IBRANI 5:8 - Rengah Jian

⁸ La'ah na' péh Yésus nah Anak Allah mu'un, Iah pekalai tigéh neu' kekat pengeketa éh teneng tong Néh.

IBRANI 5:8 Iomraidhean Croise

MATIUS 3:15

Ha' Yésus mipa éh, Turut ke' éh kenat hun iteu', uban kenat éh jalan pesukup pengeloo' Allah, ha' néh. Boh Yohanes kivu sohoo' néh ngan ngebatis éh.

YOHANES 10:18

Bé' pu'un séé'-séé' éh ngebéé urip Ké' iteu', bang neu' pengeloo' Ké' tengéé' Akeu' mena' éh. Akeu' pu'un penyukat omok mena' urip Ké' kenat, ngan pu'un penyukat Ké' alaa' éh kepéh. Inah éh sohoo' Tamen Ké' ngan Ké', ha' Yésus ngan réh.

YOHANES 15:10

Hun keh kivu kekat sohoo' Ké', boh keh petem lem kemurung Ké', barei' Akeu' kivu kekat sohoo' Tamen Ké' ngan pu'un Ku' petem dalem kemurung Néh, ha' Néh.

YOHANES 4:34

La'ah ka' ha' Yésus ngan réh, Penguman éh kunah Ké' nah, inah éh hun Ké' kivu pengeloo' Iah éh nyohoo' Akeu' tuai, ngan hun Ké' ngelapuh kekat kereja' éh sohoo' Néh ngan Ké', ha' Néh.

YOHANES 6:38

Bé' Akeu' tuai jin seruga dokoo' Ké' kivu kenin Ké' tengéé', bang Akeu' tuai dokoo' Ké' kivu sohoo' Iah éh nyohoo' Akeu' tuai rai.

PILIPI 2:8

Diva' kenin Néh, ngelayau Iah kivu sohoo' Tamen Néh, pah avéé' néh matai tong kayeu' salib.

IBRANI 1:2

Bang hun iteu' tovoo' tai ga' tana', inah Iah pané ngan uleu' kepéh Jin Anak Néh. La'ah Jin Anak Néh, pu'un Allah suai kekat tana' ngan langit. Allah lepah ngevéléé' Anak Néh iteu' ke' Néh pu'un penyukat bau kekat ineu'-ineu' péh tong ga' néh.

IBRANI 1:5

Uban bé' Allah pu'un bara' ka' ngan jah-jah meliket péh, Ka'au' éh Anak Ké', dau iteu' Akeu' éh Tamen Ko', Kenat péh bé' Allah pu'un bara' ka' ngan jah-jah meliket péh, Akeu' éh Tamen Néh, ngan Iah éh Anak Ké',

IBRANI 1:8

Bang tong Anak Néh nah pu'un Allah bara' ka', Ka'au' éh Allah, Ka'au' omok raja' avéé' pelinguh Pu'un Ke' mihau kekat irah éh lem nihau Ko' dalem kekat éh teneng ngan jian mu'un.

IBRANI 3:6

Bang Kristus nah Anak Tuhan mu'un, tigéh mu'un éh mihau umaa' Allah. La'ah uleu' néh umaa' Allah, inah éh hun lu' ngereken kenin lu' ngan petem pengelan lu' omok alaa' ineu' éh kepelum lu'.