IBRANI 5:9 - Rengah Jian

⁹ Uban néh kenat jin la'o Iah lepah sukup mu'un, Iah ke' éh jalan alaa' urip éh pelinguh tulat kekat kelunan éh tigéh tong Néh.

IBRANI 5:9 Iomraidhean Croise

MATIUS 17:5

Tovoo' néh pané kenat pu'un jah avun éh mening lihep tong réh, ngan pu'un jah ha' éh nenéng réh jin avun inah, ka' ha' néh, Iteu' éh Anak Ké' éh kemurung Ké', payoo' mu'un kenin Ké' tong Néh, jian keh menéng ha' Néh. Kenat ha' jin lem avun inah.

LUKAS 13:32

La'ah ka' ha' Yésus ngan réh, Kelunan inah barei' bekuleu' awah, jian keh bara' kekat ha' Ké' iteu' ngan néh, Tong dau iteu' Akeu' mega' balei' ngan peka'o kelunan sakit, kenat péh sagam, ngan tong keteleu' dau ma'o lah Ku', ha' Ké' keh bara' ngan néh, ha' néh.

YOHANES 19:30

Yésus météé' lamut inah, boh éh bara' Lepah sukup, ha' Néh. Boh éh tukep ngan béé laset Néh.

PENGANEU' LAWAH 3:15

Inah jalan keh mematai Iah éh nebu'un urip. Bang Allah pu'un pebetéé' Éh jin belah kelunan matai, améé' jam éh pu'un kenat mu'un uban maten mé' na'at Éh la'o Néh betéé' jin patai Néh.

PENGANEU' LAWAH 4:12

La'ah jin lem Iah awah lu' omok alaa' urip, uban bé' pu'un ngaran éh jah pah tipo tana' éh nena' Allah ngan kelunan éh kelu' omok murip, ha' Péterus.

PENGANEU' LAWAH 5:32

La'ah améé' lepah na'at éh kenat, kenat péh améé' omok bara' éh, kenat kepéh Sahéé' Ni'ai éh nena' Allah ngan kekat kelunan éh kivu sohoo' Néh, iah péh jam éh kenat, ha' Péterus.

SURAT PAULUS NGAN SIDANG RUM 1:5

Jin Kristus, Allah lepah mena' penika Néh ngan ké' iah tebai akeu' lawah Néh dokoo' mihin siget arong kelunan ngelan tong Iah ngan kivu Éh kepéh.

SURAT PAULUS NGAN SIDANG RUM 10:16

Bang bé' makat kekat irah béé éh ngelan tong Rengah Jian iteu'. Uban ka' ha' Yesaya, O Tuhan, séé' pu'un ngelan tong tebaraa' éh lepah benara' améé' ngan réh?

SURAT PAULUS NGAN SIDANG RUM 15:18

Makang kenin ké' bara' tong kekat jalan Kristus ngevéléé' akeu' dokoo' ké' mihin kelunan éh tengéé' pohoo' jin irah Yahudi kivu Allah kepéh. Pu'un éh kenat neu' ha' tebaraa' Tuhan éh nenéng réh ngan kuraa' arong penganeu' ké' kepéh éh ta'an réh kepéh,

SURAT PAULUS NGAN SIDANG RUM 2:8

Bang kelunan éh kivu kenin réh tengéé', éh bé' keloo' kivu sohoo' Allah, éh bet kekat jalan éh teneng ke' réh kivu kekat éh sala' awah, ngan kelunan éh kenat, adang Allah merek ngan réh ngan ngukum réh.

SURAT PAULUS NGAN SIDANG RUM 6:17

Bang mejing ngaran Allah uban na' péh lepah rai pu'un keh keripen penyala' bang hun iteu' kepéh pu'un keh kivu mu'un kekat jalan éh teneng éh pekua' barei' ha' tebaraa' éh benara' réh ngan keh rai.

2 KORINTUS 10:5

Ngan ineu'-ineu' éh neu' kelunan ke' néh mapat jalan dai kelunan jam Allah. Améé' ngelawan dokoo' siget-siget penyeruh kelunan pu'un lem penyukat Tuhan kepéh ke' réh kivu pengeloo' Kristus.

PILIPI 2:12

O kekat bakéh ké' éh penika ké', hun néh kenat barei' keh ngelayau kivu sohoo' ké' hun ké' pu'un pemung ngan keh rai, na' péh ku' juu' jin ka'ah, tekep keh kivu éh kepéh. Jian keh murip barei' kelunan éh lepah alaa' urip maréng, éh medai ngan leko tong kekat kesa'at.

