kristus ngan kekat kelunan. Améé' nebaraa' ngan petena' réh béé ngan kekat pengejam kenin mé', dokoo' mé' omok mihin siget-siget usah réh tong jumen Tuhan barei' kelunan éh sukup mu'un kenin dalem Kristus.

KOLOSÉ 3:14

La'ah pemung ngan kekat inah jian keh pepit penika keh kepéh, uban penika nah, inah jalan omok memikah keh pemung.

KOLOSÉ 4:12

La'ah Epapras iah péh pemung tana' ngan ka'ah, ngan éh sohoo' Kristus Yésus, iah péh bara' tabi' ngan keh. Ngelayau iah gahang sebayang tong ka'ah dokoo' keh omok reken kenin ngan sukup kenin ngan jam seruh ngan ngelayau kivu pengeloo' Allah.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

1 TIMOTIUS 6:19

Hun réh maneu' kenat, irah pu'un alaa' oléé' éh pelapah ja'au kepéh, inah éh alaa' urip éh pelinguh.

2 TIMOTIUS 2:19

Bang lihei' éh neu' Allah, pu'un éh reken mu'un, bé' éh omok gusii', ngan Tuhan pu'un nyurat tong néh ka', Tuhan jam kekat kelunan éh anah Nah, ha' néh, ngan ha' néh kepéh, séé'-séé' kelunan éh bara' pengelan néh pu'un tong Tuhan, jian iah ngejuu' usah néh jin kekat kesa'at, ha' néh.

IBRANI 11:6

Bé' kelunan omok ngepayoo' kenin Allah hun néh bé' ngelan tong Néh. Kelunan éh tavin Allah, tekep éh ngelan Allah pu'un ngan ngelan Iah omok mena' ngan irah éh mekat pitah Éh.

IBRANI 12:13

Lakau keh masek jalan éh lepah pemai neu' keh, dokoo' kelunan éh paket gem bé' teguu' ke' néh omok ma'o mu'un jin kesakit néh.

IBRANI 7:11

Imam-imam pohoo' Lewi éh ngereken ha' lem Surat Musa, éh nena' ngan pohoo' Israel. Hun kekat éh naneu' irah imam betah Lewi sahau nah lepah sukup mu'un, bé' Iah tiken pu'un imam éh jah barei' Imam Melkisedek, éh bé' jin pohoo' Imam Harun.

IBRANI 9:14

Hun néh kenat tong dahaa' ka'an awah, makin péh tong dahaa' Kristus mu'un, uban neu' Sahéé' Néh éh pelinguh, Iah mena' usah Néh ke' Néh matai dokoo' kelunan omok tavin Tuhan, barei' ka'an éh penatai réh tong sebayang Yahudi. Tong pengena' Kristus hun Néh matai tong kayeu' salib, sukup mu'un éh. Dahaa' Néh pu'un penyukat mohéé' kenin lu' jin kekat penganeu' éh bé' omok purip lu', kelu' omok kivu Allah éh murip ngan ngepayoo' kenin Néh.

YAKUB 1:4

Tong éh kebit kenin inah, jian éh pepit, pah avéé' ka'ah pu'un sukup mu'un ngan bé' pu'un pengekurang ineu'-ineu' péh.

1 PÉTERUS 1:21

Jin Iah ka'ah ngelan tong Allah, Éh lepah pebetéé' Éh jin pematai ngan peparen Éh. Uban néh kenat hun iteu' ka'ah ngelan tong Allah ngan ngepelum tong Néh ngan kenin keh mu'un.

1 PÉTERUS 5:10

Bang La'o keh teneng pengeketa éh metok awah, Allah tengéé' juk maneu' ka'ah sukup mu'un. Iah juk petekedéng keh, ngegahang keh ngan ngereken keh, uban Iah Allah éh matek jian kenin ngan éh lepah tebai ka'ah dokoo' masek lem kemaren Néh éh pelinguh, uban ka'ah murip pemung ngan Kristus.

1 YOHANES 4:12

La'ah bé' pu'un kelunan séé'-séé' péh éh lepah na'at Allah bang hun uleu' pika kekat padéé' lu', Allah pu'un petem dalem lu' ngan penika Néh pu'un sukup dalem lu'.