2 TESALONIKA 1:8

dalem luten éh nengah, ke' Néh ngukum kekat kelunan éh bé' jam Allah, ngan kekat kelunan éh bé' kivu Rengah Jian tong Yésus éh Tuhan lu'.

2 TESALONIKA 2:16

Jian Tuhan Yésus Kristus, ngan Allah éh Tamen lu', éh pika uleu' ngan naneu' penika Néh Iah mena' pengepapung Néh éh pelinguh ngan pengelan éh jian ngan lu',

2 TIMOTIUS 2:10

Kenat péh akeu' ngeretep dalem kekat pengeketa ké', dokoo' ké' omok nolong kelunan éh kevéléé' Allah, dokoo' irah péh omok alaa' urip dalem Kristus Yésus, pemung ngan pengaren Néh éh pu'un pelinguh.

IBRANI 1:14

Hun néh kenat kineu' irah meliket nah? Irah Sahéé' éh ngerera' kivu sohoo' Allah. Pu'un Tuhan nyohoo' réh tai nolong irah éh tekep alaa' urip Néh.

IBRANI 11:40

Allah juk maneu' jah jalan éh jian ngan lu' dokoo' hun réh pemung ngan uleu' awah irah omok sukup mu'un.

IBRANI 11:8

Neu' pengelan, Abraham kivu sohoo' Allah hun Allah nyohoo' éh piso tai tana' éh jah éh pejajii' Allah ngan néh. Hun néh piso bé' éh jam semah-semah éh juk tai nah.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

IBRANI 2:10

La'ah Allah éh suai kekat ineu'-ineu' ngan mihau éh, tekep maneu' Yésus, jalan pepurip kelunan éh sukup mu'un neu' kekat pengeketa Néh. Inah jalan Allah omok mihin pinaa' kelunan masek lem kemaren Yésus, uban Yésus nah pengeja'au éh mihin kelunan tavin urip.

IBRANI 2:3

Bé' pu'un jalan lu' omok kelap hun lu' ngelapah awah tong penika Tuhan éh juk purip lu', adang lu' teneng ukum Néh. Uban Tuhan tengéé' éh bu'un-bu'un bara' tong jalan Néh juk purip lu', ngan irah éh pu'un menéng éh pu'un bara' éh ngan uleu' kepéh ngan pekelenaa' éh ngan lu' adang Tuhan juk purip kelunan.

IBRANI 9:12

Hun Kristus pu'un tai tong Retek Matek Ni'ai jah koléé' awah Éh tai, bé' Éh tai kepéh, ngan bé' Iah mihin dahaa' mék ngan dahaa' sapé' lakin ke' Néh mena' éh ngan Allah, bang Iah mihin dahaa' Néh tengéé', ngan neu' dahaa' Néh inah Iah ngelepu uleu' avéé' pelinguh.

IBRANI 9:15

Uban néh kenat inah Kristus maneu' jalan tong jajii' éh maréng ngan uleu' dokoo' kekat kelunan éh tenebai Allah omok alaa' pengejian pelinguh pekua' éh pejajii' Allah. Éh ke' néh omok kenat uban Kristus lepah matai dokoo' ngelepu kelunan jin penyala' éh naneu' réh hun réh kivu jajii' éh bu'un nah keto.

IBRANI 9:28

Kenat péh Kristus pu'un éh matai jah koléé' ke' néh mega' penyala' kekat kelunan. Pu'un éh juk poléng jah koléé' kepéh, bé' éh ke' Néh mega' penyala' kelunan bang dokoo' néh ngelepu kekat kelunan éh mena savéé' Néh.

1 PÉTERUS 1:22

Uban ka'ah kivu ha' tebaraa' éh teneng jin Allah, ka'ah pu'un ni'ai ngan ka'ah murung padéé' keh dalem Tuhan ngan semu'un kenin. Uban kenat jian keh kua' pepika ngan kekat kenin keh.

1 YOHANES 5:20

La'ah uleu' jam Anak Allah pu'un tuai, Iah mena' pengejam Néh ngan lu', dokoo' lu' jam Allah éh teneng. Urip lu' pu'un éh dalem Allah éh teneng ngan dalem Anak Néh Yésus Kristus. Inah éh Allah éh teneng ngan urip éh mu'un ngan pelinguh.

YUDAS 1:21

Jian keh murip ra' nihau penika Allah kelebéé' keh mena pengasi Tuhan lu' Yésus Kristus, éh juk mena' ngan keh urip mu'un ngan pelinguh.